1 CHANRELNAK 4:41 - Lai (Hakha) Common Language Bible 2006

⁴¹ Hi an min in ṭialmi hna hi, Judah siangpahrang Hezekiah chan ah khan an ra i, an thlam hna le khika i khua a rak sami Meunim mi hna kha an hrawh hna i nihin ni tiang hin an hloh cikcek hna i an umnak ah khan anmah an um, zeicahtiah khika ah khan an saṭil run hna caah ram a um.

1 CHANRELNAK 4:41 ပူးပေါင်းရင်းမြစ်များ

1 CHANRELNAK 3:13

cu fapa ah Ahaz, cu fapa ah Hezekiah, cu fapa ah Manasseh,

1 CHANRELNAK 4:33

le hi khua hna pawngkam i a ummi khuate vialte, Baal tiangin, an si. Mah hna hi an umnak hmun an si i annih nih an chuahkehnak caṭial roca kha an i ken.

1 CHANRELNAK 5:22

Raldohnak cu Pathian ta a si caah tampi an thah hna. Cun saltan caan tiang an umnak ah cun khua an sa.

2 CHANRELNAK 14:15

Cun saṭil a ngeimi hna thlam kha an tuk hna i tuu le kalauk kha tampi an i kalpi hna. Cun Jerusalem ah an kir.

2 CHANRELNAK 20:1

Hi hnuah hin Moab mi hna le Ammon mi hna cu Meunim mi a cheukhat hna he Jehoshafat tuk awkah an i thawh.

2 CHANRELNAK 26:7

Pathian nih, Filistin mi hna le Gurbaal i a ummi Arab mi hna le Meunim mi hna lakah khan amah cu a bawmh.

JEREMIAH 49:20

Cucaah Edom cungah Bawipa nih khua a khan mi le Teman khuami hna cung i aa tinhmi hi thei tuah hna u: Tuurun chung i a no tete hna cu kalpi an si lai i an tlonnak hmun cu an cung i thil a tlungmi ruangah cun khuaruahhar in a um lai.

LAMKALTU 17:26

Minung pakhat chungin miphun vialte kha a ser hna i vawlei cungah hin khua a sakter hna. A hlankan in an caan le an umnak hmun kha a khiahpiak hna.

BIACEIHTU 10:12

Sidon mi hna zong le Amalek mi hna le Maon mi hna nih nannih kha an in hrem hna i nannih nih nan ka auh i an kut chungin kan chuah hna.