1 CHANRELNAK 28:9 - Lai (Hakha) Common Language Bible 2006

⁹ “Cun nang, Solomon ka fapa, na pa i a Pathian hi hngal law lung ṭengnge lo te le a tha a thomi ruahnak he a rian ṭuan tuah; zeitintiah Bawipa nih cun lung vialte cu a purh dih ko i tinhmi le ruahnak vialte cu a hngalh dih. Amah cu na kawl ahcun na hmuh lai; sihmanhsehlaw amah cu na hlawt ahcun zungzal in an hlonh ko lai.

1 CHANRELNAK 28:9 ပူးပေါင်းရင်းမြစ်များ

GENESIS 28:13

Cun Bawipa nih cun, “Keimah hi Bawipa, Abraham le Isak Pathian kha ka si. Na ihnak ram hi nangmah le na tefa kha kan pek hna lai.

GENESIS 6:5

Bawipa nih minung cu khuazakip ah an ṭhat lo tuk hringhran le an lungchung cu ruahnak ṭhalo lawnglawng a khah kha a hmuh tikah,

GENESIS 8:21

Bawipa nih cu rim thaw cu a theih tikah, “Minung tuahmi ruangah vawlei cu zeitikhmanh ah chiat ka serh ṭhan ti lai lo; minung cu a no lio tein a ruahnak cu a ṭhalo ti kha ka hngalh. Atu i ka tuah bantuk hin zeitikhmanh ah thilnung vialte kha ka hrawk ṭhan ti hna lai lo.

1 SIANGPAHRANG 3:6

Cun Solomon nih, “Nangmah nih ka pa David cu zumhawktlak in le dinnak in le nangmah lei i lungthin ding ngeihnak in na hmaiah a um caah, a ngan le a fekmi dawtnak cu na hmuhsak cang; cun hi a ngan i a fekmi dawtnak cu na chiahpiak i nihin i a bawi ṭhutdan cung i a ṭhu dingah fapa pakhat na pek.

1 SIANGPAHRANG 8:39

khi tikah nang nih na umnak van khin rak theihpiak hna law ngaithiam hna law, tuah law an zulhmi lam vialte ning cio ah an lungthin nangmah nih na hngalh ko mi hna cu pe ko hna (zeitintiah nangmah, nangmah lawnglawng nih minung fa vialte hna an lung cu na hngalh);

1 SIANGPAHRANG 8:43

na umnak van ah khin rak theihpiak law, ramdangmi nih an in auhnak vialte ningin tuahpiak ko hna; zeitintiah vawleicung mi vialte nih na mi Israel mi bangin, na min kha an theih i nangmah kha an in ṭih i hi inn ka sakmi hi nangmah min in kawh a si kha an hngalh nakhnga.

1 SIANGPAHRANG 8:61

Cucaah a nawlbia le a phungbia kha zul in, nihin i nan tuah bangin, Bawipa kan Pathian sinah nan lungthin cu a dih umnak in fehter ko u,” tiah a ti.

2 SIANGPAHRANG 20:3

‘Maw Bawipa, zeitindah nangmah hmaiah zumhawktlak le lungcheubang loin ka kal tawn i nangmah mithmuh ah a ṭhami ka tuah kha na cinken nakhnga, kan nawl,” tiah a ti. Cun Hezekiah cu a ṭap thluahmah ko.

2 SIANGPAHRANG 21:22

Bawipa, a pupa hna Pathian cu a hlawt i Bawipa lam kha a zul lo.

2 SIANGPAHRANG 22:2

Cun Bawipa mithmuh ah a dikmi thil kha a tuah i a pu David lam kha a zul, orhlei ah siseh, kehlei ah siseh a pial lo.

1 CHANRELNAK 22:19

Atu cu Bawipa nan Pathian kha nan ruahnak le nan lungthin in biatak tein kawl tuah u. Bawipa biakamnak kuang le Pathian umkheng thiang hna cu Bawipa min ca i sakmi inn chungah khan luhpi an si nakhnga, tho u law Bawipa Pathian i hmunthiang cu sa tuah u,” tiah a ti hna.

1 CHANRELNAK 28:8

Cucaah Israel mi vialte, Bawipa mibu aa pummi hmuhhngan le kan Pathian theihhngan ah hin, nannih nih Bawipa nan Pathian i nawlbia vialte cu zul u law kawl tuah u; zeitintiah nannih nih hi ram ṭha cu nan co i nan hnu i a ra dingmi nan tefa hna caah ro ah nan roh zungzal hna nakhnga.

1 CHANRELNAK 29:9

Cun mi cu an i lawm, zeicahtiah lungtho tein an pek, lung ṭengnge lo tein thawhlawm cu Bawipa sinah an pek i tampi an pek; siangpahrang David zong aa lawm.

2 CHANRELNAK 12:5

Khi tikah profet Shemaiah kha, Jerusalem i Shishak ruangah aa pummi Rehoboam le Judah bawi hna sinah khan a ra i annih cu, “Hi bangin Bawipa nih, ‘Nan ka kaltak caah kei zong nih Shishak kut chungah kan kaltak ve hna lai,’ a ti,” tiah a ti hna.

2 CHANRELNAK 15:2

Asa ton awkah khan a kal i amah cu a thawh i, “Asa le Judah mi vialte le Benjamin mi vialte hna ka bia ngai tuah u: Amah sinah nan um chung cu Bawipa cu nan sinah a um. Nan kawl ahcun amah cu nan hmuh lai, sihmanhsehlaw nan hlawt ahcun an hlawt ve hna lai.

2 CHANRELNAK 6:30

khi tikah nang nih na umnak van khin rak theihpiak hna law, ngaithiam hna law, an zulhmi lam vialte ning cio ah an lungthin nangmah nih na hngalh komi hna cu pe ko hna, zeitintiah nangmah lawnglawng nih minung fa hna an lung cu na hngalh;

EZRA 8:22

Cun kannih nih, “Kan Pathian kut cu amah a kawltu hna cung paoh ah cun ṭhatnak caah a um i amah a hlawtu hna paoh cu a thinhunnak ṭhawnnak kha a chuahhnawh hna,” tiin siangpahrang kha kan rak chimh cang caah, kan lam i kan ral hna sinin a kan vengtu dingah ralkap bu khat le rangcung ralkap kha siangpahrang cu hal awkah ka ning a zak.

SALM 101:2

Ka cungah zei khom hmanh tlung seh law, fimnak le soi awk um lo a simi lam kha zulh kaa zuam lai. Ka inn chungah hin lungthiang in khua ka sa lai.

SALM 139:2

Ka tuahmi vialte cu na hngalh dih, lamhlatpi khin ka ruahnak vialte cu na hngalh dih ko hna.

SALM 17:3

Ka lung cu na hngalh, zan ah ka sinah na ra. Ṭha tein na ka hneksak cikcek i ka chungah duhnak ṭhalo zeihmanh a um lo kha na hmuh.

SALM 18:2

Bawipa cu ka khamhtu a si, amah cu a fekmi ka ralhruang a si. Ka Pathian cu a ka hupphengtu a si, amah sinah cun him tein ka um. Phaw bantukin a ka huhphenh, a ka ven i him tein a ka umter.

SALM 7:10

A ka hupphengtu cu Pathian a si, amah nawl a ngaimi cu a khamh hna.

SALM 7:9

Miṭhalo hna ṭhat lonak cu kham law miṭha cu laksawng in lehrul ko hna. Nang cu a dingmi Pathian na si i minung lungthin le duhnak vialte a hngal dihtu na si.

SALM 89:26

Keimah cu a ka thawh lai i, ‘Nangmah cu ka pa le ka Pathian na si; a ka hupphengtu le ka khamhtu na si,’ a ka ti lai.

SALM 89:38

Sihmanhsehlaw na thimmi siangpahrang cungah cun na thin a hung i amah cu na kaltak i na hlawt cang.

SALM 9:10

Maw Bawipa, nangmah an hngalmi nih cun an in bochan lai, nangmah sinah a rami cu ahohmanh na dawn bal hna lo.

EXODUS 15:2

Bawipa nih a ṭhawngmi le a liannganmi ah a ka ser, amah cu a ka khamhtu kha a si. Amah cu ka Pathian a si i ka thangṭhat lai, ka pupa hna Pathian a si i a lianhngannak cu hla in ka sak lai.

EXODUS 3:16

Va kal law Israel mi hruaitu pawl vialte kha va pum hna law, ‘Bawipa, nan pupa hna Pathian, Abraham Pathian, Isak Pathian, Jakob Pathian kha ka sinah a lang i, “Nan sinah ka ra i Izipt mi hna nih nan cungah zeidah an tuah ti kha ka hmuh cang;

PHUNGTHLÛKBIA 17:3

Sui le ngun cu mei in hneksak an si, minung lung cu Bawipa nih a hneksak.

PHUNGTHLÛKBIA 3:6

Na kalnak lam kip ah amah kha hngal law Amah nih na lam kha a tluanter hna lai.

PHUNGTHLÛKBIA 4:4

Ka pa nih cun a ka cawnpiak i, “Ka bia hi na lung in fek tein i tlaih hna, ka nawlbia hi zul hna law nung tuah;

ISAIAH 1:28

Asinain a sualmi le amah a dohmi paoh cu a hrawh hna lai; amah a hlawmi paoh cu a thah dih hna lai.

ISAIAH 38:3

“Bawipa, na rian zumhawktlakte le lungthin tak tein ka ṭuan kha philh hlah. Cun tuah seh ti na ka duhmi tuah kaa zuam zungzal zong kha philh hlah,” tiah a ti i lunghno ngaiin a ṭap.

ISAIAH 45:19

A thlithup in bia ka chim lo, kaa tinhmi zong kha ka thup lo. Thil aa tuaitamnak hmun ah khan ka kawl u, tiah Israel mi kha ka ti hna lo. Keimah hi Bawipa cu ka si i biatak kha ka chim; a hmaanmi kha ka langhter,” a ti.

JEREMIAH 11:20

Maw Ralkapbu Bawipa, ding tein bia a ceih i Minung lungchung le ruahnak a hneksak dihtu, Ka cung bia hi nangmah kan pek, Phu na hlam hnanak cu ka hmuhter ko.

JEREMIAH 17:10

Bawipa nih minung ruahnak cu ka dah dih i an lungthin cu ka zet dih, An tuahnak nih a phut ningin le an ziaza ning cio in ka cham hna.

JEREMIAH 20:12

Maw Ralkapbu Bawipa, nang cu mi kha ding tein a hneksak i lungthin le ruahnak a hmu dihtu na si, Ka cung thil hi nangmah cungah ka chuan cang caah An cung i phu na hlammi cu ka hmuhter ko.

JEREMIAH 22:16

Mirethei le misifak cungah khan bia ding tein a ceih, Cu nih cun keimah a ka hngalh kha a langhter a si lo maw, tiah Bawipa nih a ti.

JEREMIAH 24:7

Keimah hngalh khawhnak lungthin kha ka pek hna lai, zeicahtiah keimah cu Bawipa ka si; an lungthin a dihumnak in keimah sinah an kir ṭhan lai caah annih cu ka mi an si lai i kei cu an Pathian ka si lai.

JEREMIAH 29:13

Nan ka kawl tikah nan ka hmuh lai; nannih nih nan lung dihlak in nan ka kawl tikah

JEREMIAH 29:14

keimah cu nan ka hmuh lai, tiah Bawipa nih a ti. Cun nannih cu nan vanṭhatnak kha kan pek ṭhan hna lai i miphun vialte hna sin le hmun kip i kan ṭhawl hnanak hmun khan kan pumh ṭhan hna lai i saltannak chungah kan kalter hnanak hmun khan cuka i nan rak kalnak nan ram ah khan kan kirpi ṭhan hna lai, tiah Bawipa nih a ti.

JEREMIAH 31:34

Cun annih nih pakhat le pakhat kha, ‘Bawipa kha hngal tuah,’ tiin i cawnpiak kha an herh ti lai lo, zeicahtiah a hme bik in a ngan bik tiang, an dihlak in an ka hngalh lai. An ṭhat lonak kha ka ngaihthiam hna lai i an sualnak kha ka hngal camcin ti lai lo,’ tiah Bawipa nih a ti.

JEREMIAH 9:24

sihmanhsehlaw ahohmanh nih porhlawt a duh a si ahcun hi tu hi i porhlaw deuh seh: Keimah theih le hngalh hi. Zeicahtiah keimah cu Bawipa ka si i a dong lomi dawtnak kha ka pek hna i vawlei cungah hin biading le dinnak kha ka tuah; hi thil hna hi ka lunglawmhnak an si,” tiah Bawipa nih a ti.

EZEKIEL 11:5

Cun Bawipa thlarau kha chikkhatte ah ka cungah a rung tlung i, “Mah hihi Bawipa bia a si: Nannih Israel mi hna, mah hihi nanmah le nanmah nan i chimhmi bia cu a si: nan lung chung i a chuakmi ruahnak cu fiang tein ka hngalh ko.

EZEKIEL 38:10

Hihi Bawipa Pathian bia cu a si: Khi caan ah cun ruahnak pakhat na lu chungah a lut lai i ṭhat lonak khua na khan lai.

HOSEA 4:1

Maw Israel, Bawipa bia cu thei tuah; Zeicahtiah hi rammi hna cungah hin Bawipa nih bia pakhat a ngei: Hi ram chungah hin pakhat le pakhat i zumhnak le pakhat le pakhat i bochannak le Pathian hngalhnak a um lo,

HOSEA 4:6

Ka mi hna nih keimah cu an ka hngalh duh lo caah an rawk. Nannih tlangbawi hna nih keimah hngalh kha nan duh ve lo i ka cawnpiaknak kha nan hlawt, Cucaah nanmah le nan fapale hna cu ka tlangbawi sinak khan kan hlawt hna.

JOHAN 1:47

Jesuh nih cun Nathanael cu amah lei i a rat kha a rak hmuh i, “Israel mi taktak a simi khi zoh hmanh u; amah khi hlenthawinak lungthin zeihmanh a ngei lomi a si,” tiah a ti.

JOHAN 17:3

Cun Pathian taktak a simi nangmah hngalh le nangmah nih na thlahmi Jesuh Khrih hngalh hi zungzal nunnak cu a si.

JOHAN 2:25

Minung kong ah hin aho chimh hmanh a herh lo, zeicahtiah an lung chungah zeidah a um ti kha a hngalh dih ko.

JOHAN 21:17

Cun Jesuh nih cun, “Johan fapa Simon, na ka daw maw?” tiah a ti ṭhan hoi. Jesuh nih, voi thum tiang, na ka daw maw, tiah a hal caah khan Peter cu a ngaih a chia i, “Bawipa, nangmah nih zeizong vialte na hngalh dih, kan dawt cu na hngalh ko hen cu,” a ti. Jesuh nih cun, “Ka tuu kha zohkhenh hna.

JOHAN 4:24

Pathian cu thlarau a si i a biatu hna nih cun thlarau le biatak in an biak awk a si,” tiah a ti.

JOHAN 8:55

Nannih nih cun nan hngal bal lo, sihmanhsehlaw kei nih cun ka hngalh. Ka hngal lo ti ning law, nanmah bantuk milihchim ka si ve hnga. Sihmanhsehlaw ka hngalh taktak ko i a bia kha ka ngaih.

LAMKALTU 1:24

Cun thla an cam i, “Bawipa, nangmah nih minung lungthin vialte cu na hngalh dih.

LAMKALTU 17:23

Zeicahtiah nan khua chung i kaa chawh i nan biaknak hmun kha ka zoh hna tikah biakṭheng pakhat cu a cungah “Hngalh lomi Pathian Caah” tiin aa ṭial kha ka hmuh. Cu nan biakmi cu, a hngalh cu hngal hmanh hlah u law, nan sin i kan thanhmi hna hi a si.

LAMKALTU 17:30

Pathian nih hin, minung nih an rak hngalh lo lio caan kha cu hmu duh loin a rak umpiak ko hna, sihmanhsehlaw atu cu khuazeika i a ummi minung hmanh, nan nuncan ṭhalo kha mertak cang hna u, tiah a ti hna.

1 KORIN 15:34

Nan lung i fim ṭhan u law nan sualnak kha ngol hna u. A cheu cu Pathian nan hngal lo, hi ti ka chim hi nan ningzak seh ti ka duh caah a si.

2 KORIN 4:6

“Muihnak chungin ceunak hung ceu seh,” tiah a titu Pathian ṭhiamṭhiam kha kan lung chungah amah ceunak a ceutertu cu a si; Khrih hmai cungah a ceumi Pathian sunparnak hngalhnak ceunak kha a kan pek.

2 KORIN 8:12

Pek duhnak lungthin nan ngeih ahcun nan ngeih lomi thil zoh in si loin nan ngeihmi thil zoh in Pathian nih nan laksawng cu an cohlanpiak hna lai.

2 KORIN 9:7

Cucaah nanmahle nan lungthin nan i thlehning cio ah rak tho u, nan thawh tikah i ngaihchih bu le hnekchom in si hlah seh, lunglawm tein a thomi kha Pathian nih a dawt hna.

DEUTERONOMI 10:12

“Kha! Israel, Bawipa na Pathian nih an fialmi cu zeidang si loin, Bawipa na Pathian ṭih le, a lam vialte kha zulh le, amah kha dawt le, Bawipa na Pathian cu na lung dihlak le na ruahnak dihlak in a rian ṭuan le,

DEUTERONOMI 31:21

Cun ṭhat lonak le harnak tampi an cungah a tlun tikah, hi hla nih hin hmaitonh in a chimtu hna biahngaltu a si lai zeitintiah an tefa hna kaa chungah khan philh lo awkin a nung lai. Pek awkah chiat ka sermi ram chungah ka luhpi hna hlan hmanh ah khan, an tumtahmi cu zeidah a si lai ti kha ka hngalh cang,” tiah a ti.

DEUTERONOMI 4:35

Bawipa cu Pathian a si kha nan hngalh nakhnga, nannih cu hmuhsak nan si; amah hleiah a dang ahohmanh an um lo.

HEBRU 12:28

Cucaah cun kannih nih hninh khawh lomi pennak kha kan hmuh caah i lawm u sih.

HEBRU 4:13

Pathian sinin thuh khawhmi thil zeihmanh a um lo. Sermi thil vialte hi an dihlak in a hmaika ah an lang dih hirhiar i amah sinah cun kan kong cu kan i chim cio lai.

1 PETER 5:2

Pathian nih an pekmi hna tuurun a khaltu kha si u law Pathian nih zohkhenh hna seh ti an duh hna bantukin lungtho lo si loin lungtho tein zohkhenh hna u. Ṭuan man hmuh ding men ah si loin ṭuan nan duh taktak ruang tu ah nan rian kha ṭuan u.

BIAPHUAN 2:23

Cun a zultu hna zong kha ka thah hna lai i Khrihfabu vialte nih khan keimah cu minung lungthin le duhnak a hngal dihtu ka si kha an hngalh lai. Nannih cu nan tuahmi ning cio ah kan cham hna lai.

1 SAMUEL 12:20

Cun Samuel nih mi sinah cun, “Ṭih hlah u; hi thil ṭhalo vialte hi nan tuah cang, asinain Bawipa nan zulhnak khan pial loin nan lungthin dihlak in Bawipa rian kha ṭuan tuah u;

1 SAMUEL 16:7

Sihmanhsehlaw Bawipa nih Samuel sinah cun, “A muisam in siseh, a pumrua in siseh, zoh hlah, zeicahtiah amah cu ka hlawt cang; zeitintiah Bawipa nih cun mi i an zohning in a zoh lo; mi nih cun lenglei langhning kha an zoh, sihmanhsehlaw Bawipa nih cun lungthin kha a zoh,” tiah a ti.