1 CHANRELNAK 28:4 - Lai (Hakha) Common Language Bible 2006

⁴ Asinain, Bawipa, Israel Pathian nih keimah cu ka pa innchungkhar vialte chung khan Israel cung i siangpahrang zungzal in si awkah a ka thim; zeitintiah Judah kha hruaitu ah a thim i Judah innchungkhar chungah ka pa innchungkhar kha a thim i ka pa fapa hna lakah keimah cu Israel mi vialte cung i siangpahrang ah ser awkah ka chungah lawmhnak a ngei.

1 CHANRELNAK 28:4 ပူးပေါင်းရင်းမြစ်များ

2 SAMUEL 5:3

Cucaah Israel upa vialte cu siangpahrang sinah cun Hebron ah khan an ra i Siangpahrang David nih Bawipa hmaiah Hebron ah khan anmah he biakamnak a ser i annih nih David cu Israel mi cung i siangpahrang ah chiti an thuh.

1 CHANRELNAK 17:23

Cun atu cu maw Bawipa, na salpa kong le a innchungkhar kong i na rak chimmi kha zungzal ca in fehter ko law na rak chim bangkhan tuah ko;

1 CHANRELNAK 17:27

cucaah na sal innchungkhar hi nangmah hmaiah zungzal in a hmunh nakhnga, thluachuahnak pe ko sawh; zeitintiah maw Bawipa, nangmah nih thluachuah na pek cangmi cu zungzal in thluachuakmi a si ko,” tiah a ti.

1 CHANRELNAK 5:2

Judah cu a unau hna lakah a ṭhawngmi a hung si i amah chungin bawi a hung chuak nain, fater sinak tu cu Josef ta a si ko),

2 CHANRELNAK 6:6

sihmanhsehlaw ka min cu khika ah a um nakhnga Jerusalem cu ka thim i David cu ka mi Israel mi hna cung i um awkah ka thim,’ tiin a ka in a chimmi a biakamnak kha a kut in a tlintertu Bawipa, Israel Pathian cu thangṭhat si ko seh.

SALM 108:8

Gilead cu keimah ta a si. Manasseh zong keimah ta a si, Efraim cu ka luchin a si i Judah cu ka bawifung a si.

SALM 18:19

Ṭihnung chungin a ka chuah; ka cungah a lung a tlin caah a ka khamh.

SALM 60:7

Gilead cu keimah ta a si, Manasseh zong keimah ta a si, Efraim cu ka luchin a si i Judah cu ka bawifung a si.

SALM 89:4

‘Na tefa pakhat cu siangpahrang a si zungzal lai; na pennak cu zungzal in ka hmunhter lai,’ ka ti,” na ti. Selah

HEBRU 7:14

Judah phun chungin a chuakmi a si ti kha fiang tein hngalh a si i Moses nih tlangbawi kong a chim tikah hi phun kong hi a telh lo.

1 SAMUEL 16:1

Bawipa nih Samuel sinah cun, “Israel mi hna cung i siangpahrang a sinak in ka hlawt na hmuhmi Saul kong ah hin zei can dah ngaihchia in na um lai? Na ki ah khan chiti rawn law, va kal tuah; nangmah cu Bethlehem khuami Jesse sinah kan thlah lai, zeicahtiah amah fapa hna lakah siangpahrang ca i kaa thimmi a um cang,” tiah a ti.

1 SAMUEL 26:1

Cun Zif khuami hna cu Saul sinah Gibeah ah an ra i, “Jeshimon nichuahlei ah a ummi Hakhilah tlang ah David cu aa thup ko lo maw?” tiah an chimh.