1 CHANRELNAK 27:23 - Lai (Hakha) Common Language Bible 2006

²³ David nih kum kul toi kha cu a rel hna lo, zeicahtiah Bawipa nih Israel cu van i arfi zat ah khin ka ser lai tiah bia a kam cang.

1 CHANRELNAK 27:23 ပူးပေါင်းရင်းမြစ်များ

GENESIS 15:5

Bawipa nih cun lengah a chuahpi i, “Van khi zoh law na rel khawh ahcun arfi khi rel tuah hna. Na tefa cu khi arfi zat khi an si lai,” a ti.

GENESIS 22:17

Van i arfi zat le rili kam i thetse zat khin tefa kan pek lai. Na tefa nih cun an ral kha an tei hna lai.

GENESIS 26:4

Van i arfi zat khin tefa kan pek lai i hi ram vialte hi annih cu ka pek hna lai. Na tefa thluachuah ka pek hna bantuk hin thluachuah kan pe ve tiah vawlei cung miphun vialte nih an ka hal lai.

2 SAMUEL 24:1

Israel mi hna cungah Bawipa thinhunnak cu a alh ṭhan i, “Va kal law, Israel mi le Judah mi vialte kha va rel hna,” tiin David kha an cung i hnahnawhnak tuah awkah a lungthin a thawhter.

NAMBAR 1:18

Bawipa nih Moses cu nawl a pek bangin, thla hnihnak thla ni khatnak ni ah cun, a chungchung in, a phunphun in, kum kul ri in a cunglei an min zat ningin, pakhat hnu pakhat in, min aa thlami hna cu, Israel mibu cu a ning piin an pumh hna.

HEBRU 11:12

Mithi bantuk a si ko cang nain, hi mipa pakhat chung hin, van i arfi zat a simi le rili kam i rel cawk lo thetse zat tefa kha an chuak.