1 CHANRELNAK 27:2 - Lai (Hakha) Common Language Bible 2006

² Zabdiel fapa Jashobeam cu thla khatnak thla ah pakhatnak bu kha a hruitu a si; a bu chungah cun sang hnih le thong li an um.

1 CHANRELNAK 27:2 ပူးပေါင်းရင်းမြစ်များ

2 SAMUEL 23:8

Mah hna hi David nih a ngeihmi miṭhawng hna min cu an si: Takhemon mi Josheb-basshebeth amah cu pathum hna lak i haotu bik a si; amah nih ṭum khat ah minung za riat kha a fei in a thah hna.

1 CHANRELNAK 11:11

Mah hihi David miṭhawng hna kong cu a si: Hakhmon mi Jashobeam hi pathum hna lak i haotu bik a si, amah nih minung za thum ṭum khat i a thahmi hna cungah khan fei a hman.

1 CHANRELNAK 27:1

Mah hihi Israel mi, an pale innchungkhar hna lu a si ciomi, a thongthong pawl a uktu hna le a zaza pawl a uktu hna le an bawi pawl hna, a chuak a lut lengmangmi bu pipi hna he aa pehtlaimi rian i thla khat hnu thla khat in kum chuak tiang siangpahrang cu a rian a ṭuanpiaktu hna cazin cu a si, bu khat cu sang hnih thong li an si:

1 CHANRELNAK 27:3

Amah cu Perez tefa a si i thla khatnak thla ah cun amah cu ralkapbu haotu vialte hna bawi bik a si.