1 CHANRELNAK 26:20 - Lai (Hakha) Common Language Bible 2006

²⁰ Cun Levi mi hna lak khan, Ahijah nih khan Pathian inn chawhlawn kuang le pekchanhmi laksawng chawhlawn kuang kha a zohkhenh hna.

1 CHANRELNAK 26:20 ပူးပေါင်းရင်းမြစ်များ

1 SIANGPAHRANG 14:26

Bawipa inn chung rothil le siangpahrang inn chung rothil kha a lak hna; zeizong vialte kha a lak dih hna. Solomon nih a sermi sui phaw vialte zong kha a lak hna i

1 SIANGPAHRANG 15:18

Cun Asa nih Bawipa inn chung le siangpahrang inn chung i a tangmi ro ngun, le sui vialte kha a lak hna i a sal hna kut chungah khan a pek hna; cun Siangpahrang Asa nih cun Hezion fapa Tabrimmon i fapa Benhadad, Siria siangpahrang, Damaskas khua i a ummi sinah khan mi a thlah hna i,

1 SIANGPAHRANG 7:51

Cuticun Siangpahrang Solomon nih Bawipa inn ca i a ṭuanmi rian vialte cu a lim. Cun a pa David nih a rak pekchanhmi thil: ngun, sui le umkheng hna kha a luhpi hna i Bawipa inn rokuang chungah khan a ken hna.

1 CHANRELNAK 18:11

mah thil hna zong cu Siangpahrang David nih a teimi miphun vialte hna, Edom, Moab, Ammon mi hna, Filistin mi hna le Amalek sinin lakmi sui le ngun hna he khan hmunkhat ah Bawipa sinah a pekchanh hna.

1 CHANRELNAK 26:19

Mah hihi Korah mi hna le Merari fapa hna lak i kutka cawngtu hna an i ṭhenning cu an si.

1 CHANRELNAK 26:21

Ladan fapa hna, Ladan ta a simi Gershon mi fapa hna, Gershon mi a simi Ladan ta a simi an pale innchungkhar lu Jehieli.

1 CHANRELNAK 26:22

Jehieli fapa Zetham le a unau Joel cu Bawipa inn chawhlawn kuang hna kha a zohkhenhtu an si.

1 CHANRELNAK 26:24

Moses fapa Gershom i fapa Shebuel cu chawhlawn kuang zohkhenhtu bawi ngan bik a si.

2 CHANRELNAK 8:15

Siangpahrang nih tlangbawi hna le Levi mi hna, zei thil paoh kong le chawhlawn khonnak kong ah nawl a pekmi hna cu annih nih an pialtak lo.

EZRA 2:69

anmah le an ti khawh tawk cio in rianṭuannak tangka chungah khan sui darik sang ruk le thong khat, ngun mina thong nga le tlangbawi puan za khat an pek.

EZRA 8:28

Cun annih cu ka thawh hna i, “Nannih cu Bawipa caah nan thiang i umkheng zong hi an thiang ve; cun ngun le sui hna cu Bawipa nan pupa hna Pathian ca i mah lungtho tein thawhmi thawhlawm an si.

NEHEMIAH 12:44

Khi ni ah khan thil khonnak khaan le mi nih an thawhmi thil hna, theitlai hmasa bik hna le cheu hra cheu khat hna kha a zohkhenhtu dingah mi kan thiah hna; an rian cu tlangbawi hna le Levi mi hna ca i thawh awk tiin nawlbia nih a timi ningin khua kip nih an pawngkam i a ummi lo ning cio in an thawhmi rawl chiahnak khaan chung i rawn kha a si; zeicahtiah rian a ṭuantu tlangbawi hna le Levi mi hna cungah khan Judah mi vialte cu an i lawm.

MALAKHI 3:10

Cheu hra cheu khat cu a dihlak in thawhlawm inn ah rak pu u, cun ka inn chungah cun rawl um seh. Ka hneksak tuah ngat u, van innka cu kan hunpiak hna le hunpiak hna lo; thluachuah vanluhnak cu kan thlethnawh hna le hnawh hna lo zoh tuah ngat u, tiah ralkapbu Bawipa nih a ti.

NAMBAR 8:26

sihmanhsehlaw tonnak thlam chung rian, a zohkhenhnak rian ah khan, an unau hna cu ṭuan an bawmh hna lai, asinain rian tu cu an ṭuan ti lai lo. Mah bantuk hin Levi mi hna an rian thiahnak ah cun na tuah lai,” tiah a ti.