1 CHANRELNAK 23:6 - Lai (Hakha) Common Language Bible 2006

⁶ Cun annih cu David nih Levi fapa Gershom, Kohath le Merari hna ning khan an bu an bu cio in a ṭhen hna.

1 CHANRELNAK 23:6 ပူးပေါင်းရင်းမြစ်များ

1 CHANRELNAK 23:7

Gershom fapa hna cu Ladan le Shimei an si.

1 CHANRELNAK 24:1

Aaron fapa hna an i ṭhenning cu hi bangin a si. Aaron fapa hna: Nadab, Abihu, Eleazar le Ithamar.

1 CHANRELNAK 26:1

Kutka cawngtu pawl an i phawtning cu hi bangin a si: Korah mi hna chungin, Meshelemiah; amah cu Kore fapa a si, Kore cu Asaf fapa hna lak i pakhat a si.

1 CHANRELNAK 28:13

cun tlangbawi hna le Levi mi hna a phu a phu in an umnak ding le Bawipa inn chung rianṭuannak ca rian vialte; Bawipa inn chung rianṭuannak ca i umkheng vialte ca le,

1 CHANRELNAK 6:1

Levi fapa hna: Gershom, Kohath, le Merari.

1 CHANRELNAK 6:16

Levi fapa hna: Gershom, Kohath, le Merari.

2 CHANRELNAK 23:18

Cun Moses phungbia chungah aa ṭial bangin, lawmhpah le hlasak pah in David nawl pekning in Bawipa sin i khangh thawinak pekchanh awkah David nih Bawipa inn zohkhenhtu ah a chiahmi Levi tlangbawi hna le Levi mi hna kut tangah khan, Jehoiada nih Bawipa inn cawngtu kha a chiah hna.

2 CHANRELNAK 29:25

Cun David le siangpahrang i a hmutu Gad le profet Nathan nawl peknak ning khan, Levi mi cu Bawipa inn chungah khan sumsel le tingtang le thonglawi he tiah a chiah hna; zeitintiah nawlbia cu Bawipa sinin a profet hna hmang in a ra.

2 CHANRELNAK 31:2

Cun Hezekiah nih tlangbawi hna le Levi mi hna kha a phuphu in a ṭhen hna, a phuphu in an rianṭuanning cio khan Levi mi hna le tlangbawi hna cu khangh thawinak ca le daihnak thawinak ca le Bawipa riahhmun kutka i rianṭuantu ding hna le lawmhnak le thangṭhatnak petu hna tiin a chiah hna.

2 CHANRELNAK 35:10

Cun rianṭuannak cu timhtuah a si tikah, siangpahrang nawl peknak bangin, tlangbawi cu an hmun ah khan an dir i Levi mi cu an i ṭhenning khan an dir.

2 CHANRELNAK 35:4

Israel siangpahrang David hmuhsaknak le a fapa Solomon hmuhsaknak kha zul in nan pale chung cio ning le nan bu nan i cheuning khan i tim tuah u.

2 CHANRELNAK 8:14

A pa David nih a rak chiahmi phunglam ning khan, tlangbawi hna cu an rian cio caah khan a bubu in a thiah hna i ni fate rian nih a hlam cio ning khan Levi mi hna cu tlangbawi hna hmai i thangṭhatnak rian le rianṭuannak an tuah awk a simi ah khan a thiah fawn hna, cun kutka cawngtu pawl zong kha kutka hna caah khan an bubu in a thiah hna; zeitintiah cuticun Pathian mi David nawl pekning cu a si.

EZRA 6:18

cun Moses cauk chungah aa ṭial bangkhan, tlangbawi hna cu an i cheu ningin, Levi mi hna cu an phu an phu in, Jerusalem i Pathian rianṭuan awkah khan an thiah hna.

NAMBAR 3:17

Mah hihi Levi fapa hna cu an min in an si: Gershon le Kohath le Merari.

NAMBAR 3:3

mah hihi Aaron fapa hna min cu an si, chiti thuhmi tlangbawi, tlangbawi rian ṭuan awkah a thleidanmi hna cu.

NAMBAR 4:4

Kohath fapa hna i tonnak thlam chung i an rian cu, a thiang bik thil hna cu an si lai.