1 CHANRELNAK 22:5 - Lai (Hakha) Common Language Bible 2006

⁵ Cun David nih a thawh i, “Ka fapa Solomon hi a ngakchia i zeihmanh a hngal rih lo, cun Bawipa ca i sak dingmi inn cu rumra a um hringhranmi, a minthannak le a sunparnak ram vialte ah a thangmi a si awk a si; cucaah ka rak timhlamh chung lai,” tiah a ti. Cucaah David nih a thih hlanah thilri tampi a damhtak.

1 CHANRELNAK 22:5 ပူးပေါင်းရင်းမြစ်များ

1 SIANGPAHRANG 3:7

Cun atu cu, maw Bawipa ka Pathian, nangmah nih na salpa hi ngakchiate ka si ko nain, ka pa David hmun ah siangpahrang ah na ka ser cang; keimah cu zeitindah ka chuah lai i zeitindah ka luh lai, ti a hngal lomi ka si.

1 SIANGPAHRANG 9:8

Cun hi inn hi a rawkmi thilpon ah a cang lai; a pawng i a kalmi paoh an khuaruah a har lai i an hnar an phit lai i annih nih cun, ‘Zeicahdah mah ti hin Bawipa nih hi ram cung le hi inn cungah hin a tuah hnga?’ tiah an ti lai.

1 CHANRELNAK 29:1

Siangpahrang David nih aa pummi cu a thawh hna i, “Ka fapa Solomon hi Pathian nih a timhmi cu a si. Asinain amah cu a no rih i a hmuhtonmi a tlawm; sihmanhsehlaw ṭuan ding vial cu rian nganpi a si ṭung, zeicahtiah sak ding inn hi minung ca siangpahrang inn a si lo i Bawipa Pathian ca a si.

2 CHANRELNAK 13:7

cun Rehoboam cu a no i lungthin fek a ngeih rih hlanah khan, mizeiruaramlo le santlailo pawl kha a sinah an i ṭom i Solomon fapa Rehoboam cu an doh i anih nih a rak celh hna lo.

2 CHANRELNAK 2:4

Bawipa ka Pathian upatnak caah biakinn sak kaa tim. Cu inn cu ka mi hna le keimah nih rimthaw zihmui khanghnak in Pathian kan biaknak hmunthiang a si lai. Cun Israel mi cu nan tuah zungzal lai tiah nawlpek a simi: hun camcinmi changreu kan pekchanh zungzalnak hmun le Bawipa kan Pathian upatnak caah zingfa zanfa, sabbath hna le thla thar puai hna le nizarh hna ah khangh thawinak kan pekchanhnak hmun a si lai.

2 CHANRELNAK 2:5

Kan Pathian cu pathian vialte nakin a ngan deuh caah ka sak laimi inn cu a nganmi a si lai.

2 CHANRELNAK 2:8

Sidar thing le saipres thing le algum thing zong Lebanon in rak ka kua, zeicahtiah na sinum hna nih Lebanon i thing ah an thiam kha ka hngalh. Cun ka sinum hna cu na sinum hna sinah,

2 CHANRELNAK 7:21

Cun hi inn a sunglawimi ah hin a pawng i a kalmi paoh an khuaruah a har lai i, ‘Zeicahdah mahtihin Bawipa nih hi ram cung le hi inn cungah hin a tuah hnga?’ tiah an ti lai.

EZRA 3:12

Sihmanhsehlaw tlangbawi tampi hna le Levi mi tampi hna le pale innchungkhar lu a si ciomi tampi hna, tar pawl hmasa inn a rak hmutu hna kha cu, inn hram bunh an hmuh tikah khan, mi tampi cu lunglawm in fak piin an au nain, annih cu fak piin an ṭap i,

PHUNGTHLÛKBIA 4:3

Ka pa caah ngakchia ka rak si i ka nu caah fapa dawt, a nomi ka rak si tikah khan,

PHUNGCHIMTU 9:10

Na tuahmi cu a ṭhat khawh chungin tuah, zeicah tiah Sheol ah cun rian siseh, ruahnak siseh, hngalhnak siseh, fimnak siseh a um ti lo i cuka cu na kalnak ding hmun cu a si.

ISAIAH 64:11

Kan pu le kan pa hna nih an in thangṭhatnak hmun, hmun dawh le hmun thiang, kan Biakinn cu mei nih a hrawh cang, a nuammi kan hmun cu an rawk dih cang.

EZEKIEL 7:20

An hlawn ṭhaṭha cu porhlawtnak ah an hman i cu an hlawn cun fihnungmi siasal kha an ser hna. Cucaah an hlawn cu hmunthur bantuk ah ka ser lai i

HAGGAI 2:3

“Hi inn hi hmasa i a rak sunpar lioah a hmumi atu ah hin nan um rih maw? Atu ah hin tah zeidah a lawh cang? Pakpalawng a si cang ko lo maw?

HAGGAI 2:9

Hi inn a hmanung u sunparnak hi a hmasa u sunparnak nakkhan a ngan deuh lai, tiah ralkapbu Bawipa nih a ti; cun hi hmun ah hin rumnak ka chiah lai,” tiah ralkapbu Bawipa nih a ti.

LUKA 21:5

An lak i mi a cheu nih khan Biakinn kong kha an rak ceih i aa dawhnak kong le a lung ṭhaṭha hna le Pathian sin i laksawng an pekchanhmi kong kha an rak chim.

JOHAN 13:1

Atu cu Lanhtak Puai lai ni kha a si cang. Jesuh nih hi vawlei hi kaltak i a Pa sin kal caan kha a phan cang tiah a hngalh. Hi vawlei cung i a ummi a mi kha a dawt zungzal hna i annih cu a dongh tiang hrimhrim in a dawt hna.

JOHAN 3:30

Anih cu a ṭhangcho lai, kei cu ka ṭumchuk lai,” a ti.

JOHAN 9:4

Chun a si chung cu a ka thlahtu rian kha kan ṭuan zungzal awk a si; ahohmanh nih an ṭuan khawh lo caan, zan caan kha a ra lio.