1 CHANRELNAK 22:3 - Lai (Hakha) Common Language Bible 2006

³ David nih kutka innka hna le kapza hna khenhnak thir caah khan thir tampi a rak chiah, cun dar cu thlai cawk loin a chiah i

1 CHANRELNAK 22:3 ပူးပေါင်းရင်းမြစ်များ

1 SIANGPAHRANG 7:47

Cun cu umkheng vialte cu an tam tuk caah Solomon nih thlai loin a chiah ko hna; dar cu a khing zeizat dah a si hnga ti hngalh khawh ding a si lo.

1 CHANRELNAK 22:14

Har ngaiin Bawipa inn caah cun sui talen sing za khat, ngun talen nuai khat, dar le thir cu thlai cawk lo ka timh cang, a tam hringhran ko; thingah le lung zong ka timh cang. Mah vialte ah hin na chap awk a si lai.

1 CHANRELNAK 29:2

Cucaah kan Pathian biakinn ca thilri cu ka ti khawh chungin ka damh hna. Sui thilri ca sui, ngun thilri ca ngun, dar thilri ca dar, thir thilri ca thir, thing thilri ca thing kha ka damh hna. Cuhleiah, ṭamhnak caah oniks lungvar tampi le lung tampi, cun antimoni lungvar, lung a mui a phunphun a simi hna, lung mansung a phunphun le marbal lung kha tampi ka damh hna.

1 CHANRELNAK 29:7

Pathian inn ca rianṭuannak caah cun sui talen thong nga le darik thong hra, ngun talen thong hra, dar talen thong hleiriat, thir talen sing khat an pek.

2 CHANRELNAK 4:18

Solomon nih hi thil vialte hna cu tam piin a ser hna i cucaah dar cu a khing zeizat a si kha hngalh khawh a si lo.

JEREMIAH 52:20

Cun Siangpahrang Solomon nih Bawipa inn ca i a sermi tung pahnih, hmaihum nganpi, hmaihum nganpi tang i a ummi cawtum dar in sermi hleihnih hna le hmaihum dohtu hna cu a thlai in thlai cawk an si lo.

DEUTERONOMI 8:9

khi ram ah rawl kha cham bau loin nan ei lai i zeihmanh nan bau lai lo; a lung hna cu thir an si i a tlang hna ah cun tawngca nan cawh khawh lai.