1 CHANRELNAK 22:2 - Lai (Hakha) Common Language Bible 2006

² David nih Israel ram chung i ramdangmi a ummi hna kha i pumh awkah nawl a pek hna i Bawipa inn saknak caah lung attu hna kha lung a remhter hna.

1 CHANRELNAK 22:2 ပူးပေါင်းရင်းမြစ်များ

2 SAMUEL 5:11

Cun Tair siangpahrang Hiram nih David kha lamkaltu le sidar thing le zungthiammi hna le lungremhthiam hna zong kha a kuat i David kha inn pakhat an sakpiak.

1 SIANGPAHRANG 6:7

Inn kha an sak tikah lung khoihnak hmun i remh ciami lung in a si, cucaah sobul thawng siseh, hreitlung thawng siseh, thir hriamhrei thawng siseh, an sak lioah khan, zei thawng hmanh biakinn chungah cun a leng lo.

2 SIANGPAHRANG 12:12

lung remhtu hna le lung tantu hna kha an pek hna i Bawipa inn remhnak ding ca i thingah le khoihmi lung cawknak le inn remhnak ca i a herhmi paohpaoh ah khan an hman.

2 SIANGPAHRANG 22:6

lehtama hna le inn satu hna le lung lei zungthiam hna kha rak pe hna seh, cun inn remhnak ca i thingah le khoihmi lung cawknak caah khan a si fawn lai.

1 CHANRELNAK 14:1

Cun Tair siangpahrang Hiram nih David kha lamkaltu le sidar thing le lungremh thiam le zungthiam hna zong kha amah cu inn sakpiak awkah a kuat hna.

1 CHANRELNAK 29:1

Siangpahrang David nih aa pummi cu a thawh hna i, “Ka fapa Solomon hi Pathian nih a timhmi cu a si. Asinain amah cu a no rih i a hmuhtonmi a tlawm; sihmanhsehlaw ṭuan ding vial cu rian nganpi a si ṭung, zeicahtiah sak ding inn hi minung ca siangpahrang inn a si lo i Bawipa Pathian ca a si.

2 CHANRELNAK 2:16

cun kannih nih na herhmi thing paoh cu Lebanon in kan rak in haupiak lai i rili in Joppa khua ah pum in kan ratpi lai i nang nih Jerusalem khua ah na hun kalpi hna lai,” a ti.

2 CHANRELNAK 2:17

Cun Solomon nih, a pa David nih a rak rel hna hnuah khan, Israel ram i a ummi ramdangmi vialte kha a rel hna i sing khat, sang nga, thong thum le za ruk an um.

EZRA 3:7

Cucaah lung lei zungthiam hna le lehtama hna kha phaisa an pek hna i, Persia siangpahrang Sairas nih a onh hna ningin, sidar thing kha Lebanon tlang in rili ah, Joppa khua ah, ratpi awkah, Sidon mi le Tair mi hna cu rawl le din awk le chiti kha an pek hna.

EFESA 2:12

Kha lioah khan cun Khrih he nan rak i ṭhen. Ramdang mi nan rak si i Pathian thimmi hna chungah khan nan rak i tel lo. Pathian nih a mi hna sinah a tuahmi biakamnak cungah bunhmi biakamhmi chungah khan tinvo zeihmanh nan rak ngei lo. Hi vawleicung ah hin ruahchannak ngei lo le Pathian ngei loin khua nan rak sa.