1 CHANRELNAK 22:18 - Lai (Hakha) Common Language Bible 2006

¹⁸ “Bawipa nan Pathian cu nan sinah a um lo mei? Cun amah nih kam kip ah daihnak an pe hna lo mei? Zeitintiah hi ram chung i a ummi hna cu nan kut chungah an pek hna i ram cu Bawipa le a mi hna hmaiah tei a si cang.

1 CHANRELNAK 22:18 ပူးပေါင်းရင်းမြစ်များ

2 SAMUEL 7:1

Cun siangpahrang cu amah inn ah a um i Bawipa nih a velchum i ral a ummi vialte hna lakin dinhnak a pek tikah,

1 CHANRELNAK 22:9

Zohhmanh, fapa pakhat na hrin lai; amah cu daihnak mi a si lai. Amah cu a velchum i a ummi ral vialte hna lakin daihnak ka pek lai; zeitintiah a min cu Solomon a si lai i amah chan chungah cun Israel mi cu daihnak le remnak ka pek hna lai.

1 CHANRELNAK 23:25

Cucaah David nih hi bangin “Bawipa, Israel Pathian nih a mi cu daihnak a pek cang hna; cun Jerusalem ah zungzal in a um.

LAMKALTU 9:31

Cuticun Judea ram le Galilee ram le Samaria ram i a ummi khrihfabu vialte nih khan daihnak caan an hmu. Bawipa kha ṭihzah ngaiin an um i Thiang Thlarau bawmhnak thawngin an ṭhang i an karh.

ROM 8:31

Hi vialte hi kan lung chungah i chiah in zeitindah kan ti lai? Pathian cu kanmah lei i a ṭan ahcun aho nih dah an kan doh khawh lai?

DEUTERONOMI 20:4

zeitintiah teinak cu in pek hna awk le nan ral cu in dohpiak hna awkah nannih sinah a kalmi cu Bawipa nan Pathian cu a si,’ tiah a ti lai.

JOSHUA 10:42

Bawipa Israel Pathian nih Israel mi cu a dohpi hna caah Joshua nih hi siangpahrang vialte hna le an ram cu ṭum khat ah a lak dih hna.

JOSHUA 22:4

Cun atu cu Bawipa nan Pathian nih nan unau hna kha bia a kam hna bangin dinhnak a pek cang hna; cucaah kir cang u law, Bawipa sal Moses nih Jordan tiva khattelei ral ah an pekmi hna nan covo a umnak ram i nan inn ah khan kal tuah u.

JOSHUA 23:1

Caan saupi hnuah, Bawipa nih Israel mi hna cu an velchum i an ral hna sinin dinhnak a pek hna tik le Joshua cu a upat i a tar ngaingai tikah,

1 SAMUEL 25:28

Na salnu ka sualnak cu ka ngaithiam ko sawh; zeitintiah ka bawipa nih Bawipa raltuknak kha a tuk caah Bawipa nih ka bawipa cu a fekmi inn a serpiak ṭheo lai i na nun chung paohpaoh nangmah chungah ṭhat lonak hmuh awk a um lai lo.