1 CHANRELNAK 22:13 - Lai (Hakha) Common Language Bible 2006

¹³ Khi tikah Bawipa nih Moses cu Israel mi caah a pekmi phunglam le nawlbia hna kha ṭha tein na zulh hna ahcun, na hlawh a tling lai. Ṭhawng ngai le ralṭha in um tuah. Ṭih hlah; na lung dong hlah.

1 CHANRELNAK 22:13 ပူးပေါင်းရင်းမြစ်များ

1 SIANGPAHRANG 2:2

“Vawlei cung vialte phung bangin ka kal dengmang ve cang. Ṭhawng law patling na si kha langhter tuah,

1 SIANGPAHRANG 2:3

cun zei na tuahmi paoh ah le khuazeilei paoh i naa mernak ah na hlawhtlin nakhnga, Moses phungbia chungah aa ṭial bangin Bawipa na Pathian bia beuhmi kha na zulh hna lai i amah lam kha na zulh hna lai i a nawlbia hna le a phungbia hna le a phunglam hna le a hngalhternak bia hna kha na ulh hna lai;

1 CHANRELNAK 28:10

Cucaah i ralring tuah, zeicahtiah nangmah cu Bawipa nih a thiangmi hmun ca i inn sak awkah an thim cang; ṭhawng ngaiin um law ṭuan tuah,” tiah a ti.

1 CHANRELNAK 28:20

Khi tikah David nih a fapa Solomon cu a thawh i, “Ṭhawng ngai le ralṭha ngaiin um law ṭuan tuah. Ṭih hlah, na lung dong hlah; zeicahtiah Bawipa Pathian, keimah i ka Pathian hrimhrim cu na sinah a um. Bawipa inn chung rianṭuannak ca i rian vialte cu lim a si hlantiang amah nih cun an deuh lai lo i an hlaw fawn lai lo.

1 CHANRELNAK 28:7

Nihin ah a tuah bantuk hin, ka nawlbia hna le ka phunglam hna kha fek tein a zulh lengmang hna ahcun, a pennak cu zungzal in ka hmunhter lai,’ tiah a ti.

2 CHANRELNAK 14:6

Ram cu a daih caah Judah ram chungah khan kulh ngeimi khua a ser hna. Cu kum hna chungah cun Bawipa nih daihnak a pek caah ral a ngei lo.

2 CHANRELNAK 20:20

Cun zingka tein an tho i Tekoa ramlak ah khan an va kal; cun an kal lioah khan Jehoshafat cu a dir i, “Judah ram mi hna le Jerusalem mi hna, ka bia thei tuah u! Bawipa nan Pathian cu zum u law fehter nan si lai; a profet hna kha zum hna u law nan hlawh a tling lai,” tiah a ti.

2 CHANRELNAK 26:5

Bawipa ṭihnak kha a cawnpiaktu Zekhariah chan ah khan, Pathian kawl kha aa sehchih i Bawipa a kawl chung vialte cu Pathian nih khua awng a pemhter.

2 CHANRELNAK 32:7

“Ṭhawng u law nan ralṭha ko u. Assiria siangpahrang le a sinah a ummi mibu cu ṭih hna hlah u law nan lung zong dong hlah seh; zeicahtiah a ngan deuhmi pakhat a sin i a um lomi kan sinah a um.

SALM 1:3

Tiva kamah a khomi thingkung, a caan hmaan tein a thei a tlai i a hnah a uai bal lomi bantuk an si. An tuahmi thil kip ah khua awng an tong.

SALM 119:6

Na nawlbia vialte kha ṭha tein kaa zohchih hna ahcun ningzahnak ka phan lai lo.

SALM 72:1

Maw Pathian, siangpahrang nih hin bia ka ceih tikah na dinnak kha ka hman nakhnga, ka cawnpiak ko;

HAGGAI 2:4

Sihmanhsehlaw atu cu maw Zerubbabel, na lungṭhawng ko, tiah Bawipa nih a ti; maw Jehozadak fapa Joshua, Tlangbawi Ngan, na lungṭhawng ko; ramchung mi vialte hna, ṭuan tuah u, tiah ralkapbu Bawipa nih a ti.

ZEKHARIAH 8:9

Mah hihi ralkapbu Bawipa bia a si: Biakinn cu sak a si ṭhan lai, tiin profet hna nih, ralkapbu Bawipa inn kha a hram dirh a si lio in atu tiang an chim lengmangmi biakamnak, atu chan ah a theimi nannih nih lung ṭhawng in um tuah u.

MATTHAI 3:15

Sihmanhsehlaw Jesuh nih cun, “Atu cu hitihin si ko seh. Pathian nih tuah awk a si a timi paoh cu i tuah ko seh,” tiah a leh. Cucaah Johan cu a hna a tla ve.

LAMKALTU 13:22

Amah cu a phuah hnuah Pathian nih cun David kha an siangpahrang ah a ser. Amah kongah Pathian nih a chimmi cu, ‘Jesse fapa David hi ka duhmi phun a si, amah hi tuah tiah ka fialmi a tuah duh dingmi a si,’ ti hi a rak si.

1 KORIN 16:13

Lungfim tein um u, nan zumhnak ah khan fek tein dir u, ralṭha in um u law thazang ṭhawng in um u.

GALATI 6:2

Pakhat le pakhat nan thilrit kha i chawng u law cuticun Khrih nawlbia kha nan zulh a si lai.

EFESA 6:10

A donghnak ah, Bawipa he nan i pehtlaihnak thawng le a ṭhawnnak a nganmi thawngin nan thazang cu, ṭhawnter chin ko u.

2TIMOTE 2:1

Ka fapa, Khrih Jesuh he kan i pehtlaihnak thawngin kan hmuhmi Pathian vel nih ṭhawnnak in pek ko seh.

JEIM 2:8

Cathiang chungah a ummi Pennak nawlbia kha nan zulh ahcun ahmaanmi thil nan tuah a si. Cu nawlbia cu, “Na innpa kha nangmah naa dawt bantukin na dawt lai,” ti a si.

JOSHUA 1:18

Zei na fial paoh ah na nawlbia kha a ralchanh i na bia kha a almi cu ahohmanh thah a si lai. A ṭhawn bel ṭhawng law, ralṭha ngaiin um ko,” tiah an ti.