1 CHANRELNAK 21:7 - Lai (Hakha) Common Language Bible 2006

⁷ Sihmanhsehlaw Pathian cu hi thil cungah khan aa lawm lo i Israel mi kha a thah hna.

1 CHANRELNAK 21:7 ပူးပေါင်းရင်းမြစ်များ

2 SAMUEL 11:27

Cun a ngaihnak kha a dih tikah, David nih a hei cah i a inn ah a ratter i a nupi ah a cang i fapa a hrinpiak. Sihmanhsehlaw David tuahmi thil nih cun Bawipa kha lunglawm loin a tuah.

2 SAMUEL 15:26

sihmanhsehlaw, ‘Nangmah chungah lawmhnak ka ngei lo,’ a ka ti ahcun, zohhmanh, hika ah ka um ko, amah nih a ṭha a timi paoh cu ka cungah tuah ko seh,” tiah a ti.

2 SAMUEL 21:1

David caan lioah cun kum thum chung, aa peh lengmang in mangṭam a tlung i David nih Bawipa hmai kha a kawl. Cun Bawipa nih, “Saul le a innchungkhar cungah thisen chuah mawhnak a um caah a si; zeicahtiah Gibeon mi kha a thah hna,” tiah a ti.

2 SAMUEL 21:14

Cun Saul ruh le a fapa Jonathan ruh kha Benjamin ram Zela khua i a ummi a pa Kish thlan ah khan an vui hna; cun siangpahrang nawl pekmi vialte kha an tuah. Cu hnuah cun ram ca i an halnak kha Pathian nih a cohlanpiak hna.

2 SAMUEL 24:1

Israel mi hna cungah Bawipa thinhunnak cu a alh ṭhan i, “Va kal law, Israel mi le Judah mi vialte kha va rel hna,” tiin David kha an cung i hnahnawhnak tuah awkah a lungthin a thawhter.

2 SAMUEL 24:10

Sihmanhsehlaw mi an rel dih hna hnuah khan David cu lung sivang in a um. Cun David nih Bawipa sinah cun, “Ka tuahmi ah hin fak piin ka sual cang. Sihmanhsehlaw, maw Bawipa, hruhnak piin ka tuah cang caah, na salpa ka ṭhat lonak hi ka hlohpiak ko sawh, tiah kan nawl,” tiah a ti.

1 SIANGPAHRANG 15:5

zeicahtiah David nih Bawipa mithmuh i a dingmi kha a tuah i Hit mi Uriah kong ah khan dah ti lo ahcun nawl a pekmi paoh kha a nun chung vialte pakhat hmanh a pialtak hna lo.

1 CHANRELNAK 21:14

Cucaah Bawipa nih Israel mi cungah rai kha a tlunter i Israel mi cu sang sarih an thi.

1 CHANRELNAK 21:6

Sihmanhsehlaw relnak chungah khan Levi mi le Benjamin mi cu a khumh chih hna lo, zeicahtiah a siangpahrang nawl pekmi cu Joab nih khan a duh hrimhrim lo.

1 CHANRELNAK 21:8

Cun David nih Pathian sinah cun, “Hi thil ka tuahmi ah hin fak piin ka sual cang. Sihmanhsehlaw hruhnak piin ka tuah cang caah na salpa ka ṭhat lonak hi ka hlohpiak ko sawh, tiah kan nawl,” tiah a ti.

JOSHUA 7:1

Sihmanhsehlaw pekchanhmi thil kongah cun Israel mi cu zumhawktlak loin an um ai; zeitintiah Judah phun chungmi Zerah fapa Zabdi fapa Karmi fapa Akhan nih pekchanhmi thil cu tlawmpal a lak i Bawipa thinhunnak cu Israel mi cungah a alh.

JOSHUA 7:13

Tho law, mi zapi kha thianter hna, ‘Thaizing ah i thianh u, zeicahtiah Bawipa, Israel Pathian nih, “Maw Israel, nannih lakah pekchanhmi thil an um, nannih lak in cu pekchanhmi thil cu nan hlonh hna hlantiang nan ral hna hmaiah nan dir kho lai lo,” tiah hi bangin a ti,” tiah chim hna.

JOSHUA 7:5

cun Ai khuami nih sawm thum le paruk tluk an rak thah hna i kutka hmailei ah Shebarim tiangin an dawi hna i zuanchuknak ah khan an thah hna. Cun mi zapi cu an thin a phang i ti bantuk an si.