1 CHANRELNAK 21:18 - Lai (Hakha) Common Language Bible 2006

¹⁸ Cun Bawipa vancungmi nih Gad cu, David kha hung kal seh law Jebus mi Ornan phuhri ah Bawipa caah biakṭheng pakhat in hung ser seh, tiin David cu chimh awkah nawl a pek.

1 CHANRELNAK 21:18 ပူးပေါင်းရင်းမြစ်များ

2 SAMUEL 24:18

Cun cu ni ah Gad cu David sinah a ra i amah cu, “Hung kal law, Jebus mi Araunah phuhri ah Bawipa caah biakṭheng hung ser tuah,” tiah a ti.

1 CHANRELNAK 21:11

Cucaah Gad cu David sinah khan a ra i David cu, “Bawipa nih hi bangin a ti. Na duhmi i thim:

1 CHANRELNAK 21:15

Cun Pathian nih vancungmi cu Jerusalem kha hrawh awkah a thlah; sihmanhsehlaw hrawh hnik a vun zalh ah khin Bawipa nih a hmuh i ṭhat lonak kha Bawipa cu aa ngaichih i hrawktu vancungmi sinah cun, “A za cang, na kut kha ṭhum cang,” tiah a ti. Cun Bawipa vancungmi cu Jebus mi Ornan phuhri pawngah khan a dir.

1 CHANRELNAK 21:19

Cucaah Bawipa min in Gad nih a chimmi bia bangin David cu a hung kal.

1 CHANRELNAK 22:1

Cun David nih, “Hika ah hin Bawipa Pathian inn cu a si lai i hika ah hin Israel mi ca i khangh thawinak biakṭheng cu a si lai,” tiah a ti.

2 CHANRELNAK 3:1

Cun Solomon nih Jerusalem khua chung Moriah Tlang, a pa David sin i Bawipa a langhnak, David nih a timhtuahmi phuhri, Jebus mi Ornan ta a simi ah khan Bawipa inn cu sak hram a thawk.