1 CHANRELNAK 21:1 - Lai (Hakha) Common Language Bible 2006

¹ Satan nih Israel mi kha a doh hna i David kha Israel mi cu rel awkah a forh.

1 CHANRELNAK 21:1 ပူးပေါင်းရင်းမြစ်များ

1 CHANRELNAK 20:8

Hi hna hi Gath khua i a ummi mingan hna hrinthlak kha an si; David kut le a sinum hna kut in an thi.

1 CHANRELNAK 27:24

Zeruiah fapa Joab nih khan rel hram a thawk, sihmanhsehlaw a dih lo; asinain hi ruang ah hin Israel cungah thinhunnak a tlung i cu relnak cu Siangpahrang David chanrelnak chungah khumh a si lo.

1 CHANRELNAK 7:40

Mah hna vialte hi Asher mi, an pale innchungkhar cio i an lu hna an hnatlakmi hna, ralkap ṭhawng bawi hna lak i upa bik an si. An chuahkehnak ningin raldohnak ca i minthlak tikah mi sang hnih le thong ruk an si.

JOB 2:1

Pathian fapa hna cu Bawipa hmai i an chuah ṭhan ni a hung phan ṭhan i Satan zong cu Bawipa hmai i chuah ve awkah, an sinah cun a ra ve.

EXODUS 30:12

“Israel mi kha na rel hna tikah, mi pakhat nih anmahle an nun man cio kha Bawipa an pek awk a si lai, zeicahtiah milu rel lioah an cungah harnak a tlun sual nakhnga lo, cuticun an pek awk a si lai.

ZEKHARIAH 3:1

Cun Bawipa vancungmi hmai i a dirmi Tlangbawi Ngan Joshua le amah cu sualphawt awkah a orhlei kam in a dirhnawhtu Satan kha ka hmuh.

MATTHAI 4:3

Khuachia cu a sinah a ra i, “Nangmah cu Pathian Fapa na si ahcun, hi lung hi changreu ah canter hna ngat,” tiah a ti.

LUKA 11:53

Cuka hmun in a chuah tikah Phungbia cawnpiaktu saya hna le Farasi mi hna nih khan zeimaw ti tal in kan tlai kho hnga maw tiah thil tampi kongah biarap an chiah i ṭha tein an bawh;

LUKA 22:31

Jesuh nih, “Simon, Simon, ngai-hmanh. Lothlotupa nih facang cu a fang le a hi a thleidan bantukin Satan nih nannih cu nan dihlak in hneksaknak nawl kha a hmuh cang.

JOHAN 13:2

Jesuh le a zultu hna cu zanriah an dum i Khuachia nih khan Simon Iskariot fapa Judas lung chungah khan Jesuh rawinak ding ruahnak cu a rak khumh cang.

LAMKALTU 5:3

Peter nih anih cu a rak thawh i, “Ananias, zeicahdah Satan cu na lung kha na ukter i na lo man ah na hmuhmi tangka a cheu kha naa chiah i Thiang Thlarau sinah lih na chim?

HEBRU 10:24

Pakhat le pakhat kan i dawt khawh nakhnga le thil ṭha kan i tuahpiak khawh nakhnga, i bawm tliahmah u sih.

JEIM 1:13

Cu bantuk hneksaknak kha mi nih an in tikah, “Tukforhnak hi Pathian sinin a ra,” an ti awk a si lo; zeicahtiah Pathian cu ṭhat lonak nih a tukforh kho lo i amah zong nih ahohmanh a tukforh bal hna lo.

BIAPHUAN 12:10

Cun vancung ah cun aw thangpi pakhat ka theih i, “Atu cu Pathian khamhnak a phan cang! Atu cu Pathian nih a ṭhawnnak kha siangpahrang bantukin a langhter cang. Atu cu a Messiah nih khan a nawlngeihnak kha a langhter cang. Kannih kan unau hna sual a puhtu, Pathian hmaiah dir riangmang in chunzan in sual a puh zungzaltu hna kha, vancung in lengah hlonh a si cang.