1 CHANRELNAK 20:3 - Lai (Hakha) Common Language Bible 2006

³ Cun a chung i a ummi hna kha a chuah hna i hluah le turung le thir hreitlung in rian a ṭuanter hna; cu bangin Ammon mi hna khua vialte cungah khan a tuah dih. Cun David le a mi vialte cu Jerusalem ah an kir ṭhan.

1 CHANRELNAK 20:3 ပူးပေါင်းရင်းမြစ်များ

2 SAMUEL 12:31

Cun a chung i a ummi hna kha a chuah hna i hluah le thir hmuizum le thir hreitlung in rian a ṭuanter hna i tlakrawh rawhnak ah khan rian a ṭuanter hna; cu bangin Ammon mi hna khua vialte cungah khan a tuah dih. Cun David le a mi vialte cu Jerusalem ah an kir ṭhan.

1 SIANGPAHRANG 9:21

Israel mi nih an hrawh dih khawh lomi hna, an hnu i an tefa a rung tangmi hna kha — mah hna hi Solomon nih hnekmi rianṭuantu sal bu ah a ser hna i cu bang cun nihin tiang hin an si.

EXODUS 1:14

tlakser rian le tlakrawh rian le rian har phun zakip kha an ṭuanter hna i cuticun rethei ngaingai in an chiah hna. Rian har phun zakip kha rumro in an hnek hna.

HEBRU 11:37

Lung in an cheh hna, hluah in cheu hnih ah an chuah hna, vainam in an thah hna. Tuu phaw le meheh phaw i aih in an vak hniapmap i hremnak le serhsatnak kha an ing.

JOSHUA 9:23

Cucaah nannih cu chiatserhmi nan si cang i, a cheu cu thing hlamtu le ti thantu sal, ka Pathian inn caah nan si zungzal lai,” tiah a ti hna.