1 CHANRELNAK 2:55 - Lai (Hakha) Common Language Bible 2006

⁵⁵ (A tanglei innchungkhar hna hi caṭial le caṭialchin a thiam ngaingaimi an si i Jabez khua ah a ummi an si: Tirath mi, Shimeath mi le Sukath mi an si. Annih hi Ken mi, Rekhab mi he aa ṭhi-ummi kha an si. Rekhab mi hna pa cu Hammath a si.)

1 CHANRELNAK 2:55 ပူးပေါင်းရင်းမြစ်များ

2 SIANGPAHRANG 10:15

Cun khika in a kal tikah, Rekhab fapa Jehonadab kha amah ton awkah a ra; daihnak a pek i, “Na cung i ka lung zumhawktlak a si bantuk hin nang tah ka cungah na si ve maw?” tiah a ti. Cun Jehonadab nih, “Asi,” tiah a leh. Jehu nih, “A si ahcun, na kut ka chan tuah,” tiah a ti. Cucaah a kut kha a chanh. Cun Jehu nih amah sinah rangleng chungah khan a vun hnuh.

BIACEIHTU 1:16

Cun Moses pu, Ken miphun a simi i a tefa hna kha ungkung khua in Negeb chung i a ummi Arad pawng i a ummi Judah ramlak ah khan Judah mi hna he an hung kal i an lakah cun an hung um.

JEREMIAH 35:19

hi bangin Ralkapbu Bawipa, Israel Pathian nih, ‘Rekhab fapa Jonadab nih zeitikhmanh ah ka hmai i a dir dingmi tefa a bau bal lai lo,’ a ti,” tiah a ti hna.

BIACEIHTU 4:11

Ken mi Heber cu Moses pu Hobab i tefa Ken mi hna sin khan aa ṭhen i Kedesh pawng Zaanannim ram i a ummi kuhthing hmun tiangin a puan thlam cu a va bunh.

1 SAMUEL 15:6

Cun Saul nih Ken mi hna cu, “Kal u law, i ṭhen u, Amalek mi hna sinin vung kal u; cu ti a si lo ahcun, anmah sinah kan hrawh chih sual hna lai; zeitintiah Izipt ram in an hung chuah lioah khan nannih nih Israel mi vialte cu nan rak zaangfah hna,” tiah a ti. Cucaah Ken mi hna cu Amalek mi hna sin khan an i ṭhen.

JEREMIAH 8:8

Zeitindah, ‘Kannih cu kan fim i Bawipa phungbia kha kan ngei’ nan ti khawh? Cazi hna nih pei an hlennak cafung in lih ah an ser cang hi.

EZRA 7:6

hi Ezra cu Babilonia in a hung kal. Amah cu Bawipa, Israel Pathian nih a pekmi Moses phungbia i a thiam ngaingaimi a si; Bawipa, a Pathian kut cu a cungah a um caah, a halmi vialte kha siangpahrang nih a pek dih.

1 CHANRELNAK 2:54

Bethlehem tlatu Salma cu Netofah mi, Atroth-beth-joab le Manahath mi le Zor mi hna hringsortu a si; anmah cu Manahath i a ummi innchungkhar pahnih hna lak i pakhat kha an si.

1 CHANRELNAK 3:1

Mah hihi David nih Hebron ah a hrinmi a fapa hna cu an si: a fater Amnon cu Jezreel minu Ahinoam nih a hrinpiak; a pahnihnak Daniel cu Karmel minu Abigail nih a hrinpiak,