1 CHANRELNAK 19:6 - Lai (Hakha) Common Language Bible 2006

⁶ Ammon mi hna nih annih cu David huat kan phor cang ti kha an theih tikah, Hanun le Ammon mi hna nih khan Mesopotamia le Aram-maakah le Zobah ram in rangleng hna le rangcung ralkap hna hlan awkah ngun talen thong khat an kuat hna.

1 CHANRELNAK 19:6 ပူးပေါင်းရင်းမြစ်များ

GENESIS 34:30

Jakob nih Simeon le Levi cu, “Harnak chungah nan ka paih ai; atu cu hi ramchung mi vialte Kanaan mi hna le Periz mi hna nih an ka huat cang. Kei cu mi tampi a ngeimi ka si lo, cucaah cun hi hna vialte hi an i fonh dih i an ka tuk ahcun, keimah he ka innchungkhar dihlak he an kan hloh ko lai,” a ti.

2 SAMUEL 10:6

Ammon mi hna nih annih cu David huat kan phor cang ti kha an theih tikah, Ammon mi hna nih cun mi an hei thlah hna i Beth-rehob i Siria mi hna le Zobah i Siria mi hna, ke ralkap sang hnih le Maakah ram siangpahrang le a mi thong khat, cun Tobram mi sang khat le thong hnih kha an i ruaih hna.

2 SAMUEL 8:3

Cun David nih Zufrates tiva kha uk ṭhan awk i a kalpah ah Zobah siangpahrang Rehob fapa Hadadezer zong kha a tei.

1 CHANRELNAK 18:5

Cun Damaskas khuami Siria mi nih khan Zobah siangpahrang Hadadezer kha bawmh awkah an rat tikah, David nih khan Siria mi cu sang hnih le thong hnih a rak thah hna.

1 CHANRELNAK 18:9

Hamath siangpahrang Tou nih, Zobah siangpahrang Hadadezer ralkapbu kha David nih a ning piin a tei dih hna ti kha a theih tikah.

1 CHANRELNAK 19:5

Cun David cu mi hna kong kha an chimh tikah, anmah don awkah mi a hei thlah hna, zeitintiah annih cu an ning a zak ngaingai ko. Cun siangpahrang nih cun, “Nan khahmul a corh ṭhan hlantiang Jeriko khua ah cam ko u, cun nan ra kir ṭhan te lai,” tiah a ti hna.

2 CHANRELNAK 18:3

Israel siangpahrang Ahab nih cun Judah siangpahrang Jehoshafat cu a thawh i, “Ramoth-gilead ah na hun ka kalpi hnga maw?” tiah a ti. “Kei le nang hi mi khat kan si ko, ka mi cu na mi an si ve ko. Raldohnak ah cun na sinah kan si lai,” tiah amah cu a leh.

2 CHANRELNAK 18:5

Cu tikah Israel siangpahrang nih profet kha hmunkhat ah a pumh hna, za li an si, annih cu a thawh hna i, “Ramoth-gilead cu tuk awkah kan kal hnga maw, asiloah, kan i sum lai dah?” tiah a ti. Cun annih nih, “Hung kal ko, zeitintiah Bawipa nih siangpahrang kut chungah a pek,” an ti.

2 CHANRELNAK 18:9

Cun Israel siangpahrang le Judah siangpahrang Jehoshafat cu an bawi ṭhutdan cungah an ṭhu i an puan in an i thuam; Samaria hauka luhnak i phuhri ah khan an ṭhu; cun profet vialte hna cu an hmaiah an rak chim dulmal ko.

2 CHANRELNAK 25:6

Cun ngun talen sing khat in Israel ram i a ṭhawng i ral a ṭhami sing khat zong a roih hna.

2 CHANRELNAK 27:5

Ammon mi hna siangpahrang he khan an i do i a tei hna. Cun cu kum ah cun Ammon mi hna nih, ngun talen za khat le changvut phor thong hra le barli phor thong hra an pek. Ammon mi nih cu zat ṭhiamṭhiam cu a kum hnihnak le a kum thumnak ah an pek.

SALM 14:3

Sihmanhsehlaw an dihlak in an tlau cang, an dihlak in an chiatnak aa tluk dih, Pakhat hmanh thil hmaan a tuahmi an um lo, pakhat taktak hmanh an um lo.

SALM 46:9

Hi vawleicung pumpi ah ral cu a daihter dih ko hna, likuk cu a khiah hna i fei cu a hrawh dih hna, phaw hna cu mei in a khangh dih hna.

EXODUS 5:21

Moses le Aaron cu an thawh hna i, “Nan tuahmi hi Bawipa nih hmu ko seh. Faro le a bawi pawl kha nan kan huatter hna, cucaah dan in tat ko hna seh. Kanmah thahnak ah an kut ah vainam nan pek hna,” an ti hna.

LUKA 10:16

A zultu kha a thawh hna i, “Nan bia a ngaimi paoh nih ka bia an ngaih a si, an hlawmi hna paoh nih keimah an ka hlawt a si, keimah a ka hlawmi paoh nih a ka thlahtu kha an hlawt a si,” tiah a ti.

1THESALON 4:8

Cucaah hi cawnpiaknak zulh a duh lomi cu, minung cawnpiaknak zulh a duh lo si loin, Thiang Thlarau an petu hna Pathian cawnpiaknak zulh a duh lo kha a si deuh.

1 SAMUEL 13:4

Cun Israel mi vialte nih khan, Saul nih Filistin ralveng ralkapbu kha a tei hna ti le Israel mi cu Filistin mi hna huat kan phor cang ti zong kha an theih. Cun mi hna cu Saul kha Gilgal i hei fonh awkah an auh hna.

1 SAMUEL 14:47

Saul nih Israel mi siangpahrang a can tikah a kenkip i a ummi a ral vialte, Moab mi, Ammon mi, Edom mi Zobah siangpahrang hna le Filistin mi hna kha a doh hna; a va fuhmi paoh cu a tei lengmang hna.

1 SAMUEL 27:12

Cun Akhish nih David cu a zumh i, “A mi Israel mi kha aa huatter cikcek cang hna caah ka sal a si zungzal lai,” tiin a ruah.