1 CHANRELNAK 19:2 - Lai (Hakha) Common Language Bible 2006

² Cun David nih a thawh i, “Nahash fapa Hanun hi a pa nih ka cungah zumhawktlak tein a rak um caah khan a cungah zumhawktlak tein ka um ve lai,” tiah a ti. Cucaah David nih a pa kong ah khan amah cu va hnemh awkah lamkal a hei thlah hna. Cun David sinum hna cu Hanun sin kha Ammon mi hna ram chungah cun, amah cu va hnemh awkah, an va phan.

1 CHANRELNAK 19:2 ပူးပေါင်းရင်းမြစ်များ

2 SAMUEL 9:1

Cun David nih, “Jonathan ruangah an cung i zaangfahnak ka langhter khawh nakhnga, Saul innchungkhar lakah khan a tangmi aho tal an um maw?” tiah a ti.

2 SAMUEL 9:7

Cun David nih amah cu, “Na thinphang hlah; na pa Jonathan ruangah na cungah zaangfahnak kan hmuhsak lai i na pu Saul ram vialte kha kan khirh ṭhan lai; cun ka cabuai ah rawl na ei zungzal lai,” tiah a ti.

2 SIANGPAHRANG 4:13

Cun amah nih anih cu a thawh i, “Amah kha, ‘Zohhmanh, hi tlukin na kan tuammuai, zeidah kan in tuahpiak ve lai? Siangpahrang sinah siseh, ralkapbu haotu sinah siseh, bia chimpiak na duhmi a um maw? tiah hei ti,” tiah a ti. Anih nih, “Keimah ka miphun sinah pei ka um ko cu,” tiah a leh.

1 CHANRELNAK 19:1

Cun hi hnuah hin Ammon mi hna siangpahrang Nahash kha a thi i a fapa kha amah hmun ah khan a bawi.

1 CHANRELNAK 19:3

Sihmanhsehlaw Ammon mi bawi hna nih khan Hanun cu an thawh i, “David nih nangmah sinah hnemtu a hun thlah hna caah hin na pa kha a upat tiin maw na ruah? A sinum hna nih hin kan ram hi thlokdah awk le tei awk le ngiatthlai awkah na sinah an ra ko lo mei?” tiah an ti.

NEHEMIAH 13:1

Khi ni ah khan mi zapi hmaiah cun Moses cauk chung khan an rel tikah Ammon mi hna le Moab mi hna cu ahohmanh, Pathian mi aa pummi hna chungah an luh awk a si lai lo, tiah aa ṭial kha an hmuh;

NEHEMIAH 4:3

Ammon mi Tobiah kha a pawngah cun a um i, “Asi, an sakmi cu — an sakmi lung vampang cu cenghngia nih hun kainak seh law a cim ko lai hen pei!” tiah a ti.

NEHEMIAH 4:7

Sihmanhsehlaw Sanballat le Tobiah le Arab mi hna le Ammon mi hna le Ashdod mi hna nih, Jerusalem kulhnak vampang remhnak cu hma a kal i a kehkuainak hmun hna kha phih an si pah lengmang cang ti kha an theih tikah an thin a hung ngaingai;

ESTHER 6:3

Cun siangpahrang nih, “Hi kongah hin Mordekai cu upatnak siseh, thangṭhatnak siseh, zeital pek a si maw?” tiah a ti. Siangpahrang a tuammuaitu hna nih khan, “A caah zeihmanh tuahmi a um lo,” tiah an ti.

PHUNGCHIMTU 9:15

Cu khua chungah cun misifak te a simi mifim pakhat hi a um i a fimnak in khua cu a luatter khotu ding a rak si. Sihmanhsehlaw ahohmanh nih cu misifakpa cu an ruat lo.

JOHAN 11:19

Judah mi mi tampi kha an ṭa a thih ca i anmah ṭhutpi awkah khan an ra.

1 SAMUEL 30:26

David cu Ziklag a phanh tikah hranchaw a cheu cu Judah ram upa a hawikom hna sinah khan a kuat i, “Bawipa ral hna sinin lakmi hranchaw chungin nanmah ca i laksawng a si,” tiah a ti;