1 CHANRELNAK 18:4 - Lai (Hakha) Common Language Bible 2006

⁴ Cun David nih amah sin khan rangleng thong khat, rangcung ralkap thong sarih, le ke ralkap sang hnih a tlaih hna i David nih leng hnuktu rang vialte kha an tha a pheh dih hna, sihmanhsehlaw rangleng za khat ca i a za ding lawnglawng kha a nganh hna.

1 CHANRELNAK 18:4 ပူးပေါင်းရင်းမြစ်များ

GENESIS 49:6

An biathli ah khan kaa tel duh lai lo, an i pumhnak ah khan ka um duh lai lo, zeicahtiah an thin a hun tikah mi kha an thah hna i siamsaknak men ah cawtum kha an tha an pheh hna.

2 SAMUEL 8:4

Cun David nih amah sin khan rangcung ralkap thong khat le za sarih le ke ralkap sang hnih a tlaih hna i David nih leng hnuktu rang vialte kha an tha a pheh dih hna, sihmanhsehlaw rangleng za khat ca i a za ding lawnglawng kha a nganh hna.

1 SIANGPAHRANG 10:26

Cun Solomon nih rangleng le rang cit thiam kha a pumh hna; rangleng thong khat le za li le, rang cit thiam sang khat le thong hnih a ngeih hna i rangleng chiahnak khua hna le Jerusalem khua i siangpahrang umnak ah khan a chiah hna.

1 SIANGPAHRANG 4:2

mah hna hi a bawi ngan cu an si: Zadok fapa Azariah cu tlangbawi ah a si;

1 CHANRELNAK 18:3

David nih Zufrates tiva i a lungphun bunh awk i a kalpah ah Hamath lei i a ummi Zobah siangpahrang Hadadezer zong kha a tei.

1 CHANRELNAK 18:5

Cun Damaskas khuami Siria mi nih khan Zobah siangpahrang Hadadezer kha bawmh awkah an rat tikah, David nih khan Siria mi cu sang hnih le thong hnih a rak thah hna.

SALM 20:7

Mi a cheu nih an raltuknak rangleng kha an i bochan; a cheu nih an rangtum kha an i bochan hna; sihmanhsehlaw kannih cu Bawipa kan Pathian ṭhawnnak kha kan i bochan.

DEUTERONOMI 17:16

Amah belte amah caah rang kha a tamter chin hna lai lo, a rang tamter awkah mi kha Izipt ram ah a kirter fawn hna lai lo, zeicahtiah Bawipa nih nannih sinah, ‘Khi leiah nan kir hrimhrim ti lai lo,’ tiah a chim cang.

JOSHUA 11:6

Cun Bawipa nih Joshua cu a chawnh i, “Annih kha ṭih hna hlah, zeicahtiah thaizing atu tikah hin an dihlak in thah cia in Israel mi sinah ka pek hna lai; an rang cu an tha nan pheh hna lai i an rangleng cu mei in nan khangh hna lai,” tiah a ti.

JOSHUA 11:9

Cun Bawipa nih a fial bantukin Joshua nih an cungah a tuah; an rang kha an tha an pheh hna i an rangleng kha mei in a khangh hna.