1 CHANRELNAK 17:16 - Lai (Hakha) Common Language Bible 2006

¹⁶ Khi tikah David cu a lut i Bawipa hmaiah khan a ṭhu i, “Maw Bawipa, Pathian, keimah cu ahodah ka si i ka innchungkhar zong hi zeidah an si, hi tiang nangmah nih na ka hruai hi?

1 CHANRELNAK 17:16 ပူးပေါင်းရင်းမြစ်များ

GENESIS 32:10

Na sal ka cung i na zaangfahnak le zumhawktlak na sinak na langhtermi hi a hmu dingah aa tlakmi ka si lo. Jordan tiva kha ka ṭhiangṭhunh he lawng ka rak tan, sihmanhsehlaw atu cu hi bu bu hnih hna he hin ka ra kir.

2 SAMUEL 7:18

Khi tikah David cu a lut i Bawipa hmaiah a ṭhu i, “Maw Bawipa Pathian, keimah cu ahodah ka si i ka innchungkhar zong hi zeidah an si, hi tiang nangmah nih na ka hruai hi?

2 SIANGPAHRANG 19:14

Lamkal hna kut cun Hezekiah nih ca kha a hmuh i a rel; cun Hezekiah cu Bawipa inn ah a hung kal i Bawipa hmaiah cun ca cu a samh.

1 CHANRELNAK 17:15

Hi bia vialte ning le hi langhnak vialte ningin, Nathan nih David sinah cun a chim.

1 CHANRELNAK 17:17

Cun mah hi cu nangmah mit ah cun, a hmemi thil a si ko, maw Pathian; na sal innchungkhar kong zong hi hmailei caan saupi ca tiangin na rak chim chung cang i hmailei ciruang ding hna zong kha na ka hmuhsak cang, maw Bawipa, Pathian!

1 CHANRELNAK 29:14

“Sihmanhsehlaw hi bantukin kannih nih lungtho tein kan in pekchanh khawh nakhnga caah hin keimah cu ahodah ka si i ka mi hna cu zeidah an si? Zeitintiah zeizong vialte cu nangmah sinin a rami an si i kan in pekmi hi nangmah ta lila a si ko.

2 CHANRELNAK 1:8

Cun Solomon nih Pathian sinah cun, “Ka pa David cungah a fek i a nganmi dawtnak cu na langhter i amah hmun ah keimah cu siangpahrang ah na ka ser cang.

SALM 144:3

Maw Bawipa, minung hi zeidah a si i a zawn na ruah? Minung fapa hi zeidah a si i biapi ah na rel?

LAMKALTU 26:22

Sihmanhsehlaw nihin ni tiangah hin Pathian nih a ka bawmh i cucaah cun hika zongah hin a hme sin he a ngan sin he ka hngalhnak bia ka chim khawhnak hi a si. Ka chimmi hi profet hna le Moses nih a si te lai tiah an rak chimmi hrimhrim kha a si:

2 KORIN 1:10

Cu tlukin ṭih a nungmi thihnak chungin a kan khamh i hmailei zongah a kan khamh ko lai.

EFESA 3:8

Pathian mi hna lak i a hme bik nak hmanh in a hme deuhmi ka si ko nain, Khrih a rumnak a dong kho lomi Thawngṭha cu Jentail mi hna sinah chim awk le

BIACEIHTU 6:15

Cun anih nih a sinah, “Bawipa, kan nawl ko, zeitindah Israel cu ka chuah khawh lai? Zohhmanh ka phun cu Manasseh chungah a der bik a si i kanmah innchungkhar chungah keimah cu a hme bik ka si,” tiah a ti.

1 SAMUEL 7:12

Cun Samuel nih lung pakhat a lak i Mizpah le Jeshanah karlak ah a phun i, “Atu tiangin Bawipa nih a kan bawmh,” tiin a min ah Ebenezer a sak.

1 SAMUEL 9:21

Cun Saul nih a leh i, “Keimah cu Israel phun hna lakah a hme bik Benjamin phun mi ka si lo maw? Cun ka chungle hna cu Benjamin phun chung i a ummi chungkhar vialte hna lakah a nauta bik an si lo maw? A si kun ahcun, zeicahdah mah bantuk hin ka sinah bia na chim?” tiah a ti.