1 CHANRELNAK 17:14 - Lai (Hakha) Common Language Bible 2006

¹⁴ sihmanhsehlaw ka inn chungah le ka pennak chungah amah cu ka fehter lai i a bawi ṭhutdan cu zungzal in a hmun lai,’ a ti,” tiah a ti.

1 CHANRELNAK 17:14 ပူးပေါင်းရင်းမြစ်များ

1 CHANRELNAK 17:13

Keimah cu a pa ka si lai i amah cu ka fa a si lai; nangmah hlan i a rak ummi sinin a fekmi ka dawtnak ka rak lak bantuk khan a sinin ka la lai lo;

1 CHANRELNAK 17:15

Hi bia vialte ning le hi langhnak vialte ningin, Nathan nih David sinah cun a chim.

SALM 2:6

Aa thawh i, “Zion ka tlang thiang cungah ka siangpahrang cu ka chiah cang,” a ti.

SALM 72:17

A min cu zeitikhmanh ah philh si ti hlah seh; a minthannak cu ni a um chung paohpaoh dai loin um zungzal ko seh. Miphun zakip nih amah cu thangṭhat hna seh, mi vialte nih Pathian cu, siangpahrang thluachuah na pek bantukin kannih zong ka pe ve, tiin nawl hna seh.

SALM 89:36

Tefa a ngei zungzal hna lai i ni a tlan chung paoh cu a pennak kha keimah nih ka cawnghpiak lai.

HEBRU 3:6

Sihmanhsehlaw Khrih zumh awk tlak a sining cu, Pathian inn a zohkhenhtu Fapa ningin a si. Cu inn cu kanmah hi kan si i cu kan simi cu kan i ruahchanmi kha fek te le ṭih lo tein kan i tlaih peng lawngah kan si zungzal lai.