1 CHANRELNAK 17:11 - Lai (Hakha) Common Language Bible 2006

¹¹ Na pupa hna sin i um awkah na ni kha a tlin tikah, na hnuah na tefa, na fapa hna lak i pakhat cu a chan ka thawhter lai i a pennak cu ka fehter lai.

1 CHANRELNAK 17:11 ပူးပေါင်းရင်းမြစ်များ

GENESIS 15:15

Nang tu cu chan tling in na nung lai i dai tein na thi lai; khup kha hmuah in na nun hnuah an in vui lai.

1 SIANGPAHRANG 1:21

Cu ti a si lo ahcun, siangpahrang ka bawipa hi a pupa hna sinah a ih tikah, keimah le ka fapa Solomon cu sualnak tuahtu ah rel kan vung si te ko lai,” tiah a ti.

1 SIANGPAHRANG 2:10

Cun David cu a pupa hna sinah a it i David khua ah khan an vui.

1 SIANGPAHRANG 8:19

asinain, nangmah nih cun inn cu na sa lai lo, sihmanhsehlaw nangmah nih na hrin laimi na fapa nih ka min ca inn cu a run sak te lai,’ a ti.

1 SIANGPAHRANG 8:20

Atu cu Bawipa nih a biakamnak a sermi kha a hun tlinter cang; zeitintiah ka pa David hmun ah khan ka kai cang i Bawipa biakam bang khan Israel mi bawi ṭhutdan cungah ka ṭhu i Bawipa, Israel Pathian min caah khan inn cu ka sak cang.

1 CHANRELNAK 17:10

hlan lio i ka mi Israel mi hna cungah biaceihtu ka rak chiah hna caan bantuk khan, zaang-en hmangmi hna nih an hrawkhral ti hna lai lo; cun na ral vialte cu kan teipiak lai. Cuhleiah Bawipa nih nangmah cu inn pakhat an serpiak lai tiah kan thanh.

1 CHANRELNAK 17:12

Keimah caah inn pakhat a sak lai i a bawi ṭhutdan cu zungzal in ka fehter lai.

1 CHANRELNAK 28:5

Cun ka fapa vialte hna lakah (zeitintiah Bawipa nih fapa tampi a ka pek hna) ka fapa Solomon cu Israel cung i Bawipa pennak bawiṭhutdan cung i ṭhut awkah khan a thim.

1 CHANRELNAK 29:15

Zeitintiah kannih cu, kan pupa vialte hna mipem an rak si bantuk khan, na hmaiah khual kan si; vawleicung i kan nunchung ni hna hi thladem bantuk men an si i ruahchannak zeihmanh a um lo.

1 CHANRELNAK 29:28

Cun upa ngaingai, tartlung nung in, rumnak le upatnak he a thi; cun Solomon a fapa cu amah hmun ah khan a hung bawi.

2 CHANRELNAK 6:9

asinain, nangmah nih cun inn cu na sa lai lo, sihmanhsehlaw nangmah nih na hrin laimi na fapa nih ka min ca inn cu a run sak te lai,’ a ti.

SALM 132:11

David sinah biakamnak fek pakhat, na let ṭhan lo dingmi kha na rak ser, cu na biakamnak cu hihi a si: “Na fapa pakhat cu siangpahrang ah ka ser lai i na hnuah amah cu uktu bawi a rung si lai.

SALM 89:5

Vancung pathian hna nih khin khuaruahharmi thil na tuahmi hna cu hla in an sak hna; Bawipa, zumhawktlak na sinak cu hla in an thangṭhat.

JEREMIAH 33:17

Zeicahtiah Bawipa bia cu hi bangin a si: Israel mi bawiṭhutdan cung i a ṭhu ding kha David nih ngei loin a um bal lai lo i

LAMKALTU 13:36

David nih khan amah a caan ah khan Pathian rian cu a rak ṭuan; cun a thi i a hringsortu hna sinah khan vui a si i thutnak kha a in.

LAMKALTU 2:29

“U le nau hna, kan pu David kong kha fiang tein in chim tuah hna ning. Anih cu a thi i an vui i nihin ni tiang hin a thlan zong kan sinah a um ko rih.

DEUTERONOMI 31:16

Cun Bawipa nih Moses sinah, “Zohhmanh, na pupa hna sinah na it dengmang cang; khi tikah hi mi hna hi an tho lai i, an va umnak dingmi hna lakah cun cu ram pathian hna sinah cun hlawh an hlang lai i, an ka hlawt lai i, anmah he ka biakamnak ka sermi kha an buar lai.