1 CHANRELNAK 16:41 - Lai (Hakha) Common Language Bible 2006

⁴¹ An sinah cun Heman le Jeduthun le, Bawipa cu a fekmi a dawtnak kha zungzal in a hmunh caah a sinah lawmhnak bia chim awk ca i thimmi hna le fiang tein min chimmi a cheu hna kha an um,

1 CHANRELNAK 16:41 ပူးပေါင်းရင်းမြစ်များ

1 CHANRELNAK 12:31

Manasseh phun cheu chungin sang khat le thong riat, annih cu rat i David kha siangpahrang i ser awkah fiang tein min chim an si.

1 CHANRELNAK 15:17

Cucaah Levi mi hna nih cun mah hna hi an thiah hna: Joel fapa Herman le a unau hna Berekhiah fapa Asaf le an unau hna Merari fapa hna lakin Kushaiah fapa Ethan;

1 CHANRELNAK 16:34

Bawipa cu lawm tuah u, zeitintiah amah cu a ṭha; Zeitintiah a fekmi a dawtnak cu zungzal in a hmun!

1 CHANRELNAK 16:37

Cuticun David nih Asaf le a unau rual hna cu khika ah, Bawipa biakamnak kuang hmaiah cun, ni fate a herhnak bantukin rianṭuan zungzal awkah a chiahtak hna,

1 CHANRELNAK 6:33

Hi hna hi rian a ṭuanmi hna le an fapa hna cu an si. Kohath mi hna chungin: hla satu Heman, amah cu Joel fapa a si, Joel cu Samuel fapa a si,

2 CHANRELNAK 20:21

Cun mizapi kha ruahnak a hal hna hnuah, puan thiang i aih in ralkapbu hmai i an kal pah ah: “Bawipa sinah lawmhnak bia chim tuah u, Zeitintiah a fekmi a dawtnak cu zungzal in a hmun,” tiin a titu ding, Bawipa sinah thangṭhatnak hla a satu ding le amah cu a hlorhtu ding kha a thiah hna.

2 CHANRELNAK 5:13

muko tumtu hna le hlasatu hna an rian cu Bawipa lawmhnak hla le thangṭhatnak hla kha aw khat tein thanter kha a si caah, muko hna le sumsel hna le awdawh tumnak thilri dang hna he cun: “Zeitintiah amah cu a ṭha, A fekmi a dawtnak cu zungzal in a hmun,” tiin Bawipa thangṭhat in hla cu an hun sak tikah, inn kha, Bawipa inn kha, minmei in a khah

2 CHANRELNAK 7:3

Israel fale vialte nih mei a rung ṭum le biakinn cung i Bawipa sunparnak kha an hmuh tikah, vawlei lei hoih in lung phahmi cungah khan an lu an i khun i Bawipa cu an biak i an lawmh i, “Zeitintiah amah cu a ṭha, A fekmi a dawtnak cu zungzal in a hmun,” tiah an ti.

EZRA 3:11

cun annih nih Bawipa cu an thangṭhat i an lawmh i, “Bawipa sin i lunglawmhnak chim hi a ṭha; Zeitintiah a fekmi a dawtnak cu Israel leiah zungzal in a hmun,” tiin an i sak tonh. Bawipa inn hram cu bunh a si caah mi vialte nih Bawipa cu an thangṭhat tikah fak piin an au.

EZRA 8:20

cu lengah David le a bawi pawl nih Levi mi hna bultawltu ah an rak thleidanmi hna biakinn rianṭuantu za hnih le kul zong kha an ratpi hna. Hi hna hi an min tein ṭial an si dih.

SALM 103:17

Sihmanhsehlaw Bawipa nih amah a upatmi hna a dawtnak hna cu, zungzal in a hmun i a ṭhatnak nih chan vialte tiang a nguh,

SALM 106:1

Bawipa cu thangṭhat ko u! Bawipa sinah lawmhnak bia chim tuah u, zeicahtiah amah cu a ṭha, a dawtnak cu zungzal in a hmun.

SALM 136:1

Bawipa cu a ṭhat caah lawm tuah u, a dawtnak cu zungzal in a hmun.

SALM 39:1

“Ka tuahmi ah khan kaa ralring lai ka lei kha sualnak ka tuahter lai lo; miṭhalo kha lamnai i an um lioah zeihmanh ka chim lai lo,” ka ti.

SALM 77:1

Pathian cu fak piin ka auh, fak piin ka auh i a ka theih.

JEREMIAH 33:11

Sihmanhsehlaw hi hmun ah hin thanuamnak thawng le lunglawmhnak thawng, nupi ṭhitu aw le a mo aw cu theih an si ṭhan lai. Mi nih ka biaknak inn ah lunglawmhnak laksawng an rak put tikah hla an sa lai i, A lianngan bik Bawipa cu lawm tuah u, Zeicahtiah amah cu a ṭha, A fekmi a dawtnak cu zungzal in a hmun, an ti lai. Hi ram cu hmasa ah a rak rum tlukte khan ka rumter ṭhan lai,” tiah Bawipa nih a ti.

EZEKIEL 40:44

Cun chungchin tual chungah khan a ka luhpi i a chungah cun khaan pahnih ka hmuh hna, pakhat cu chaklei kutka kil ah khan a si i thlanglei a hoih, pakhat cu thlanglei kutka kil ah khan a si i chaklei a hoih.

NAMBAR 1:17

Moses le Aaron nih minthlak a simi hna hi an lak hna i

LUKA 1:50

Amah a ṭihmi vialte kha chan khat hnu chan khat in a zaangfah hna.