1 CHANRELNAK 16:32 - Lai (Hakha) Common Language Bible 2006

³² Rili le a chungah a ummi thil vialte awn hna seh, Lo le a chungah a ummi thil vialte kha i lawm hna seh!

1 CHANRELNAK 16:32 ပူးပေါင်းရင်းမြစ်များ

1 CHANRELNAK 16:33

Khi tikah ramlak thingkung vialte cu Bawipa hmaiah lawmhnak in hla an sa lai, Zeitintiah vawlei kha biaceih awkah amah cu a ra.

SALM 69:35

Zion cu a khamh lai i Judah ram chung khua cu a remh ṭhan hna lai; a mi cu cuka ah cun khua an sa lai i ram cu an co lai;

SALM 93:4

Bawipa cu vancung ah khin uktu ngan bik a si, rilipi aw thawng nakin a ngan deuh rili tilet nakin a ṭhawng deuh.

SALM 96:11

Vawlei le van, i lawm tuah u. Rili le a chung i a ummi thilnung vialte hna, awn u;

ISAIAH 42:10

Bawipa cu hla thar in thangṭhat tuah u; vawlei vialte hna, a thangṭhatnak hla cu sa tuah u. Rili cungah tilawng in a kalmi hna, amah cu thangṭhat tuah u; rili chung thilnung vialte hna, amah cu thangṭhat u. Lamhlatpi i a ummi ram hna, hlasa tuah u, cuka ram i a ummi vialte hna, hla cu sa tuah u.

ISAIAH 44:23

Nannih van hna, lunglawmhnak in au tuah u, vawlei cung i a thukmi hmun hna, au tuah u. Tlang te tupi chung thing vialte hna, lunglawmhnak in au tuah u. Bawipa nih a mi Israel mi cu a khamh cang hna i cuticun a lianhngannak kha a langhter cang.