1 CHANRELNAK 16:30 - Lai (Hakha) Common Language Bible 2006

³⁰ Vawlei vialte hna, amah hmaiah cun ther tuah u; Asi, vawlei cu fek tein a dir ko, aa hnin bal lai lo.

1 CHANRELNAK 16:30 ပူးပေါင်းရင်းမြစ်များ

1 CHANRELNAK 16:23

Vawlei vialte hna, Bawipa sinah hla hun sa tuah u! Nifate in amah khamhnak kha chim tuah u.

1 CHANRELNAK 16:25

Zeitintiah Bawipa cu a lianngan i fak piin thangṭhat awk a si, Mi hna pathian vialte hna nakin amah cu ṭih awk a si deuh.

1 CHANRELNAK 16:29

Bawipa cu amah min he aa tlakmi sunparnak cu pe ko u, Pekchanh awk rak i put u law a hmaika ah ra chuak tuah u! Thuam thianghlim in i thuam in Bawipa cu bia tuah u,

1 CHANRELNAK 16:31

Van hna khi i lawm ko hna seh, vawlei hi a tha nuam seh, “Bawipa nih a pen,” tiah miphun kip sinah chim hna seh.

SALM 33:9

Bia a chim i vawlei cu a hung um, nawl a pek i zeizong vialte an hung chuak.

SALM 76:8

Vawleicung i hremnak a ingmi vialte hna khamh awkah; nangmah nih na biakhiahnak cu thanh awk i na thawh tikah, na biakhiahnak cu vancung khin na run langhter i vawlei cu a thin a phang i dai tein a um.

SALM 93:1

Bawipa cu siangpahrang a si! Rumra in aa thuam i a tai cu thazang in aa sawmh. Vawlei cu a umnak hmun ah khan fek tein a chiah i a hninh in hninh khawh a si lo.

SALM 96:9

A Thiang Mi cu a hung chuah tikah a hmaiah khan kun u; vawleicung mi vialte hna, a hmaiah cun a ther in ther u.

SALM 99:1

Bawipa cu siangpahrang a si, mi vialte cu an ther dih; cherubim cung i a bawiṭhutdan cungah khan a ṭhu, vawlei cu aa hnin dih.

ISAIAH 49:8

Bawipa nih a mi cu a thawh hna i “Nanmah khamhnak caan kha a phak tikah, kan dawt hnanak kha ka langhter lai i bawmhnak nan ka hal i nan aunak kha kan leh hna lai. Nanmah cu kan ven kan huhphenh hna lai i nanmah thawngin mi vialte he biakamnak ka ser lai. Atu lio i a rawk dihmi nan ram ah khan kan umter ṭhan hna lai.

JEREMIAH 10:12

Pathian nih vawlei hi a ṭhawnnak in a ser Vawlei hi a fimnak in a umnak hmun ah hin a umter Van khi a thiamnak in a samh hna.

KOLOSE 1:17

Zeizong vialte hlanah a rak um cang i amah nih cun zeizong vialte hi i ṭhenṭhek dih loin a funtom dih hna.

HEBRU 1:3

Amah cu Pathian sunparnak in a ceu i Pathian he aa lo taktakmi kha a si; cun van le vawlei kha, ṭhawnnak a ngeimi a bia in a domhtlaih hna. Minung cu an sualnak kha a thianhpiak dih hna hnu in vancung ah khin Lianngan Bik Pathian orhlei kamah a ṭhu.

BIAPHUAN 11:15

Cun vancungmi pasarihnak nih khan a muko cu a vun tum i aw thawng fakpi vancung ah cun a thang i, “Vawlei cung uknak nawl cu kan Bawipa le a Messiah ta a si cang,” an ti.