1 CHANRELNAK 15:12 - Lai (Hakha) Common Language Bible 2006

¹² annih cu, “Nannih cu Levi mi hna chung i pale innchungkhar hna lu cio nan si; nannih nih Bawipa Israel Pathian kuang kha, ka timhpiakmi hmun ah cun nan hunpi nakhnga nan unau le he i thianh tuah u.

1 CHANRELNAK 15:12 ပူးပေါင်းရင်းမြစ်များ

1 CHANRELNAK 15:1

David nih amah caah David khua chungah khan inn a sak hna i Pathian kuang caah khan hmun pakhat a timh i thlam pakhat a bunhpiak.

1 CHANRELNAK 15:14

Cucaah Bawipa, Israel Pathian kuang cu hun zawnh awkah tlangbawi hna le Levi mi hna cu an i thianh.

1 CHANRELNAK 15:3

Cun Bawipa kuang cu a ca i a timhmi hmun i hun kalpi awkah, David nih Israel mi vialte cu Jerusalem ah a pumh hna.

1 CHANRELNAK 16:1

Cun Pathian kuang cu an luhpi i David nih a bunhpiakmi thlam chungah khan an chiah; cun Pathian hmaiah khangh thawinak le daihnak thawinak kha an pekchanh.

1 CHANRELNAK 24:31

Siangpahrang David, Zadok, Ahimelek le tlangbawi hna le Levi mi hna an pale innchungkhar lu cio hna hmaiah Aaron fapa an unau hna nih an tuah bang khan, pale innchungkhar i lu a si ciomi hna le an nau le cio nih khan, camcawhfung cu an zuh ve.

1 CHANRELNAK 9:34

Mah hna hi Levi mi pale hna innchungkhar lu, an chan ning cio in an si, hruaitu an si, i Jerusalem ah khan an um.

2 CHANRELNAK 1:2

Solomon nih cun Israel mi vialte, a thongthong pawl haotu si hna seh, a zaza pawl haotu si hna seh, biaceihtu si hna seh, Israel ram chung i hruaitu a simi, innchungkhar lu a si ciomi vialte hna kha bia a chimh hna.

2 CHANRELNAK 1:4

(Sihmanhsehlaw David nih Pathian kuang kha cu Kiriath-jearim in David nih hmun a serpiakmi, Jerusalem i thlam pakhat a bunhpiakmi ah khan a rak hunpi cang.)

2 CHANRELNAK 30:15

Cun Lanhtak tuufa kha thla hnihnak thla i ni hleili ni ah khan an thah. Cun tlangbawi hna le Levi mi hna cu an ning a zak i cucaah an i thianh i Bawipa inn chungah khan khangh thawinak kha an rak put.

2 CHANRELNAK 35:6

Cun Lanhtak tuufa kha that u law i thianh tuah u, Moses sinin Bawipa bia ningin tuah awkah nan unau hna kha timtuah hna u,” tiah a ti.

2 CHANRELNAK 5:11

Cun tlangbawi hna cu hmun thiang chung khan an hung chuah tikah (cuka i a ummi tlangbawi vialte hna cu an i thianh dih ko cang, an i ṭhenning kha cu ruah loin;

2 CHANRELNAK 5:2

Cun Solomon nih Israel mi upa hna le an phun cio lu hna kha le Israel mi an pale innchungkhar hna hruitu cio hna kha, David khua a simi Zion in Bawipa biakamnak kuang cu hun chuahpi awkah Jerusalem khua ah a pumh hna.

NEHEMIAH 13:22

Cun sabbath ni kha thiang tein umter awkah Levi mi hna kha, nan i thianh lai i nan ra lai i kutka kha nan cawngh hna lai, tiah nawl ka pek hna. Keimah ca ṭhatnak ding caah hi zong hi hngal camcin ko law, maw Pathian, a fekmi na dawtnak a ngan ningin ka zuah ko sawh.

ISAIAH 52:11

Thil thiang a phortu hna, Babilon khan khulrang in chuak u. Tawngh lo ding timi thil kha tawng hna hlah u, thiang tein um u law khua kha chuahtak u.

EZEKIEL 48:11

Cu hmun cu Israel mi hna lam an rak tlau i Levi mi hna nih an rak zulh hna bangin a zul lomi Zadok fapa hna, ka rian ṭha tein a ṭuanmi thiantermi tlangbawi hna caah khan a si lai.

JOHAN 17:17

Annih cu biatak khan thianter hna: biatak cu nangmah bia kha a si.