1 CHANRELNAK 15:1 - Lai (Hakha) Common Language Bible 2006

¹ David nih amah caah David khua chungah khan inn a sak hna i Pathian kuang caah khan hmun pakhat a timh i thlam pakhat a bunhpiak.

1 CHANRELNAK 15:1 ပူးပေါင်းရင်းမြစ်များ

2 SAMUEL 14:24

Cun siangpahrang nih, “Amah dang tein amah inn ah khan um seh; ka mui cu ka hmu hlah seh,” tiah a ti. Cucaah Absalom cu a dang tein amah inn ah khan a um i siangpahrang cu a mui a hmu lo.

2 SAMUEL 5:9

Cun David cu ralhruang chungah khan a um i cucu David khua tiah min a sak. Cun David nih khua cu, Millo in a chunglei tiang khan a velchum in a kulh.

2 SAMUEL 6:12

Cun Siangpahrang David kha an chimh i, “Bawipa nih Obededom innchungkhar kha Pathian kuang thawngin thluachuah a pek hna,” tiah an ti. Cucaah David cu a va kal i Obededom inn khan David khua ah lunglawmhnak in Pathian kuang kha a ratpi;

2 SAMUEL 6:17

Cun Bawipa kuang kha an luhpi i a umnak ding hmun caah David nih a rak bunhmi thlam chungah khan an chiah. Cun David nih khangh thawinak le daihnak thawinak kha Bawipa hmaiah a pekchanh.

1 CHANRELNAK 15:12

annih cu, “Nannih cu Levi mi hna chung i pale innchungkhar hna lu cio nan si; nannih nih Bawipa Israel Pathian kuang kha, ka timhpiakmi hmun ah cun nan hunpi nakhnga nan unau le he i thianh tuah u.

1 CHANRELNAK 15:3

Cun Bawipa kuang cu a ca i a timhmi hmun i hun kalpi awkah, David nih Israel mi vialte cu Jerusalem ah a pumh hna.

1 CHANRELNAK 16:1

Cun Pathian kuang cu an luhpi i David nih a bunhpiakmi thlam chungah khan an chiah; cun Pathian hmaiah khangh thawinak le daihnak thawinak kha an pekchanh.

1 CHANRELNAK 6:31

Mah hna hi David nih Bawipa inn chungah, khika i kuang kha chiah a si hnuah, hla saknak rian tlaitu ah a chiahmi hna cu an si.

2 CHANRELNAK 1:4

(Sihmanhsehlaw David nih Pathian kuang kha cu Kiriath-jearim in David nih hmun a serpiakmi, Jerusalem i thlam pakhat a bunhpiakmi ah khan a rak hunpi cang.)

2 CHANRELNAK 5:2

Cun Solomon nih Israel mi upa hna le an phun cio lu hna kha le Israel mi an pale innchungkhar hna hruitu cio hna kha, David khua a simi Zion in Bawipa biakamnak kuang cu hun chuahpi awkah Jerusalem khua ah a pumh hna.

LAMKALTU 7:46

David nih cun Pathian duhdawtnak kha a hmuh i Jakob Pathian caah inn pakhat sak awkah Pathian kha a hal.