1 CHANRELNAK 14:4 - Lai (Hakha) Common Language Bible 2006

⁴ Mah hna hi Jerusalem ah a hrinmi a fale hna min cu a si: Shammua, Shobab, Nathan, Solomon,

1 CHANRELNAK 14:4 ပူးပေါင်းရင်းမြစ်များ

2 SAMUEL 12:1

Cun Bawipa nih Nathan kha David sinah a hei thlah. Amah sinah cun a ra i, “Khua pakhat ah hin mi pahnih an um i pakhat cu a rummi a si i pakhat cu sifakmi a si.

2 SAMUEL 5:14

Cun Jerusalem ah a hrinmi hna an min cu mah hihi an si: Shammua, Shobab, Nathan, Solomon,

1 SIANGPAHRANG 1:13

David Siangpahrang sinah cun khulrang in va kal law amah cu, ‘Siangpahrang ka bawipa, nangmah nih na salnu ka sinah, “Keimah hnuah Solomon na fapa hi a rung bawi lai i ka bawi ṭhutdan cungah hin a ṭhu lai,” tiin chiat na ser lo maw? Zeicahdah Adonijah hi siangpahrang a si kun?’ tiah va ti.

1 SIANGPAHRANG 1:17

Cun anih nih amah sinah cun, “Ka bawipa, nangmah nih na salnu sinah hin, Bawipa na Pathian min chalh in chiat na rak ser i, ‘Na fapa Solomon hi keimah hnuah a rung bawi lai i ka bawi ṭhutdan cungah a ṭhu lai,’ tiah na ti.

1 SIANGPAHRANG 2:15

Cun amah nih cun, “Pennak hi keimah ta a rak si i Israel mi vialte nih amah nih a kan pen lai tiin an rak ka ruah dih ko, ti kha na hngalh; sihmanhsehlaw pennak cu a lu taw aa let i ka unaupa caah a cang, zeitintiah Bawipa nih a pekmi a si.

1 SIANGPAHRANG 3:3

Solomon nih Bawipa kha a dawt ko, a pa David nawlbia kha a zulh ko hna; amah belte, khuahrum bo ah khan rai a thawi i zihmui a khangh.

1 CHANRELNAK 14:3

Cun David nih Jerusalem ah khan nupi aa lak chap hna i David cu fapa tam chinchin le fanu tam chinchin a ngei.

1 CHANRELNAK 14:5

Ibhar, Elishua, Elpelet,

MATTHAI 1:6

Jesse cu Siangpahrang David pa a si. David cu Solomon pa a si (a nu cu Uriah nupi kha a si);

LUKA 3:31

Eliakim cu Melea fapa a si, Melia cu Menna fapa a si, Menna cu Mattatha fapa a si, Mattatha cu Nathan fapa a si, Nathan cu David fapa a si,