1 CHANRELNAK 13:5 - Lai (Hakha) Common Language Bible 2006

⁵ Cucaah David nih Israel mi vialte cu Izipt ram tiva Shihor in Hamath luhnak tiang Kiriath-jearim in Jerusalem Pathian kuang cu ratpi awkah, a pumh hna.

1 CHANRELNAK 13:5 ပူးပေါင်းရင်းမြစ်များ

2 SAMUEL 6:1

David nih Israel mi lakin thim ciammammi sang thum kha a pumh ṭhan hna.

1 SIANGPAHRANG 4:21

Solomon nih Zufrates in Filistin mi hna ram le Izipt ramri tiang ram vialte cu a uk dih hna; a nun chung vialte Solomon sinah cun ngunkhuai an thawh i a rian an ṭuan.

1 SIANGPAHRANG 8:65

Cuticun cu tan ah cun Solomon le Israel mi vialte, mi tampi aa pummi bu, Hamath khua luhnak in Izipt tivate tiang, cu mi hna nih cun Bawipa an Pathian hmaiah ni sarih chung puai an tuah.

2 SIANGPAHRANG 25:21

Cun Babilon siangpahrang nih khan a tuk hna i Hamath ram Riblah khua ah khan a thah hna. Cuticun Judah cu amah ram chungin saltannak chungah kalpi a si.

1 CHANRELNAK 13:4

Aa pummi vialte nih cu bantukin tuah awkah an hna a tla, zeicahtiah cu thil cu mi vialte mithmuhnak ah thil dik a si.

1 CHANRELNAK 13:6

Cun David le Israel mi vialte cu Baalah ah khan an hung kal, cucu Judah ta a simi Kiriath-jearim kha a si; cherubim hna cungah a ṭhumi Bawipa min in kawhmi Pathian kuang va lak awkah khan a si.

1 CHANRELNAK 15:3

Cun Bawipa kuang cu a ca i a timhmi hmun i hun kalpi awkah, David nih Israel mi vialte cu Jerusalem ah a pumh hna.

ISAIAH 23:3

Izipt ram in a chuakmi rawl kha cawk awk le ram dangdang hna he chaw i cawk le i zuarh awkah, nan lawng cu rili cungah nan thlah hna.

JEREMIAH 2:18

Cun Nail tiva ti, va din awkah Izipt ram i na va kal lai cu, Na caah zei miaknak dah a um lai? Asiloah, Zufrates tiva ti va din awkah Assiria ram i na va kal lai cu, Zeidah na miakmi a um lai?

JOSHUA 9:17

Cun Israel mi cu an i thawh i an khua cu a ni thumnak ni ah an va phanh hna. An khua hna cu Gibeon, Khefirah, Beeroth le Kiriath-jearim an si.

1 SAMUEL 6:21

Cucaah annih nih Kiriath-jearim khuami hna sinah khan lamkal an hei thlah hna i, “Bawipa kuang kha Filistin mi nih an rak put ṭhan cang. Rung u law, nanmah leiah hun i kalpi u,” an ti.

1 SAMUEL 7:1

Cun Kiriath-jearim khuami cu an ra i Bawipa kuang kha an lak i, tlang cung i a ummi Abinadab inn ah khan an hun kalpi. Cun annih nih Bawipa kuang zohkhenhtu ah a fapa Eleazar kha an thianter.

1 SAMUEL 7:2

Kiriath-jearim ah kuang kha a phak ni in, khika ah caan saupi, kum kul tluk a um; cun Israel innchungkhar vialte nih Bawipa kha an ngai ṭhan.