1 CHANRELNAK 13:2 - Lai (Hakha) Common Language Bible 2006

² Cun David nih Israel mi aa pummi vialte cu a thawh hna i, “Nannih nih a ṭha tiah nan ruah i Bawipa kan Pathian duhnak a si ahcun, Israel ram chung i a um rihmi kan unau hna le an sin i a ummi tlangbawi hna le Levi mi hna, saṭil tlonnak ram a ngeimi khua chung i a ummi hna kha, kan sinah i pumh ve awkah an rat nakhnga, hei sawm hna u sih.

1 CHANRELNAK 13:2 ပူးပေါင်းရင်းမြစ်များ

1 SIANGPAHRANG 12:7

Cun annih nih an thawh i, “Hi mi hna sal ah hin nihin cu naa can i an rian na ṭuanpiak hna i, na leh hna tikah bia ṭha in na chawnh hna ahcun annih cu a zungzal in na sal an si lai,” tiah an ti.

2 SIANGPAHRANG 9:15

sihmanhsehlaw Siangpahrang Joram cu, Siria siangpahrang Hazael he an i tuknak i Siria mi nih an hliamnak a hma kha damter awkah Jezreel ah khan a kir cang). Cun Jehu nih, “Mah hihi nan lung a si ahcun, ahohmanh hi thawng cu Jezreel khua i va chim awkah hi khua chung hin i zuk hlah u,” tiah a ti.

1 CHANRELNAK 10:7

Cun nelrawn chungah a ummi Israel mi vialte nih ralkap kha an zam i Saul le a fapa hna kha an thi, ti an theih tikah, an khua kha an chuahtak hna i an zam; cun Filistin mi kha an ra i an khua kha an rawlh hna.

1 CHANRELNAK 13:1

David nih a thong pawl haotu hna le a za pawl haotu hna le haotu paohpaoh kha lungthin cheuh awk a hal hna.

1 CHANRELNAK 13:3

Cun kan Pathian kuang kha kan sinah ratpi ṭhan u sih; zeicahtiah Saul chan lioah khan kannih nih kan rak daithlanh ai,” tiah a ti.

EXODUS 18:23

Hi bantukin na tuah ahcun, Bawipa nih nawl an pekning hin na tuah ahcun, na ba tuk lai lo i mi zong kha an bia limpiak in inn ah an ṭin kho lai,” a ti.

PHUNGTHLÛKBIA 15:22

Ruahnak i cheuhnak a um lo ahcun khuakhannak kha a pingah a kal tawn, sihmanhsehlaw ruahnak cheutu an tam ahcun a hlawh a tling tawn.

ISAIAH 37:4

Assiria siangpahrang nih a nungmi Pathian kha nihsawh awkah a ralbawi kha a rak thlah. Bawipa na Pathian nih hi nihsawhnak bia hi rak thei hna seh law a chimtu kha dantat ko hna seh. Cucaah a tangmi kan mi hna caah thla rak cam ko.”

1 SAMUEL 31:1

Cun Filistin mi nih Israel mi cu an tuk hna i Israel mi cu Filistin mi hna hmaiah khan an zam i Gilboa Tlang ah cun an thi liangluang ko.