1 CHANRELNAK 12:8 - Lai (Hakha) Common Language Bible 2006

⁸ Gad mi hna chungin a ṭhawng i a thiam ngaingaimi ralkap hna, phaw hman le fei hman a thiam ngaingaimi, an hmai chiandeih hmai a lo i tlang cung sazuk bantukin a mar a zaangmi hna kha David sinah ramlak i ralhruang ah khan an va kal.

1 CHANRELNAK 12:8 ပူးပေါင်းရင်းမြစ်များ

2 SAMUEL 1:23

Saul le Jonathan, duh a nung i aa dawhmi hna, nunnak ah siseh thihnak ah siseh an i ṭhen lo; muvanlai nakin an khul a rang, chiandeih nakin an ṭhawng.

2 SAMUEL 17:10

Khi tikah mi ralṭha, a lung chiandeih lung bantuk a simi hmanh kha, ṭihnak in a dor sual ko hnga; zeitintiah Israel mi vialte nih khan na pa cu miṭhawng a si i a sin i a ummi hna cu mi ralṭha an si kha an hngalh dih.

2 SAMUEL 2:18

Cun khika ah Zeruiah fapa pathum, Joab, Abishai le Asahel hna kha an um ve. Asahel cu ramlak sazuk bangin a mumi a si;

2 SAMUEL 23:20

Jehoiada fapa Benaiah cu Kabzeel khuami mi ralṭha, thil lianngan a tuahtu a si; amah nih Moab ariel pahnih a thah hna. Cun hawhra a tlak ni ah khan a vung kal i chiandeih pakhat zong khor chungah a thah fawn.

1 CHANRELNAK 11:16

Cu lioah cun David cu ralhruang chungah a um i Filistin mi ralvengtu ralkap hna cu Bethlehem ah an um.

1 CHANRELNAK 11:22

Jehoiada fapa Benaiah cu Kabzeel khuami miralṭha, thil lianngan a tuahtu a si; amah nih Moab ariel pahnih a thah hna. Cun hawhra a tlak ni ah khan a vung kal i chiandeih pakhat zong khor chungah a thah fawn.

1 CHANRELNAK 12:16

Cun Benjamin mi tlawmpal le Judah mi tlawmpal cu David sinah ralhruang ah khan an ra.

1 CHANRELNAK 12:7

cun Gedor mi Jeroham fapa hna Joelah le Zebadiah.

1 CHANRELNAK 12:9

Cu hna cu: Haotu bik Ezer, a pahnihnak Obadiah, pathumnak Eliab,

2 CHANRELNAK 25:5

Cun Amaziah nih Judah rammi kha a pumh hna i Judah le Benjamin dihlak ca i a thong pawl haotu hna le a za pawl haotu hna tangah khan an pale chungkhar ning cio ah a chiah hna. Kum kul le a cunglei mi kha a pumh hna i annih cu thim khunmi sing thum, raldoh awk ca i aa tlakmi, fei le phaw a tlai kho an si kha a hmuh.

PHUNGTHLÛKBIA 28:1

Miṭhalo cu ahohmanh nih dawi loin an zam, sihmanhsehlaw miding mi cu chiandeih bantukin an ral a ṭha.

PHUNGTHLÛKBIA 6:5

Sakap kut chungin sazuk a luat bantuk le mihriam kut chungin vate a luat bantukin nangmah kha i khamh tuah.

SOLOMON HLA 8:14

Ka dawtte aw ra lang cang tuah law, Rimhmui tlang i sazuk le maw saza nochuan bang, Ra lang ko sawh law.

JEREMIAH 46:9

Maw rangcung ralkap hna, nam u, Maw rangleng hna, nan biatak chuah u! Ralkap bu, hmaiah fong tuah u; Ethiopia mi hna le phaw aa putmi Put mi hna. Likuk hruai cia in aa tlaihmi Lidia mi hna, chuak tuah u.

1 SAMUEL 23:14

Cun David cu ramlak i ralhruang chungah khan a um, Zif Ramlak tlangram ah khan. Cun Saul nih ni fate in a kawl, sihmanhsehlaw Pathian nih amah kha a kut chungah a pe lo.

1 SAMUEL 23:29

Cun David cu cuka cun a hung kal i Engedi ralhruang chungah khan aa thup.

1 SAMUEL 24:22

Cun David nih mah cucu Saul sinah chiat in a ser. Khi tikah Saul cu a inn ah a tlung, sihmanhsehlaw David le a mi hna cu ralhau chungah khan an hung kal.