1 CHANRELNAK 12:18 - Lai (Hakha) Common Language Bible 2006

¹⁸ Khi tikah sawm thum hna lak i haotu bik Amasai cungah khan Thlarau a tlung i amah nih cun hi bangin a ti: “Kannih cu nangmah ta kan si, maw David; Maw Jesse fapa, nangmah sin tel kan si; Daihnak, daihnak cu na sinah um ko seh, Daihnak cu nangmah an bawmtu hna cungah um ko seh! Zeitintiah na Pathian nih an bawmh.” Khi tikah David nih tlun inn a onh hna i a ralkap hna haotu bawi ah khan a ser hna.

1 CHANRELNAK 12:18 ပူးပေါင်းရင်းမြစ်များ

2 SAMUEL 15:21

Sihmanhsehlaw Ittai nih siangpahrang cu a leh i, “Bawipa nih a nun bangin le siangpahrang ka bawipa nih a nun bangin, siangpahrang ka bawipa a umnak hmun paoh ah, thih siseh nun siseh, khika ah na salpa cu ka um ve lai,” tiah a ti.

2 SAMUEL 17:25

Cun Absalom nih Joab hmun ah khan Amasa kha ralkapbu haotu ah a chiah. Amasa cu Ishmael mi a min Ithra a simi fapa a si; Ithra nih cun Abigail kha a ṭhit; Abigail cu Joab nu Zeruiah i a unau Nahash fanu kha a si.

2 SAMUEL 19:13

Cun Amasa kha, ‘Nangmah cu ka ruh le ka sa na si lo maw? Nangmah cu Joab hmun ah ka ralkapbu haotu na si lo ahcun, Pathian nih cu bangin le cu nak tam zongin ka cungah tuah ko seh,’ a ti, tiah rak chim u,” tiah a ti.

2 SAMUEL 5:2

kan hnulei caan, Saul kan siangpahrang a si lioah khan, Israel mi a chuahpitu le a luhpitu cu nangmah na si; cun Bawipa nih nangmah cu, ‘Nangmah cu ka mi Israel mi hna tuukhal na si lai i Israel mi hna bawi na si lai,’ an timi kha na si,” tiah an ti.

1 SIANGPAHRANG 9:22

Sihmanhsehlaw Israel mi cu Solomon nih sal ah a ser hna lo; annih cu ralkap, bawi, ralbawi, ralkapbu haotu, a rangleng bawi hna le rangcung ralkap an si.

2 SIANGPAHRANG 10:15

Cun khika in a kal tikah, Rekhab fapa Jehonadab kha amah ton awkah a ra; daihnak a pek i, “Na cung i ka lung zumhawktlak a si bantuk hin nang tah ka cungah na si ve maw?” tiah a ti. Cun Jehonadab nih, “Asi,” tiah a leh. Jehu nih, “A si ahcun, na kut ka chan tuah,” tiah a ti. Cucaah a kut kha a chanh. Cun Jehu nih amah sinah rangleng chungah khan a vun hnuh.

2 SIANGPAHRANG 10:5

Cucaah siangpahrang inn a zohkhenhtu le khua a zohkhenhtu hna nih khan upa hna le ngakchia zohkhenhtu hna he tiah Jehu cu bia an cah i, “Kannih cu na sal kan si ko, na kan fialmi paoh cu kan tuah lai. Ahohmanh siangpahrang ah kan ser hna lai lo; nangmah mit ah a ṭha na timi paoh kan cungah tuah ko,” tiah an ti.

2 SIANGPAHRANG 9:32

Cun thlalangawng lei cu a hun zoh i, “Ahodah keimah leiah a ṭang, ahodah?” tiah a ti. Tilditmi pahnih pathum nih khin an vun zoh.

1 CHANRELNAK 11:11

Mah hihi David miṭhawng hna kong cu a si: Hakhmon mi Jashobeam hi pathum hna lak i haotu bik a si, amah nih minung za thum ṭum khat i a thahmi hna cungah khan fei a hman.

1 CHANRELNAK 12:17

Annih ton awkah khan David cu a va chuak i, “Hawikomhnak in keimah bawmh awkah nan rat a si ahcun, ka lung cu nannih sinah ṭhit chih a si lai; sihmanhsehlaw ka ral hna sinah, ka kut chungah zeihmanh sualnak a um lo nain, rawi awk i nan rat a si ahcun, kan pupa hna Pathian nih in hmu hna seh law in mawhchiat ko hna seh,” tiah a ti.

1 CHANRELNAK 2:17

Abigail nih Amasa a hrin i Amasa pa cu Ishmael mi Jether a si.

ISAIAH 59:17

Dinnak cu thir angki bantukin aa hruk lai i teinak cu lukhuh bantukin aa khuh lai. Thil ahmaan in tuah duhnak le mi cungah ṭhat lonak a tuahtu hna teirul cham le dantat duhnak kha puan bantukin aa aih lai.

ZEKHARIAH 8:23

Mah hihi ralkapbu Bawipa bia cu a si: Khi caan ah cun holh phun kip a hmangmi miphun kip chungin mi pahra nih Judah mi pakhat kha a puan in an i tlaih lai i, “Pathian cu na sinah a um ti kha kan theih caah na sinah kan kal ko lai,” tiah an ti lai.

MATTHAI 12:30

“Keimah a ka ṭanh lomi cu a ka ralmi an si; pumhkhawmh a ka bawm lomi cu ṭhektu an si.

GALATI 6:16

Hi phung an nunning ah a zulmi hna cu daihnak le zaangfahnak kha an cungah um ko seh — Pathian mi dihlak cungah cun um ko seh.

BIACEIHTU 13:25

Cun Bawipa thlarau nih Zorah le Eshtaol karlak i a ummi Mahaneh-dan hmun ah khan amah cu cawlcanghter hram a thawk.

BIACEIHTU 3:10

Bawipa thlarau cu a cungah a tlung i Israel cu bia a ceih hna; raldoh awkah khan aa thawh i Mesopotamia siangpahrang Kushan-rishathaim kha Bawipa nih a kut chungah a pek; Kushan-rishathaim kha a tei.

BIACEIHTU 6:34

Sihmanhsehlaw Bawipa thlarau cu Gideon cungah a tlung; cun muko kha a tum i Abiezer mi kha amah zulh awkah an i pum.

RUTH 1:16

Sihmanhsehlaw Ruth nih, “Nangmah he i ṭhen awk le nangmah zul lo i kir ṭhan awkah ka lem len hlah; zeicahtiah na kalnak ah ka kal ve lai i na riahnak ah ka riak ve lai; na miphun cu ka miphun an si ve lai i na Pathian cu ka Pathian a si ve lai;

1 SAMUEL 16:4

Bawipa nih nawl a pekmi cu Samuel nih a tuah i Bethlehem khua ah khan a ra. Cu khua upa hna nih amah cu ton awkah khan ther lengmang in an ra i, “Daihnak lei ca i a rami na si maw?” tiah an ti.

1 SAMUEL 16:5

Cun anih nih, “Daihnak in; Bawipa sin i raithawi awkah ka ra; nanmah kha i thianh u law, raithawinak ah cun ka sinah ra ve u,” tiah a ti hna. Cun Jesse le a fapa hna kha a thianh hna i raithawinak ah khan a sawm hna.

1 SAMUEL 22:7

Cun a velchum i a dirmi a sinum hna sinah cun Saul nih a thawh i, “Nannih Benjamin mi hna, thei tuah u; Jesse fapa nih cun nan dihlak te hin maw lo le mitsur dum an pek cio hna lai i a thongthong haotu ah le a zaza haotu ah an ser cio hna lai,

1 SAMUEL 24:12

Keimah le nangmah karlakah Bawipa nih bia kan ceih ko seh, Bawipa nih nangmah cungah phu ka hlampiak ko seh; sihmanhsehlaw ka kut nih cun an tu lai lo.

1 SAMUEL 24:13

Hlanlio mi hna phungthluk ah, ‘Miṭhalo chungin ṭhat lonak a chuak,’ ti a si; sihmanhsehlaw ka kut nih cun an tu lai lo.

1 SAMUEL 24:16

Hi bia cu David nih a chim dih hna tikah Saul nih, “Mah hihi nangmah aw a si maw, ka fapa David?” tiah a ti. Cun Saul cu thangpi in a ṭap.

1 SAMUEL 8:12

Cun a thong pawl haotu hna le sawm nga pawl haotu hna kha aa chiah hna lai, cun a cheu cu a leithuangtu le a rawlṭuantu le a ral hriamnam sertu le a rangleng thilri sertu ah a chiah hna lai.