1 CHANRELNAK 11:5 - Lai (Hakha) Common Language Bible 2006

⁵ Jebus i a ummi hna nih cun David cu an thawh i, “Hika ah hin na ra lut lai lo,” an ti. Asinain David nih Zion ralhau cu a lak, mah cucu David khua timi cu a si.

1 CHANRELNAK 11:5 ပူးပေါင်းရင်းမြစ်များ

2 SAMUEL 5:9

Cun David cu ralhruang chungah khan a um i cucu David khua tiah min a sak. Cun David nih khua cu, Millo in a chunglei tiang khan a velchum in a kulh.

2 SAMUEL 6:10

Cucaah David nih Bawipa kuang cu David khua chung i luhpi awk kha a duh lo; asinain David nih Git mi Obededom inn lei tu ah khan a kalpi.

2 SAMUEL 6:12

Cun Siangpahrang David kha an chimh i, “Bawipa nih Obededom innchungkhar kha Pathian kuang thawngin thluachuah a pek hna,” tiah an ti. Cucaah David cu a va kal i Obededom inn khan David khua ah lunglawmhnak in Pathian kuang kha a ratpi;

1 SIANGPAHRANG 8:1

Cun Solomon nih Israel mi upa vialte hna le an phun cio i lu a simi vialte hna, Israel mi chungkhar hna haotu vialte hna kha, David khua Zion in Bawipa biakamnak kuang cu hunpi awkah, Jerusalem khua ah Siangpahrang Solomon hmaiah a pumh hna.

1 CHANRELNAK 11:4

Cun David le Israel mi vialte cu Jerusalem ah an kal, mah cucu Jebus a si, cuka ah cun cuka ram i a ummi Jebus mi hna cu an um.

1 CHANRELNAK 11:6

David nih, “Jebus mi a tu hmasa bik paoh cu ralbawi bik a si lai,” tiah a ti. Cun Zeruiah fapa Joab cu a hung kal hmasa bik i cucaah ralbawi bik ah cun a cang.

1 CHANRELNAK 11:7

Cun David cu ralhau chungah cun khua a sa; cucaah mah cucu David khua tiah ti a si.

2 CHANRELNAK 5:2

Cun Solomon nih Israel mi upa hna le an phun cio lu hna kha le Israel mi an pale innchungkhar hna hruitu cio hna kha, David khua a simi Zion in Bawipa biakamnak kuang cu hun chuahpi awkah Jerusalem khua ah a pumh hna.

SALM 122:5

Cuka ah cun David chung bawiṭhutdan hna cu, an hun hna.

SALM 132:13

Zeicahtiah Bawipa nih Zion cu aa thim cang i khika ah a umnak inn kha ser a duh.

SALM 2:6

Aa thawh i, “Zion ka tlang thiang cungah ka siangpahrang cu ka chiah cang,” a ti.

SALM 48:2

Pathian tlang Zion cu a sang i aa dawh; a liannganmi siangpahrang khuapi nih vawlei cung vialte kha lawmhnak a pek hna.

SALM 78:68

Judah phun tu kha a thim i a duh ngaingaimi Zion Tlang tu kha a thim.

SALM 87:2

Jerusalem khua cu, Israel ram chung i hmun dang vialte nakin a dawt deuh.

SALM 87:5

Zion kong ah cun, miphun vialte kha Zion ta an si dih ti a si lai i Cungnung Bik nih a ṭhawnter lai.

SALM 9:11

Zion ah a ummi Bawipa cu hla in thangṭhat u, a tuahmi thil kha miphun kip chim hna u.

ROM 9:33

Cathiang nih, “Zohhmanh, Zion ah mi a tluktertu ding lung pakhat ka chiah, Cu lung nih cun a rilhter hna lai. Sihmanhsehlaw amah a zummi cu ningzahnak an phan lai lo,” tiah a rak chimmi bang khan a si.

HEBRU 12:22

Sihmanhsehlaw nannih nih nan phakmi tlang cu Zion Tlang le Pathian nung khualipi van Jerusalem, vanmi a thongthong in an umnak kha a si.

BIAPHUAN 14:1

Khua ka hun zoh i Zion Tlang i Tuufa a dir ko kha ka hmuh; a sinah cun mi sing khat sang li le thong li an um i cu hna cu an cal i amah min le a Pa min khenhmi kha an si.

BIACEIHTU 19:10

Sihmanhsehlaw mipa nih zan riah cu a duh ti lo; a tho i a kal i Jebus (cucu Jerusalem) ral kha a phan. A dan danhmi laa tuah khat kha aa ngeih hna i a nuchun zong kha a sinah cun a um.

1 SAMUEL 17:26

Cun David nih a pawng i a dirmi hna cu, “Hi Filistin mipa a that i hi thangchiatnak Israel mi sinin a ṭhialtu cu, a cungah zeitindah tuah a si hnga? Hi cuarpartan lomi Filistin mipa hi aho rialmal dah a hei si i Pathian nung ralkapbu a hei zawmhtaih hna hnga cu!” tiah a ti.

1 SAMUEL 17:36

Na salpa nih hin chiandeih si hna seh, vom si hna seh, ka thah hna; cun hi cuarpartan lomi Filistin mipa hi anmah lak i pakhat cu a si ve lai, Pathian nung ralkapbu hna a zawmhtaih hna caah hin,” tiah a ti.