1 CHANRELNAK 11:3 - Lai (Hakha) Common Language Bible 2006

³ Cucaah Israel mi upa vialte kha siangpahrang sinah cun Hebron ah khan an ra; cun David nih annih he cun Bawipa hmaiah Hebron ah khan biakamnak a ser i annih nih Samuel sinin Bawipa bia a rami ning khan, David cu Israel mi siangpahrang ah chiti an thuh.

1 CHANRELNAK 11:3 ပူးပေါင်းရင်းမြစ်များ

2 SAMUEL 2:4

Cun Judah mi kha an ra i khika ah David cu Judah hrin siangpahrang caah chiti an thuh. David kha, “Saul a vuitu cu Jabesh-gilead mi an si,” tiah an chimh tikah,

2 SAMUEL 5:3

Cucaah Israel upa vialte cu siangpahrang sinah cun Hebron ah khan an ra i Siangpahrang David nih Bawipa hmaiah Hebron ah khan anmah he biakamnak a ser i annih nih David cu Israel mi cung i siangpahrang ah chiti an thuh.

2 SAMUEL 5:5

Hebron ah Judah mi kha kum sarih le thla ruk a pen hna; cun Jerusalem ah Israel mi vialte le Judah mi vialte kha kum sawm thum le kum thum a pen hna.

2 SIANGPAHRANG 11:17

Cun Jehoiada nih Bawipa le siangpahrang le mi zapi karlak ah cun, annih cu Bawipa mi an si nakhnga biakamnak a ser i siangpahrang le mizapi karlak zongah khan a ser fawn.

2 SIANGPAHRANG 23:30

Cun Megiddo khan amah cu a sinum hna nih a thi cia in rangleng in Jerusalem ah an kalpi i amah thlante ah khan an vui. Cun rammi nih khan Josiah fapa Jehoahaz cu an lak i chiti an thuh i a pa hmun ah khan siangpahrang ah an ser.

1 CHANRELNAK 11:10

Mah hna hi David miṭhawng hna upa bikbik cu an si, Israel mi kong i Bawipa bia ning khan, amah kha siangpahrang i ser awkah Israel mi vialte hna he hmunkhat ah a pennak chungah khan fak piin an bawmh.

2 CHANRELNAK 23:3

Cun aa pummi vialte nih siangpahrang he Pathian inn chungah khan biakamnak an tuah. Cun Jehoiada nih a thawh hna i, “Zohhmanh u, siangpahrang fapa hi! Bawipa nih David fapa hna kong ah a chim bantuk khan amah hi ukter ko u.

BIACEIHTU 11:11

Cucaah Jepthah cu Gilead upa hna sinah cun a kal i mizapi nih cun an lu le an hruitu ah an ser; cun Jepthah nih a bia vialte cu Bawipa hmaiah Mizpah ah a chim.

1 SAMUEL 11:15

Cucaah mi vialte cu Gilgal ah an kal i khika ah, Gilgal khua ah cun, Saul cu Bawipa hmaiah siangpahrang ah an ser. Khika ah Bawipa hmaiah daihnak thawinak kha an thawi i khika ah Israel mi vialte le Saul cu a tampi an i lawm.

1 SAMUEL 15:28

Cun Samuel nih amah cu, “Bawipa nih Israel pennak cu nangmah sinin nihin ah hin a thleh cang i nangmah nakin a ṭha deuhmi na innpa sinah khan a pek cang.

1 SAMUEL 16:1

Bawipa nih Samuel sinah cun, “Israel mi hna cung i siangpahrang a sinak in ka hlawt na hmuhmi Saul kong ah hin zei can dah ngaihchia in na um lai? Na ki ah khan chiti rawn law, va kal tuah; nangmah cu Bethlehem khuami Jesse sinah kan thlah lai, zeicahtiah amah fapa hna lakah siangpahrang ca i kaa thimmi a um cang,” tiah a ti.

1 SAMUEL 16:3

Cun Jesse kha raithawinak ah cun va sawm law, nangmah nih zeidah na tuah awk a si kha kan hmuhsak lai; cun a min kan chimhmi kha nangmah nih chiti cu na ka thuhpiak lai,” tiah a ti.

1 SAMUEL 23:18

Cun an pahnih in Bawipa hmaiah biakamnak an ser; David cu Horesh ah khan a rung um i Jonathan cu inn ah a tlung.

1 SAMUEL 28:17

Keimah in Bawipa nih a chim bantuk khan na cungah a tuah cang; zeitintiah Bawipa nih pennak cu na kut chungin an chuh i na innpa David kha a pek cang.