1 CHANRELNAK 11:22 - Lai (Hakha) Common Language Bible 2006

²² Jehoiada fapa Benaiah cu Kabzeel khuami miralṭha, thil lianngan a tuahtu a si; amah nih Moab ariel pahnih a thah hna. Cun hawhra a tlak ni ah khan a vung kal i chiandeih pakhat zong khor chungah a thah fawn.

1 CHANRELNAK 11:22 ပူးပေါင်းရင်းမြစ်များ

2 SAMUEL 1:23

Saul le Jonathan, duh a nung i aa dawhmi hna, nunnak ah siseh thihnak ah siseh an i ṭhen lo; muvanlai nakin an khul a rang, chiandeih nakin an ṭhawng.

2 SAMUEL 20:23

Joab cu Israel ralkap vialte haotu a si; Jehoiada fapa Benaiah cu Khereth mi le Peleth mi haotu a si;

2 SAMUEL 8:18

cun Jehoiada fapa Benaiah cu Khereth mi hna le Peleth mi hna cung i haotu a si i David fapa hna cu tlangbawi an si.

1 SIANGPAHRANG 1:38

Cucaah tlangbawi Zadok, profet Nathan le Jehoiada fapa Benaiah le Khereth mi hna le Peleth mi hna kha an vung kal i Solomon cu David Siangpahrang laa cungah khan an citter i Gihon ah an ratpi.

1 SIANGPAHRANG 1:8

Sihmanhsehlaw tlangbawi Zadok le Jehoi-ada fapa Benaiah le profet Nathan le Shimei le Rei le David miṭhawng hna nih khan cun Adonijah kha an ṭanpi lo.

1 SIANGPAHRANG 2:30

Cucaah Benaiah cu Bawipa thlam ah khan a ra i amah kha, “Siangpahrang nawl a si, ‘Ra chuak tuah,” tiah a ti. Sihmanhsehlaw anih nih, “Si hlah, hika ah hin thi ko ning,” tiah a ti. Cu tikah Benaiah nih siangpahrang sinah cun bia a hei kalpi ṭhan i, “Cu bantukin Joab nih a chim i cu bantukin ka leh,” tiah a ti.

1 CHANRELNAK 11:21

Amah cu sawm thum hna lakah khan cun min thang bik a si i an haotu ah a cang, sihmanhsehlaw pathum hna kha cu a khingkhang hna lo.

1 CHANRELNAK 12:28

A ṭhawng i a ral a ṭhami tlangval Zadok le amah a pa innchungkhar chungin haotu pakul le pahnih.

1 CHANRELNAK 12:8

Gad mi hna chungin a ṭhawng i a thiam ngaingaimi ralkap hna, phaw hman le fei hman a thiam ngaingaimi, an hmai chiandeih hmai a lo i tlang cung sazuk bantukin a mar a zaangmi hna kha David sinah ramlak i ralhruang ah khan an va kal.

JOSHUA 15:21

Edom ramri leiah thlanglei bik ah Judah phun i an khua hna cu mah hihi an si: Kabzeel, Eder, Jagur,