1 CHANRELNAK 11:20 - Lai (Hakha) Common Language Bible 2006

²⁰ Cun Joab unau Abishai kha sawm thum hna lak i haotu bik cu a si. Cun mi za thum hna cungah fei a hman i a thah hna i pathum hna sinah khan a thang aa chuah ve.

1 CHANRELNAK 11:20 ပူးပေါင်းရင်းမြစ်များ

2 SAMUEL 18:2

Cun David nih ralkapbu cu a thlah hna, cheu thum cheu khat cu Joab nih a hrui hna, cun cheu thum cheu khat nolh cu Zeruiah fapa Joab unau Abishai nih khan a hrui hna i a dang cheu thum cheu khat cu Git mi Ittai nih khan a hrui hna. Cun siangpahrang nih mi cu a thawh hna i, “Keimah hrimhrim zong nan sinah ka kal ve lai,” tiah a ti.

2 SAMUEL 2:18

Cun khika ah Zeruiah fapa pathum, Joab, Abishai le Asahel hna kha an um ve. Asahel cu ramlak sazuk bangin a mumi a si;

2 SAMUEL 20:6

Cun David nih Abishai kha a thawh i, “Bikhri fapa Sheba nih hin Absalom nakkhan harnak tam deuh a kan pek lai; na bawipa ka sinum hna hi i kalpi hna law va dawi, cu ti a si lo ahcun, kulhmi khua hawi hna ah a lut lai i harnak a kan pek sual lai,” tiah a ti.

2 SAMUEL 21:17

Sihmanhsehlaw Zeruiah fapa Abishai nih khan amah cu a ra zuanhnawh i Filistin mi kha a tuk i a thah. Khi tikah David cu a mi hna nih khan, “Raltuknak hmun ah kan sinah na kal ti lai lo, Israel mei inn kha na hmih sual hnga,” tiin amah cu chiat an serter.

2 SAMUEL 3:30

Cuticun Joab le a unau Abishai nih Abner kha an thah, zeicahtiah amah nih khan Gibeon i raltuknak hmun ah khan an unau Asahel kha a rak thah.

1 CHANRELNAK 11:19

“Hi mi hna nunnak thi hi ka din ko hnga maw? Zeitintiah annih nih thih le thih ti in an rak putmi a si,” tiah a ti. Cucaah cun din cu a duh lo. Mah thil hna cu miṭhawng pathum hna nih khan an tuah.

1 CHANRELNAK 11:21

Amah cu sawm thum hna lakah khan cun min thang bik a si i an haotu ah a cang, sihmanhsehlaw pathum hna kha cu a khingkhang hna lo.

1 CHANRELNAK 2:16

an farle hna cu Zeruiah le Abigail an si. Zeruiah fapa hna cu: Abishai, Joab, le Asahel, pathum an si.

1 SAMUEL 26:6

Cun David nih Hit mi Ahimelek le Joab unau Abishai, Zeruiah fapa, sinah khan, “Ahodah riahhmun chungah khin, Saul sinah khin, a vun ka zul lai?” tiah a ti. Cun Abishai nih, “Keimah nih kan zulh lai,” tiah a ti.