1 CHANRELNAK 11:2 - Lai (Hakha) Common Language Bible 2006

² Kan hnulei caan, Saul siangpahrang a si lio hmanh ah khan, Israel mi a chuahpitu le a luhpitu cu nangmah na si; cun Bawipa na Pathian nih nangmah cu, ‘Ka mi Israel mi hna cungah tuukhal na si lai i ka mi Israel mi hna cungah bawi na si lai,’ an ti,” tiah an ti.

1 CHANRELNAK 11:2 ပူးပေါင်းရင်းမြစ်များ

2 SAMUEL 5:2

kan hnulei caan, Saul kan siangpahrang a si lioah khan, Israel mi a chuahpitu le a luhpitu cu nangmah na si; cun Bawipa nih nangmah cu, ‘Nangmah cu ka mi Israel mi hna tuukhal na si lai i Israel mi hna bawi na si lai,’ an timi kha na si,” tiah an ti.

2 SAMUEL 7:7

Israel mi vialte he kaa chawhnak hmun dihlak ah, ka mi Israel mi hna kha zohkhenh awk i nawl ka pekmi Israel mi biaceihtu hna aho sin tal ah, “Zeicahdah sidar inn na ka sakpiak lo?” tiah bia kaa khat tal ka chim maw?’ a ti tiah va chim.

1 SIANGPAHRANG 14:7

Va kal law Jeroboam kha, ‘Hi bangin Bawipa, Israel Pathian nih, “Nangmah cu mi zapi hna lakin kan hlorh i ka mi Israel mi hna hruaitu ah kan ser i

1 SIANGPAHRANG 3:9

Cucaah na mi hi uk khawhnak caah a ṭha le a chia kha ka thleidan khawh nakhnga, na salpa hi hngalhthiamnak lungthin ka pe tuah; zeicahtiah, aho nih dah hi na miphun ngan hi a uk khawh hna lai?” tiah a ti.

SALM 78:71

Amah cu Israel siangpahrang ah a ser, Pathian mi hna tuukhal ah a ser.

ISAIAH 40:11

A tuurun kha tuukhal nih an tuu an zohkhenh hna bangin a zohkhenh hna lai; tuufa tete kha a pumh hna lai i a kut in a cawi hna lai; an nule kha nem tein a hruai hna lai.

ISAIAH 55:4

Amah cu miphun tampi hruaitu le uktu ah ka ser i amah thawngin ka lianhngannak kha ka langhter.

JEREMIAH 3:15

Cun ka lung a ka tongmi tuukhal kan pek hna lai i Fimnak le hngalhthiamnak in an in cawm hna lai.

MIKAH 5:2

Sihmanhsehlaw Bethlehem Efrath, nangmah cu Judah ram chungah a hme bik khua hna lakah naa tel ve nain, Nangmah chungin Israel uktu a chuak lai. Amah a hram cu kan hnuleipi caan, a luan cangmi caan chungah khan a um cangmi a si.

MIKAH 5:4

Amah cu a hung chuah tikah Bawipa ṭhawnnak thawngin le Bawipa a Pathian min lianngan thawngin Annih cu tuukhal bantukin a khalh hna lai. A lianhngannak nih khan vawlei deng tiang a phak lai caah annih cu him tein khua an sa lai,

NAMBAR 27:17

an hmaiah a kal ding le an hmaiah a ra ding le, a chuahpitu hna le a luhpitu hna ah chia ko seh; Bawipa mibu cu tuukhal ngei lo tuu hna bantukin an si nakhnga lo,” tiah a ti.

MATTHAI 2:6

Judea ram ummi Bethlehem khua, Nangmah cu Judah ram khuapi hna lakah a hme bik na si naisai lo; Zeicahtiah nangmah chung hin hruaitu pakhat, ka mi Israel mi hna tuukhal a si dingmi cu a chuak lai,” a ti.

JOHAN 10:4

An dihlak in a chuah dih hna tikah an hmai in a kal i a aw kha an hngalh caah tuu nih cun an zulh.

1 SAMUEL 16:1

Bawipa nih Samuel sinah cun, “Israel mi hna cung i siangpahrang a sinak in ka hlawt na hmuhmi Saul kong ah hin zei can dah ngaihchia in na um lai? Na ki ah khan chiti rawn law, va kal tuah; nangmah cu Bethlehem khuami Jesse sinah kan thlah lai, zeicahtiah amah fapa hna lakah siangpahrang ca i kaa thimmi a um cang,” tiah a ti.

1 SAMUEL 16:13

Cun Samuel nih a chiti rawnnak ki cu aa lak i amah cu a unau hna lakah cun a toih; cun Bawipa thlarau cu cu ni thawk in fak piin David cungah a tlung. Cun Samuel cu a tho i Ramah ah a kal.

1 SAMUEL 18:13

Cucaah Saul nih amah sin khan a ṭhial i thong khat haotu ah a ser i mi zapi hmaiah khan a chuak a lut lengmang.