1 CHANRELNAK 11:16 - Lai (Hakha) Common Language Bible 2006

¹⁶ Cu lioah cun David cu ralhruang chungah a um i Filistin mi ralvengtu ralkap hna cu Bethlehem ah an um.

1 CHANRELNAK 11:16 ပူးပေါင်းရင်းမြစ်များ

2 SAMUEL 5:17

Filistin mi nih David kha Israel siangpahrang ah chiti thuh a si cang tiah an theih tikah, Filistin mi vialte nih David kha kawl awkah an hung kal; sihmanhsehlaw mah cucu David nih a theih i ralhruang ah khan a vung kal.

1 CHANRELNAK 11:17

Cun David nih ti kha a ngai ruangmang i, “Bethlehem tikhor, hauka pawng i a ummi ti kha din awkah a ka petu hei um hna seh law, ka hei duh hnga dah,” tiah a ti.

SALM 142:1

Bawmhnak hmuhduh ah Bawipa cu ka auh i amah cu ka nawl.

1 SAMUEL 10:5

Cu hnuah cun Filistin ralveng ralkapbu umnak Gibeath-elohim cu na va phan lai; cun cuka ah cun, khua chung i na va luh lioah khin tingtang le khuangte le thonglawi le ruakhuang he khuahrum bo in a rung ṭummi profet bu khat, a holh cukmak len komi, na ton hna lai.

1 SAMUEL 13:23

Cun Filistin mi ralveng ralkapbu cu Mikmash i va lanhnak fiang ah khan an va kal.

1 SAMUEL 13:4

Cun Israel mi vialte nih khan, Saul nih Filistin ralveng ralkapbu kha a tei hna ti le Israel mi cu Filistin mi hna huat kan phor cang ti zong kha an theih. Cun mi hna cu Saul kha Gilgal i hei fonh awkah an auh hna.

1 SAMUEL 22:1

Cun David cu cuka cun a chuak i Adullam lungkua ah khan a zam; cun a unau hna le a pa innchungkhar vialte nih an theih tikah, khika ah amah sinah cun an vung kal.

1 SAMUEL 22:4

Cun Moab siangpahrang sinah cun a chiahtak hna i David cu ralhruang chung i a um chung vialte, a sinah cun an rak um.

1 SAMUEL 22:5

Cun profet Gad nih David cu, “Ralhruang chungah um ti hlah, va kal law, Judah ram chungah va lut tuah,” tiah a ti. Cucaah David cu a kal i Hereth tupi chungah khan a lut.

1 SAMUEL 23:25

Cun Saul le a mi hna cu amah kawl awkah khan an kal. Cun David cu an chimh; cucaah Maon ramlak i a ummi lungpi ah khan a vung kal. Cun mah cucu Saul nih a theih tikah, Maon ramlak ah cun David kha a dawi lengmang.