1 CHANRELNAK 11:10 - Lai (Hakha) Common Language Bible 2006

¹⁰ Mah hna hi David miṭhawng hna upa bikbik cu an si, Israel mi kong i Bawipa bia ning khan, amah kha siangpahrang i ser awkah Israel mi vialte hna he hmunkhat ah a pennak chungah khan fak piin an bawmh.

1 CHANRELNAK 11:10 ပူးပေါင်းရင်းမြစ်များ

2 SAMUEL 3:21

Cun Abner nih David sinah, “Ka va kal lai i siangpahrang bawipa sinah khan, Israel mi vialte cu ka pumh hna lai. Nangmah he biakamnak an ser lai i na lung duhmi a rak si bang khan na uk hna lai,” tiah a ti. Cucaah David nih Abner cu a kalter i daihnak in a kal.

1 CHANRELNAK 11:3

Cucaah Israel mi upa vialte kha siangpahrang sinah cun Hebron ah khan an ra; cun David nih annih he cun Bawipa hmaiah Hebron ah khan biakamnak a ser i annih nih Samuel sinin Bawipa bia a rami ning khan, David cu Israel mi siangpahrang ah chiti an thuh.

1 CHANRELNAK 12:21

Annih nih David kha ralhranhtu bu hna doh kha an bawmh; zeitintiah annih cu miṭhawng ralṭha an si dih i ralkapbu haotu kha an si.

1 CHANRELNAK 12:23

Bawipa bia ningin, Saul pennak cu David kha pek awkah amah sinah Hebron khua ah a rami hriamnam a ngeimi ralkap hna an i cheuning cu mahtihin a si.

1 CHANRELNAK 12:24

Judah mi phaw le fei aa putmi hna cu hriamnam a ngeimi ralkap thong ruk le za riat an si.

1 CHANRELNAK 12:38

Hi ralkap vialte hna, raldohnak hmun i chuah awkah timh cia tein a ummi hna cu, David kha Israel siangpahrang ah kan ser hrimhrim lai tiah i tim in Hebron ah an ra; cu bantuk ṭhiamṭhiam in Israel mi vialte hna zong cu David kha siangpahrang i ser awkah lungkhat tein an um.

1 CHANRELNAK 12:39

Annih cu David sinah khan ni thum an um i an ei i an ding, zeicahtiah an unau hna nih khan an rak timhtuahpiak hna.

1 CHANRELNAK 27:1

Mah hihi Israel mi, an pale innchungkhar hna lu a si ciomi, a thongthong pawl a uktu hna le a zaza pawl a uktu hna le an bawi pawl hna, a chuak a lut lengmangmi bu pipi hna he aa pehtlaimi rian i thla khat hnu thla khat in kum chuak tiang siangpahrang cu a rian a ṭuanpiaktu hna cazin cu a si, bu khat cu sang hnih thong li an si:

1 CHANRELNAK 28:1

David nih Jerusalem ah Israel mi bawi vialte, an phun chung bawi hna, siangpahrang rian a ṭuanmi ralkapbu bawi hna, a thongthong pawl a haotu hna, a zaza pawl a haotu hna, siangpahrang le a fapa hna i an thilri le saṭil a cawngtu hna kha siangpahrang inn bawi hna le miṭhawng hna le ralkap ṭhawng vialte hna he khan hmunkhat ah a pumh hna.

1 SAMUEL 16:1

Bawipa nih Samuel sinah cun, “Israel mi hna cung i siangpahrang a sinak in ka hlawt na hmuhmi Saul kong ah hin zei can dah ngaihchia in na um lai? Na ki ah khan chiti rawn law, va kal tuah; nangmah cu Bethlehem khuami Jesse sinah kan thlah lai, zeicahtiah amah fapa hna lakah siangpahrang ca i kaa thimmi a um cang,” tiah a ti.