1TIMOTE 6:9 - Lai (Hakha) Common Language Bible 2006

⁹ Sihmanhsehlaw rum a duhmi hna cu tukforhnak chungah khan an tla i ṭih a nungmi le ṭhat lonak a chuahter khotu duhnak nih khan rap foih in a foih hna i cu nih cun rawhralnak ah khan a kalpi hna.

Laibaibal Thiang (BSI)

⁹ Asinain rum a duh tukmi hna cu tukforh nâk rap chungah an lut i duhnâk sual le hruhnâk thil nih mi a hrawh i chiatnâk le rawhralnâk sual ah mi a pilter tawn;

1TIMOTE 6:9 ပူးပေါင်းရင်းမြစ်များ

1 SIANGPAHRANG 21:6

Cun anih nih, “Jezreel mi Naboth kha, ‘Na mitsur dum kha phaisa in kan cawk ko lai, cun cu ti a si lo le, na duh ahcun a ai ah mitsur dum dang kaan pek lai,’ ka ti i anih nih, ‘Ka mitsur dum cu kan pe lai lo,’ tiah a ka leh caah a si,” tiah a ti.

SALM 11:6

Miṭhalo cungah meiṭil le kaat kha a surter; a alhmi mei in dan a tat hna.

PHUNGTHLÛKBIA 15:27

A hak a kaumi nih a innchungkhar cungah harnak a tlunter, sihmanhsehlaw nawhthuh a duh lomi cu saupi a nung lai.

PHUNGTHLÛKBIA 20:21

Khulrang tuk in hmuhmi chawva cu, a donghnak ah thlua a chuak lai lo.

PHUNGTHLÛKBIA 21:6

Lihchim in hmuhmi chawva cu a zuangmi tikhu le thihnak rap an si.

PHUNGTHLÛKBIA 22:16

Sifak mi hrem cu miaknak a si sawk ko lai, sihmanhsehlaw mirum sin, i ser cu sifahnak a si.

PHUNGTHLÛKBIA 23:4

Rumnak hmuh awkah i hre tuk hlah, ngol awkah fimnak a za ngei tuah.

ISAIAH 5:8

Nan lo cang! Nan ngeih cia ah khan inn thar le lo thar lawng nan i chap chin luaimai ko. Midang caah hmun a dih zau cang lai i ram chungah hin nanmah pi lawng khua nan sa lai.

ZEKHARIAH 11:5

A cawtu hna nih khan an thah hna lai i mawhchiatnak zeihmanh an hmu lai lo; cun a zuartu hna nih khan, “Bawipa cu thangṭhat si ko seh, kan rum cang!” an ti lai. A khaltu tuukhal hna nih khan an cungah zaangfahnak an ngei lai lo.

NAMBAR 31:8

An thahmi hna lakah Midian mi siangpahrang hna, Evi, Rekem, Zur, Hur, le Reba, zong an i tel; Beor fapa Balaam zong nam in an thah.

MATTHAI 13:22

Hling lak i a tlami thlaici cu Vancung Pennak kong kha a theih cu a thei i sihmanhsehlaw hi vawlei cung khuasak tintuknak kong i lungretheihnak le chaw le va duhnak nih cu bia cu a thah i thei a tlai lomi hna kha an si.

MATTHAI 19:22

Cu bia cu tlangval nih khan a theih tikah ngaihchia in a kal, zeicahtiah amah cu mirum ngaingai a si.

MATTHAI 26:15

“Jesuh cu nan kut chung i kan chanh hna ahcun zeidah nan ka pek lai?” tiah a va ti hna. Cucaah ngun tangka sawm thum kha an rel i an pek.

MATTHAI 6:19

“Rungrul le cirik nih an ei khawh i mifir nih an baoh i an fir khawhnak vawlei ah hin nan chaw va khong hlah u.

MARKA 4:19

asinain lungretheihnak le rum duhnak le duhnak dangdang kha an hung chuah tikah, kha hna nih khan Pathian bia cu an ṭemṭawn caah, theipar zeihmanh a ngei lomi kha an si.

LUKA 12:21

Cun Jesuh nih cun a biadonghnak ah, “Hitihin pei anmah ca lawng i chawva a khong cuahmah i Pathian hmuhnak i a rum ṭung lomi cu an si cu,” tiah a ti.

LUKA 21:35

Zeicahtiah cu Ni cu vawlei cung i a ummi vialte hna cungah a tlung dingmi a si.

LAMKALTU 8:20

Sihmanhsehlaw Peter nih cun a leh i, “Pathian laksawng cu phaisa in ka cawk khawh lai tiah na ruah ruangah hin nangmah le na phaisa cu hell ah va tla ko u!

EFESA 4:22

Cucaah nan rak nun tawnning in an nuntertu hna nan mihring hlun kha hlaw u, cu mihring hlun cu pumsa duhnak hlenhmang nih a hrawh lengmang tawnmi kha a si.

DEUTERONOMI 7:25

Suaimi an siasal pathian cu mei in nan khangh hna lai; an hutnak ngun siseh sui siseh nan mit a thi lai lo, nanmah ca zongah nan i lak lai lo, an foih sual hna hnga; zeitintiah mah cucu Bawipa nan Pathian caah fihnung a si.

1TIMOTE 1:9

Sihmanhsehlaw kan hngalh awk cu, nawlbia cu miṭha mi hna caah ser a si lo i nawlbia a buarmi hna le bia ngai duh lomi hna le Pathian zei i a rel lomi hna le misual mi hna le biaknak zei i a rel lomi hna le thlarau lei thil zei i a rel lomi hna le an nu an pa a nawngmi hna le

1TIMOTE 3:7

Khrihfabu lengah a ummi nih an hmaizahmi a si lai, cu bantuk mi a si lo ahcun a thang a chia lai i Satan rap ah aa foih sual lai.

1TIMOTE 6:10

Tangka duhnak hi ṭhat lonak phun kip chuahnak hram a si. Mi a cheu cu tangka ngeih an duh tuk caah zumhnak kha an kaltak i ngaihchiatnak a phunphun an tong.

1TIMOTE 6:17

Vawleicung thil i a rummi kha, nan i porhlawt awk a si lo, cun bochan awk a tlak lomi nan rumnak hi a bo zong nan i bochan awk a si lo, tiah na cawnpiak hna lai. Sihmanhsehlaw kan ca i a ṭha dingah zeizong vialte siang ngaiin a kan petu Pathian kha nan i bochan awk a si, tiah na chimh hna lai.

2TIMOTE 2:26

Cun an lung a hung fim lai i amah duhnak tuah awkah a foih i sal ah a hrengtu hna Khuachia rap khan an luat lai.

TITAS 2:12

Cu Pathian vel nih cun pathian zeirello in kan nun tawnnak le hi vawlei cung pumsa duhnak hlawt kha a kan cawnpiak i hi vawlei cungah hin mah le mah aa uk khomi si awk le ding tein nun le Pathian ṭihzah in um kha a kan forh.

JOSHUA 7:11

Israel nih a sual cang; nawl ka pekmi hna ka biakamnak cu an buar cang; pekchanhmi thil cu tlawmpal an i lak; an fir i lih an chim i an thil sinah an chiah hna.

2 PETER 2:3

Cawnpiaktu hmaanlo hna cu, hakkaumi an si caah, an phuahchommi tuanbia kha an in chimhmi hna cu, nanmah kha zeitindah kan miak khawh hna lai tinak caah a si lai. Sihmanhsehlaw anmah bia a ceihtu hna ding Bawi aa timhnak cu caan saupi a si cang i anmah a Hrawktu hna ding cu aa hlau cang.

JUDAS 1:11

An caah ṭihnung a va si dah! Kain lam kha an zul. Tangka an duh ruangah Balaam nih palhnak a rak tuahmi leiah khan an kal ve. Korah nih Moses a rak doh bantuk khan mi doh an duh ve i amah bantuk khan hrawh an si ve.