1TIMOTE 6:2 - Lai (Hakha) Common Language Bible 2006

² Nan bawile cu a zummi an si ahcun, atu cu unau kan si cang sawk tiin nan serhsat hna lai lo. An rian kha ṭha chinchin tu in nan ṭuanpiak hna lai, zeicahtiah nan ṭuannak thawngin thil ṭha a hmumi hna cu, zumhnak le dawtnak ah nan u le nan nau an si.

Laibaibal Thiang (BSI)

² An hotu le zumtu an si i unau an si ruangah zeirel loin um hna hlah seh, anmah ruang i ṭhathnemnâk hmutu an si caah zumtu le dawtmi an si caah rian ṭuanpiak hna seh. Cucu cawnpiak law tha pe hna.

1TIMOTE 6:2 ပူးပေါင်းရင်းမြစ်များ

JOEL 2:28

“Cun cu hnuah cun, mi vialte kha ka thlarau ka toih hna lai i Nan fapa hna le nan fanu hna nih ka bia kha an chim lai, Nan tar hna nih mang an manh lai i Nan tlangval hna nih langhnak an hmuh lai.

NAMBAR 16:3

Moses le Aaron kha an pumhhnawh hna i annih cu, “Nan luan cang! Mi zapi cu an thiang cio ko i Bawipa cu an lakah a um ve ko. A si kun ahcun zeicahdah Bawipa mibu cungah cun nan i hlorh?” tiah an ti hna.

MATTHAI 23:8

Sihmanhsehlaw nannih cu “saya” ti kha va duh hlah u, zeicahtiah Saya cu pakhat lawng nan ngei i nan dihlak in u le nau nan si.

MATTHAI 25:40

Cun Siangpahrang nih cun, ‘Hihi kan chimh hna: Ka unau pakhatkhat cungah, zeitluk hmanh in sifak le nauta si seh law, nan tuahmi thil paoh hi ka cung i nan tuah a si,’ tiah a leh hna lai.

MATTHAI 6:24

“Ahohmanh bawi pahnih sal nan si kho lai lo; pakhat kha nan dawt deuh lai i pakhat kha nan huat deuh lai; pakhat sinah khan cun zumhawktlak tein nan um lai i pakhat tu kha cu zei ah nan rel lai lo. Pathian le tangka cu an rian nan ṭuan kep kho lai lo.

LAMKALTU 1:15

Cu hnu ni tlawmpal ah khan Jesuh a zummi hna kha an i pum i an dihlak ah za khat le kul tluk an si; cu pumhnak ah cun Peter cu a tho i,

ROM 11:17

Cinmi oliv kung a nge cheukhat cu tan an si i ramlak oliv kung a nge kha cinmi kung ah cun peh a si. Cu bantuk cu nannih Jentail mi hi nan si; atu cu oliv kung a hrampi kha nan i hrawm ve cang.

ROM 8:29

Pathian nih a thim ciami hna cu a Fapa bantuk kha an si naklai, a dang tein a thleidan hna, cucu unau rual tampi lakah a Fapa cu an upa bik a si nakhnga caah a si.

GALATI 5:6

Khrih Jesuh he kan i pehtlaih ahcun cuarpartan cu kan caah sullam zeihmanh a ngei lo, tan lo zong zeihmanh a ngei hlei lo; biapi a simi cu, dawtnak in rian a ṭuanmi zumhnak kha a si.

EFESA 1:1

Pathian duhnak in Khrih Jesuh lamkaltu a simi keimah Paul nih, Efesa khua i a ummi Pathian mi hna, Khrih Jesuh chung i nan nunnak ah zumh awk tlak in khua a sami hna, ca kan kuat hna.

EFESA 1:15

Bawipa Jesuh nan zumhnak le Pathian mi hna nan dawtnak ka rak theih thawkte khan,

EFESA 3:6

Cu biathli cu hihi a si: Thawngṭha thawngin Jentail mi hna nih Judah mi hna sinah khan Pathian thluachuahnak an hmuh ve cang; annih cu pum khat chung nge kha an si cang i Khrih Jesuh in Pathian nih biakamnak a tuahmi ah khan tinvo an ngei ve cang.

KOLOSE 1:2

Pathian duhnak in Khrih Jesuh lamkaltu a simi keimah Paul le kan nau Timote nih ca kan in kuat hna. Pathian kan Pa nih vel le daihnak in pe ko hna seh.

KOLOSE 1:4

Zeicahtiah Khrih Jesuh nan zumhnak le Pathian mi nan dawtnak hna kong kha kan rak theih.

KOLOSE 4:1

Bawile hna, nan sal pawl cungah ding te le dawh tein khuasa u. Vancung ah nannih zong Bawi nan ngeih ve kha philh hlah u.

2 THESALON 1:3

U le nau hna, nanmah ruangah Pathian cu a zungzal in kan lawmh. Nannih nan zumhnak kha a ṭhan i pakhat le pakhat nan i dawtnak le midang nan dawt hnanak kha a ngan chinchin caah, cu ti Pathian kan lawmh cu ahmaanmi thil a si.

1TIMOTE 4:11

Hi cawnpiaknak hi cawnpiak chin hna law nan zulh awk a si tiah ti hna.

1TIMOTE 5:1

Tar deuh cu va sica hna hlah. Na pa bantukin a lem tu in va lem hna. A no deuhmi kha na unau bantuk ah rel hna,

TITAS 2:1

Sihmanhsehlaw nang nih cun cawnpiaknak a ṭhami kha na cawnpiak hna lai.

TITAS 2:15

Hihi cawnpiak hna law thazang na pek hna le na chimhhrin hna tikah na nawlngeihnak kha fak piin hmang. Ahohmanh i zohchukter hna hlah.

TITAS 3:8

Hi bia hi biatak a si. Hi bia hi biapi in na rak lak hna awkah ka duh. Pathian a biami nih cun hmaizah awk tlak a simi rian kha ṭuan hna seh law, cu rian cu anmah caah hmaizah awk tlakmi rian a si ti lawng si loin an minung hawi ca zong i a ṭhahnemmi rian a simi kha si hna seh.

HEBRU 3:1

Pathian nih a kawh vemi Khrihfa u le nau hna, kan i lakmi phung ca i Tlangbawi Ngan si awkah Pathian nih a thlahmi Jesuh kong kha ruat hmanh u.

HEBRU 3:14

Zeicahtiah a hramthawk tein ralṭha ngaiin kan rak zumhmi kha fek tein a dongh tiang kan i tlaih ahcun, kan dihlak in Khrih hawi kan si dih zungzal lai.

1 PETER 5:1

Khrihfa upa hna, kei zong Khrihfa upa ka si ve bantukin kan nawl hna. Khrih nih temhnak a inmi tehte pakhat ka si ve i a lang laimi sunparnak zongah kaa tel ve lai.

2 PETER 2:10

Cu hna cu an pumsa duhnak fihnung a zul i Pathian zei i a rel lomi kha an si khun. Hi cawnpiaktu hmaanlo hna hi an ral a ṭha i an i porhlaw; cunglei van i a ummi hna kha zei ah an rel hna lo; an serhsat lehlam hna.

JUDAS 1:8

Atu kan caan i a ummi hna zong cu, cu bantuk cu an si ve. An mang nih khan anmah pum lila cungah a sualter hna; Pathian nawlbia kha zei ah rel loin a umter hna i vancungmi kha a serhsatter hna.