1TIMOTE 6:17 - Lai (Hakha) Common Language Bible 2006

¹⁷ Vawleicung thil i a rummi kha, nan i porhlawt awk a si lo, cun bochan awk a tlak lomi nan rumnak hi a bo zong nan i bochan awk a si lo, tiah na cawnpiak hna lai. Sihmanhsehlaw kan ca i a ṭha dingah zeizong vialte siang ngaiin a kan petu Pathian kha nan i bochan awk a si, tiah na chimh hna lai.

Laibaibal Thiang (BSI)

¹⁷ Tuchan mirum hna nih an rumnâk kha porhlawtnâk i hmanglo ding le bochan awk a tlâk lomi chawva an i bochan nâkhnga lo le thil vialte kan i lawmhnâk dingah a kan petu Pathian kha i bochan dingin chimhring hna.

1TIMOTE 6:17 ပူးပေါင်းရင်းမြစ်များ

GENESIS 13:2

Abram cu mi rum ngaingai a si, tuu tampi a ngei, meheh tampi a ngei, caw tampi a ngei i sui le ngun zong tampi a ngei.

2 CHANRELNAK 26:16

Sihmanhsehlaw a hung ṭhawn tikah aa rawknak dingah a hun i porhlaw. Bawipa a Pathian sinah zumhtlak loin a um i zihmui biakṭheng i zihmui khangh awkah khan Bawipa biakinn ah cun a lut.

SALM 104:28

Nang nih na pek hna i an ei, rawl cu na pek hna i an khim,

SALM 52:7

“Himnak hmuhnak caah Pathian aa bochan lomipa hi zohhmanh u, Pathian kha i bochan loin a rumnak pi tu kha aa bochan i a ṭhat lonak tu ah khan himnak a um, tiin a ruah,” an in ti lai.

SALM 62:10

Zaangṭhawnnak le puarhrannak hi i bochan hlah u, mi thil chuh khawh hi i ruahchan hlah u; na rumnak hi karh lengmang hmanh seh law i bochan hlah.

SALM 62:8

Ka mi hna, Pathian cu i bochan zungzal u! Amah cu kan himnak a si caah nan harnak vialte kha chim dih u.

PHUNGTHLÛKBIA 11:28

A rumnak kha aa bochanmi cu a ṭil lai, sihmanhsehlaw miding cu thinghnah hring bantukin an hninghno lai.

PHUNGTHLÛKBIA 23:5

Na tangka cu mitṭhep ah an lo kho ko, Thla kha i serh duak in mupi bangin an zuang kho ko.

PHUNGTHLÛKBIA 27:24

Zeicahtiah rumnak hi zungzal in a hmun lo i Bawi luchin zong hi chan vialte tiangin a hmun kho lai lo.

PHUNGTHLÛKBIA 30:9

Zeicahtiah tam tuk ka ngeih ahcun kan hlawt sual lai i, “Bawipa cu aho hen dah a si?” ka ti sual lai; ka si a fah ahcun ka fir sual lai i ka Pathian min cu ka thurhhnawmh sual lai.

PHUNGCHIMTU 2:24

Minung nih hin a ṭha bik a tuah khawhmi cu zeidah a si ti ahcun, ei i din i a hmuhmi paoh kha i nuamhpi hi a si ko. Asinain mah zong hi Pathian kut in a rami a si kha ka hngalh;

JEREMIAH 2:31

Israel mi cungah hin tlun inn donh hmang maw ka si? Ram car le ti um lonak hmun bantuk maw ka si? A si kun ahcun zeicahdah ka mi hna nih hin, ‘Kan i ṭhen cang, na sinah kan ra ti lai lo,’ an ti?

JEREMIAH 49:4

Nannih ṭhawnnak a dong cuahmahmi hna, Zeicahdah nan ṭhawnnak cu nan i porhlawt len ko? Nannih mah hriamnam aa bochanmi lamtlaumi hna, Zeicahdah nan hriamnam cu nan i bochan i ‘Ahohmanh nih an kan tu ngam lai lo,’ nan ti?

EZEKIEL 16:56

Naa porhlawt khawh lioah khan cun na unau nu Sodom kong kha tampi na thei in tampi na chim lo mei kha.

DANIEL 4:30

“Mah hihi a liannganmi Babilon, keimah nih siangpahrang umnak caah keimah ṭhawnnak a nganmi le keimah upatnak langhternak caah ka sermi a si lo maw?” tiah a au.

HOSEA 13:6

Sihmanhsehlaw ram ṭha chungah khan nan vung luh tikah nan paw a khim, nan thi a hnim i nan i porhlaw i nan ka philh.

MATTHAI 12:32

Mi Fapa ralchanh in bia ṭhalo a chimmi cu ngaihthiam khawh an si ko lai; sihmanhsehlaw Thiang Thlarau ralchanh in bia ṭhalo a chimmi cu tu chan ah siseh, hmailei chan ah siseh, ngaihthiam khawh an si lai lo.

MATTHAI 19:23

Jesuh nih a zultu cu a thawh hna i, “Vancung Pennak chung luh hi mirum caah cun a har ngaingai lai, tiah kan chimh hna.

MATTHAI 25:16

Thong nga a hmumi sal nih khan cu tangka cun chaw a let zau i a dang thong nga a miak a hmuh.

MATTHAI 27:57

Zanlei sang a si tikah khin Arimathea khua mirumpa pakhat a ra phan. A min cu Josef a si i amah zong cu Jesuh zultu pakhat a si ve.

MATTHAI 6:32

(Hi thil hna cu Pathian bia lomi hna nih an lungre an i theihpi zungzalmi pei an si cu.) Vancung khua i a ummi nan Pa nih hi thil vialte cu nan herh dih hna ti kha a hngalh ko.

MARKA 10:24

Cu a chimmi bia an theih tikah a zultu hna cu an khuaruah a har ko. Asinain Jesuh nih a thawh ṭhan hna i, “Ka fale hna, Pathian Pennak chung luh hi zeitluk in dah a har!

LUKA 19:2

Cuka ah cun ngunkhuai khawltu upa bik pakhat a min Zakia a simi a rak um i amah cu mirum a si.

LUKA 3:11

Anih nih, “Angki pahnih a ngeimi nih a ngei lomi kha pakhat ṭhen seh, cun rawl a ngeimi nih a ngei lomi kha hrawm seh,” a ti.

LAMKALTU 14:17

Sihmanhsehlaw amah a um kha thil ṭha a tuahmi in a langhter zungzal ko: van in ruah an pek hna i a caan hmaan te ah thlaiti an pek hna; rawl kha an pek hna i lunglawmhnak in an khahter hna,” tiah a ti.

LAMKALTU 14:27

Antiok khua an phak tikah khrihfabu kha an pumh hna i Pathian nih anmah thawngin a tuahmi thil vialte kha an chimh hna i Jentail mi zong nih an zumh ve nakhnga an caah lam a hun ti kha an theihter hna.

LAMKALTU 17:25

Cuhleiah Pathian cu minung kha nunnak le thaw le zeizong vialte a petu a si caah minung nih an tuahpiak khawhmi kha a herhmi pakhat hmanh a um lo.

ROM 11:20

Cucu ahmaan ko. Annih cu an zumh lo ruangah khiah an si, nannih cu nan zumh ruangah nan umnak hmun ah nan um. Sihmanhsehlaw cu kong ah nan lung puam sual hlah u; a ṭih in ṭih lehlam u.

EFESA 5:5

Hihi fiang tein i theih u: nu le pa sualnak a tuahmi le dawhcah loin khua a sami le a hak a kaumi cu Khrih Pennak chung le Pathian Pennak chungah covo zeihmanh an ngei lai lo (hakkauh hi siasal biak phun khat a si).

DEUTERONOMI 33:15

Hlan liopi in a ummi tlang hna nih an vuimi thil ṭha bik hna le, Zungzal in a hmunmi tlang hna i theitlai tampi hna le,

DEUTERONOMI 8:17

Nan lung chungin, ‘Keimah ṭhawnnak le ka kut thazang nih hi chawva hi an ka pek,’ tiah nan ti sual nakhnga lo, i ralring tuah u.

KOLOSE 3:16

Khrih bia cu nan chungah tam piin a fimnak he khan um seh. Fimnak in pakhat le pakhat i chim u law i cawnpiak u. Thangṭhatnak hla, Pathian biaknak hla le hla thiang kha sa hna u; Pathian kha lawmhnak in hla in thangṭhat u.

1THESALON 1:9

anmah tu nih khan nanmah kan in tlawn hna ah khan zeitindah nan kan conglawmh ti kha an chim ko.

1TIMOTE 1:3

Masidonia ram lei ka rak kalpah i ka rak in fial bantuk khan, Efesa khua ah um law ti ka duh. Efesa khua ah khan, cawnpiaknak hmaanlo a cawnpiaktu hna an um i kha hna kha ngolter kho hna law ti ka duh.

1TIMOTE 3:15

Sihmanhsehlaw ka tlai sual a si ahcun hi ca nih hin zeitindah Pathian innchungkhar chungah kan umtu kan ziaza a si awk a si ti kha an chimh lai; Pathian innchungkhar cu a nungmi Pathian Khrihfabu, biatak a dirkamhtu le biatak i a tungpi kha a si.

1TIMOTE 4:10

Cu ruangah cun sifahnak kan in le fak piin rian kan ṭuan hi a si. Kannih nih kan i ruahchannak cu mi vialte khamhtu a si i a nungmi Pathian cungah khan kan bunh i cu a nungmi Pathian cu a zummi hna khamhtu kha a si khun.

1TIMOTE 5:21

Pathian le Khrih Jesuh le a thiangmi vancungmi hmaika ah, zei thil paoh na tuah tikah aho cung hmanh ah duhdanhnak zeihmanh um loin na tuah nakhnga hi cawnpiaknak hi va zul ko tiah kan nawl.

1TIMOTE 6:13

Zeizong vialte nunnak a petu Pathian le Pontius Pilat hmaika ah aa phuangmi Khrih Jesuh hmaiah nangmah cu hitihin nawl kan pek.

1TIMOTE 6:9

Sihmanhsehlaw rum a duhmi hna cu tukforhnak chungah khan an tla i ṭih a nungmi le ṭhat lonak a chuahter khotu duhnak nih khan rap foih in a foih hna i cu nih cun rawhralnak ah khan a kalpi hna.

2TIMOTE 4:10

Demas cu tu chan vawlei he an i duh i a ka zamtak ai; Thesalonika khua ah a kal cang. Kresen cu Galati ram ah a kal i Titas cu Dalmatia ram ah a kal.

TITAS 2:12

Cu Pathian vel nih cun pathian zeirello in kan nun tawnnak le hi vawlei cung pumsa duhnak hlawt kha a kan cawnpiak i hi vawlei cungah hin mah le mah aa uk khomi si awk le ding tein nun le Pathian ṭihzah in um kha a kan forh.

TITAS 3:6

Jesuh Khrih kan khamhtu thawngin Pathian nih Thiang Thlarau cu tampi in a kan toih i

2 PETER 1:11

Cuticun kan Bawipa le kan Khamhtu Jesuh Khrih Pennak, zungzal in a hmunmi chungah khan luhnak nawl nan hmu lai.