1TIMOTE 6:12 - Lai (Hakha) Common Language Bible 2006

¹² Zumhnak tlik zuamnak ah hin na tha ngeihmi dihlak in i zuam law zungzal nunnak kha co i zuam. Tehte tampi hmaiah na zumhnak na rak phuan ah khan Pathian nih an kawhnak cu hi nunnak hmuh awk caah hin a rak si.

Laibaibal Thiang (BSI)

¹² Zumhnâk i raldohnâk ṭha kha doh in zungzal nunnâk kha i tlaih, cucu co ding i kawh na si, hngalhpitu tampi mit hmuh ah zumhnâk ṭha na phuan cang kha.

1TIMOTE 6:12 ပူးပေါင်းရင်းမြစ်များ

SALM 63:8

Nangmah kha kan tlaihchan i na kut nih him tein an ka umter.

PHUNGTHLÛKBIA 3:18

Amah aa tlaihmi hna caah cun nunnak thingkung a si i amah kha fek tein aa tlaihmi cu him tein an um.

SOLOMON HLA 3:4

Cu hna sin cun tlawm ka liam hnuah, Tong ai ing ee ka tum valpa cu. Zaṭial tlaih in sunghno ka nu sakhnem run toiah, Luhpi lang ṭian ti loin, Semnak ka nu sakhnem run inn dal chungah khin.

ISAIAH 44:5

“Midang zong nih, pakhat hnu pakhat in, ‘Kei cu Bawipa mi ka si,’ an ti lai i Israel mi chungah khan an i fon lai. An ban ah khan Bawipa min hmelchunhnak kha an ser lai i ‘Kei cu Bawipa mi ka si ve,’ an ti lai,” a ti.

ZEKHARIAH 10:5

Annih cu ralkap bantuk an si lai i raltuk hmun lam cet lak i aa nang lenmi bantuk an si lai; Bawipa cu an sinah a um caah an ral kha an tuk hna lai i Rangcung ralkap hna kha ningzak in an hloh hna lai.

2 KORIN 6:7

biatak kan chimnak le Pathian ṭhawnnak nih khan Pathian sal kan sinak cu an langhter fawn. Raldohnak caah siseh, kanmah ralvennak caah siseh kan hmanmi cu dinnak a si.

2 KORIN 9:13

Hi nan tuahmi nih a langhtermi thawng hin, toidor tein a bia nan rak ngaih le Khrih Thawngṭha nan rak i tlaihnak kongah zumh awk tlak tein nan rak um kha an hmuh tikah, Pathian kha an upat lai; cun an herhbaunak bawmhnak ca le zapi ṭhatnak ca i siang ngaiin nan rak thawhmi ruangah khan Pathian cu an lawmh lai.

DEUTERONOMI 26:3

Cu caan lio i rian a ṭuantu tlangbawi sinah cun nan kal lai i amah sinah, ‘Bawipa nih kan pupa hna sinah pek awkin chiat a sermi ram chungah kan lut cang, tiah Bawipa na Pathian sinah nihin ah nangmah cu kan thanh,’ tiah nan ti lai.

FILIPI 1:30

Cucaah i dohnak chungah hin ka sinah nan i tel ve kho lai; hi i dohnak cu, hlan i ka rak dohmi nan rak hmuh cangmi le atu zong i ka doh lengmangmi nan rak theihmi ṭhiamṭhiam hi a si ko.

KOLOSE 3:15

Khrih nih an pekmi hna daihnak kha nan lung chung i biaceihtu ah ser u; zeicahtiah hi daihnak hmuh awkah hin Pathian nih pum khat chung i um awkah an kawh hna. Cun lunglawmhnak in khat u.

1THESALON 2:12

Thazang kan in pek hna, hnangamnak kan in pek hna, a Pennak le a sunparnak i hrawm dingah an autu hna Pathian duhning in nan nun khawhnak hnga kan in forh lengmang hna.

2 THESALON 2:14

Pathian nih an kawhnak hna cu kan in chimhmi hna Thawngṭha kha hmang in a si; cun an kawh hna cu kan Bawipa Jesuh sunparnak i hrawm ve awkah a si.

1TIMOTE 1:18

Ka fa, Timote, hi bantukin mi va chimhhrinnak ding rian hi na kut chungah ka chiah. Hi ka chiahmi cu nangmah kongah rak chimchungmi bia ning khan a si. Kha bia kha raldohnak hriam ah i hman hna law na zumhnak le na lungthin kha fek tein umter hna.

1TIMOTE 1:19

Mi a cheu cu an chiaṭha thleidannak kha zeirello in an um tawn caah an zumhnak kha an rawhter tawn.

1TIMOTE 4:14

Profet hna nih bia an chim i upa hna nih na cung i an kut an chuan tikah na hmuhmi thlarau laksawng kha hlothlau hlah.

1TIMOTE 6:13

Zeizong vialte nunnak a petu Pathian le Pontius Pilat hmaika ah aa phuangmi Khrih Jesuh hmaiah nangmah cu hitihin nawl kan pek.

1TIMOTE 6:19

Cu bantukin an tuahmi cu hmailei an hram fehnak ding ca i ro an i khon a si. Cun nunnak taktak a simi nunnak cu an hmuh khawh lai.

2TIMOTE 1:9

Pathian nih cun amah mi hrimhrim si awkah a kan khamh i a kan auh; cucu kanmah tuahmi ruangah si loin amah nih aa tinhmi le vel a kan ngeih ca ruang tu ah khan a si. Hi a vel cu caan hramthawk hlan in Jesuh Khrih in a kan pek cang,

2TIMOTE 2:2

Tehte tampi hna theih ah ka chimmi bia kha i lak law, midang a cawnpiak kho ve dingmi, na zumhmi hna kha va kenter hna.

2TIMOTE 4:7

Tlik zuamnak ah khan ka tha a dihumnak in ka chuah cang, a dongh tiang khitkhet in ka tli cang, zumhnak kha fek tein kaa tlaih zungzal.

HEBRU 13:23

Kan unau Timote kha thong chungin a chuak cang ti theihter kha kan duh hna. A rat manh ahcun, nanmah tlawn i ka rat tikah ka rak i ratpi lai.

HEBRU 3:14

Zeicahtiah a hramthawk tein ralṭha ngaiin kan rak zumhmi kha fek tein a dongh tiang kan i tlaih ahcun, kan dihlak in Khrih hawi kan si dih zungzal lai.

HEBRU 6:18

Hi thil pahnih, biakamnak le chiatsernak hna hi thlen khawh a si lomi thil an si i hi hna kongah hin Pathian nih a lih a chim kho lo. Cucaah a sin i him tein a ummi kannih nih cun kan hmai i a kan chiahpiakmi ruahchannak kha ralṭha ngaingai in fek tein kan i tlaih.

1 PETER 3:9

Ṭhat lonak kha ṭhat lonak in lehrul hlah u, vawlhpamhnak kha vawlhpamhnak in lehrul fawn hlah u; thluachuah peknak tu in lehrul hna u, zeicahtiah Pathian nih an kawh hna tikah bia an kamhmi hna cu, thluachuahnak kan pek hna lai, ti a si.

1 PETER 5:10

Sihmanhsehlaw caan tlawmpal nan in hnuah cun, velngeihnak in a khatmi Pathian, Khrih he nan i pehtlaihnak thawngin zungzal a hmunmi a sunparnak i hrawm dingin aan kotu hna nih cun tlinnak an pek hna lai i fehnak le thazang le a fekmi hram bunhnak an pek hna lai.

1JOHAN 2:25

Cun cucu Khrih hrimhrim nih kan pek hna lai tiah bia a kan kammi kha a si — zungzal nunnak cu.

JUDAS 1:3

Ka dawtmi ka hawile hna, kan dihlak in kan i hrawmmi khamhnak kong kha ca in, in chim hna ning ti cu ka duh zungzalmi a si. Sihmanhsehlaw atu ah hin, Pathian nih voi khat ah za lak in a mi a pekmi hna zumhnak kha rak ṭanh u, tiah in chimh hna kha a herh hringhran in ka hngalh caah cu kong cu ca in kua loin kan um kho hna lo.

BIAPHUAN 3:3

Cucaah cun zeidah an in cawnpiakmi kha a si ti le zeitindah na rak theih ti kha philh hlah, cucu zul law na sualnak kha mertak hna. Naa hlauh lo ahcun mifir bantukin kaan rathnawh lai i ka rat caan kha a hngalh hmanh na hngal lai lo.

BIACEIHTU 3:2

Israel mi tefa hna nih raldohnak an hngalh nakhnga ca lawng le, cu hlan i raltuk a rak hngal bal lomi hna tei kha raldohnak a cawnpiak hna nakhnga ca lawngah a si.