1TIMOTE 5:5 - Lai (Hakha) Common Language Bible 2006

⁵ Ahohmanh bawmtu a ngei lomi nuhmei, Pathian lawng aa bochan i chunzan in a sinah thla a cammi cu nuhmei taktak a si.

Laibaibal Thiang (BSI)

⁵ Nuhmei tak tak, amah lawng a ummi nih, Pathian lawng â bochan i chunzan hlan in thlacam le nawlnâk donghcat loin a tuah tawn.

1TIMOTE 5:5 ပူးပေါင်းရင်းမြစ်များ

SALM 91:4

A thla in an huh lai i him tein na um lai; zumhawktlak a sinak nih khan an huhphenh lai i him tein an umter lai.

ISAIAH 12:2

Pathian cu ka khamhtu a si; Amah cu kaa bochan lai i ka thin a phang lai lo. Bawipa nih ṭhawnnak le thazang a ka pek, amah cu ka khamhtu a si.

ISAIAH 3:26

Khua kulhnak vampang kutka hna cu zuun ngaiin an ṭap lai i khuapi hrimhrim zong hi, hni lo puan loin vawlei ah a ṭhu komi nu bantuk a si lai.

ISAIAH 49:21

Cun nangmah le nangmah cu, ‘Aho nih dah mah hna hi a ka hrinpiak? Ka fale cu an rak thi cang i fa dang ka ngeih ti ṭung hna lo. Kei cu sal ah pei ka tan cu, mak pei ka si cang cu — hi fale hi aho nih dah a rak zohkhenh hna? Keimahte lawng pei an rak ka nganh kha — hi fale hna hi khuazei in dah an rat hnga?’ naa ti lai,” a ti.

ISAIAH 50:10

Nannih Bawipa a ṭih mi vialte hna, a sal bia a ngaimi vialte hna, nan kalnak lam cu mui ko hmanh seh law Bawipa cu i bochan u law i hngatchan ko u.

ISAIAH 54:1

Jerusalem, nangmah cu fa a ngei lomi nu bantuk na si. Sihmanhsehlaw atu cu hla na sa kho cang i lunglawm in na au kho cang. A va nih a kaltak bal lomi nu nakin fa tam deuh na ngei cang lai.

ṬAHNAK HLA 1:13

Vancung in mei a run thlah i Ka ruh chungah khan a vak dih; Ka ke kha foih awkah sur a phah i Hnulei ah a ka kirter ṭhan; Ṭiaonak tahchunhnak caah a ka ser i Chun nitlak zawtnak in a ka hrem.

LUKA 18:1

Lungdong loin thla nan cam zungzal awk a si, ti cawnpiaknak caah Jesuh nih hi bianabia hi a chimh hna.

LUKA 18:7

Pathian nih tah amah a mi hna chunzan hlan in a sinah bawmh hal awkah a au lengmangmi hna cu thiamcoh loin maw a um hna hnga? Anmah bawmh awkah cun a khul a nuar ko hnga maw?

LUKA 2:37

kum sawm riat le kum li a si cang. Biakinn kha a kaltak bal lo i chun he zan he Pathian kha rawl ulh le thlacam in a biak.

LAMKALTU 26:7

cu ka ruahchanmi cu kan miphun phu hleihnih hna nih Pathian kha chun he zan he an rak biak tikah kan hmuh te lai tiin an rak i ruahchanmi ṭhiamṭhiam kha a si ko. Cu ruahchannak ruangah cun, Bawipa, Judah mi nih sual an ka puh hi a si.

LAMKALTU 6:1

Cu hnu tlawmpal ah cun, zumtu kha an karh chin lengmang tikah, Grik holh a hmangmi Judah mi hna le Judah holh a hmangmi Judah mi hna karlak ah khan siknak a um. Grik holh a hmangmi Judah mi hna nih khan kannih kan nuhmei hna cu ni fate thil i phawtnak ah hrelh deuh an si tiah an zai.

LAMKALTU 9:39

Cucaah Peter cu aa tim i an sinah cun a kal. A va phak tikah cungdot ah khan an kaipi. Nuhmei vialte nih khan a zual in an zual i an ṭahpah khan, Dorkas nih a nun lioah a rak serpiakmi hna angki hna le puan hna kha an hmuhsak.

LAMKALTU 9:41

Peter nih a kut a hei chanh i a thawh. Cun a zummi hna le nuhmei hna kha a auh hna i a nung in an sinah cun a pek hna.

ROM 1:12

Ka chim duhmi cu, pakhat le pakhat kan i bawm cio hnga; ka zumhnak nih nannih an bawmh hna hnga i nan zumhnak nih kei zong a ka bawmh ve hnga, ti hi a si.

ROM 1:5

Amah thawngin Pathian nih lamkaltu sinak kha a ka pek i miphun kip chungmi kha zumhnak le Pathian nawlngaihnak i phakter awkah a ka fial;

1 KORIN 7:32

Nan lungrethei hlah u ti kan duh hna. Nupi ngei lo pa cu Bawipa duhnak tuah kha aa zuam caah Bawipa rian ah khan lungrethei tein a ṭuan,

1 KORIN 7:34

cucaah cun kap hnih in hnuh a si. Va a ngei lomi an si ah, ngaknu thiang an si ah, pum he thlarau he Bawipa sinah khan i pek an duh caah Bawipa rian cu lungthin tak tein an ṭuan; sihmanhsehlaw va a ngeimi nu cu a va duhnak kha tuah a duh caah vawlei cung thilri ah khan a lung a um.

EFESA 6:18

Hi vialte hi thlacam buin tuah u law Pathian kha bawmhnak hal u. Thlarau nih an hruai hna ningin zeitik caan paoh ah thlacam u. Hi caah timhcia tein um zungzal u law nan hnabei zeitikhmanh ah dong hlah u; Pathian mi hna caah thlacam zungzal u.

FILIPI 4:6

Zeithil kong hmanh ah lungrethei in um hlah u. Thla nan camnak ah Bawipa cu nan herhmi kha hal u law nan hal tikah lunglawm tein hal zungzal u.

1TIMOTE 2:1

Cucaah a hmasa bik ah fial kan duhmi cu, nawlnak le thlacamnak le halnak le lawmhnak biachimnak kha mi vialte caah, kan Pathian sinah tuah u sih. Siangpahrang hna le nawlngeitu hna caah

1TIMOTE 5:16

Sihmanhsehlaw a zummi pakhatkhat nih an innchungkhar ah nuhmei an ngeih hna ahcun, ṭha tein an zohkhenh hna awk a si; Khrihfabu cungah kha rian kha an chiah men awk a si lo, Khrihfabu nih cun zohkhenhtu a ngei lo taktakmi nuhmei kha a zohkhenh khawh hna nakhnga, kha rian kha an chawn awk a si.

1TIMOTE 5:3

Nuhmei a si taktakmi cu hmaizah hna.

2TIMOTE 1:3

Kan pupa hna nih an rak biak bantukin kei zong nih lungthiang tein ka biakmi Pathian cu, chun he zan he ka thlacamnak i nangmah kan theih fate, ka lawmh zungzal.

1 PETER 3:5

Pathian a rak i bochanmi nu hna cu, cu bantukin an i dawhnak a simi an si — an vale nawl an ngaihnak ah khan an i dawhnak cu a si.

RUTH 2:12

Bawipa nih na tuah ciami cu in rul seh law, Bawipa, Israel Pathian, a thla tangah i dor awk i na rak fuhmi nih cun, tampi in laksawng in pe ko seh!” tiah a ti.