1TIMOTE 5:4 - Lai (Hakha) Common Language Bible 2006

⁴ Sihmanhsehlaw nuhmei nih cun fa si hna seh, tu si hna seh a ngeih hna ahcun, cu hna nih zumh awk tlak tein an innchungkhar zohkhenh le an pa si hna seh, an pi an pu si hna seh, cawm ṭhan ve cu an rian pakhatnak ah an chiah awk a si i cucu biaknak lei in an rian Pathian nih tuah hna seh ti a duhmi cu a si.

Laibaibal Thiang (BSI)

⁴ Asinain tule fa a ngeimi a si ahcun an in chungah Pathian ṭihzah cawng hna sehlaw, anmah hringtu hna sinah ṭhatchuah cawng hna seh, cucu a ṭhami le Pathian caah cohlan awk a tlâkmi a si.

1TIMOTE 5:4 ပူးပေါင်းရင်းမြစ်များ

GENESIS 47:12

Josef nih cun a pa le a unau pawl le a pa innchungkhar chung mi vialte kha a hniang bik tiangin rawl a pek hna.

GENESIS 47:28

Jakob cu Izipt ram ah khan kum hleisarih a nung, a kum kum za le sawm li le kum sarih a si tiang a nung.

JOB 18:19

A mi hna lakah tefa siseh, ciruang siseh, a ngei hna lo; A rak umnak tawn vawlei ah khan a nung in a rohmi an um lo.

PHUNGTHLÛKBIA 31:28

A fale nih khan, thluachuak nu, an ti i a va zong nih khan a ti ve i a thangṭhat i,

ISAIAH 14:22

Ralkapbu Bawipa nih, “Babilon cu ka tuk lai i ka hrawh lai. Zeihmanh ka nganhmi a um lai lo — ngakchia siseh a tangmi si hna seh, ka nganhmi zeihmanh an um lai lo. Bawipa nih hi bia cu ka chim.

LUKA 2:51

Cuticun Jesuh cu an sinah Nazareth khua ah khan a kir i a nu le a pa kut tangah nawl ngai tein a um: Hi thil vialte hi a nu nih a lung chungah aa ken dih.

1TIMOTE 2:3

Mi vialte nih khamhnak hmu hna seh ti le biatak kha hngal hna seh ti a duhmi Pathian kan Khamhtu nih, hi thil ṭha hi a duhmi a si.

1TIMOTE 5:16

Sihmanhsehlaw a zummi pakhatkhat nih an innchungkhar ah nuhmei an ngeih hna ahcun, ṭha tein an zohkhenh hna awk a si; Khrihfabu cungah kha rian kha an chiah men awk a si lo, Khrihfabu nih cun zohkhenhtu a ngei lo taktakmi nuhmei kha a zohkhenh khawh hna nakhnga, kha rian kha an chawn awk a si.

TITAS 1:11

Kha hna pawl kha kham an hau, zeicahtiah an chim awk a si lomi thil an chimmi nih khan innchungkhar hna an dihlak in a tuaiter hna i cu zong cu ningzah awk tlak a simi thil, tangka hmuh duh men caah khan a si.

BIACEIHTU 12:14

Amah cu laa sawm sarih cungah aa citmi fapa sawm li le tupa sawm thum a ngei; cun Israel mi kha kum riat bia a ceih hna.

RUTH 2:18

Cun aa phorh i khua chungah a lut; a pi cu a suatmi kha a hmuhsak, cun a khim hnu i a tangmi rawl zong kha a chuah i a pek.

RUTH 2:2

Cun Moab minu Ruth nih cun Naomi cu a thawh i, “Lo ah va kal ning law a rak ka zaangfahtu paoh sinah famua ka va sua lai,” tiah a ti. Cun anih nih, “Va kal ko, ka fanu,” tiah a ti.