1TIMOTE 5:21 - Lai (Hakha) Common Language Bible 2006

²¹ Pathian le Khrih Jesuh le a thiangmi vancungmi hmaika ah, zei thil paoh na tuah tikah aho cung hmanh ah duhdanhnak zeihmanh um loin na tuah nakhnga hi cawnpiaknak hi va zul ko tiah kan nawl.

Laibaibal Thiang (BSI)

²¹ Pathian le Bawipa Jesuh Krih le vanmi thiang hna hmaiah hi bia hna hi ruahning ngei cia lo le thleidan ngei lo tein fekte i dirpi dingin nawl kan pêk.

1TIMOTE 5:21 ပူးပေါင်းရင်းမြစ်များ

SALM 107:43

A fimmi nih cun hi thil hi ruat hna seh; Bawipa dawtnak fek cu ruat zungzal hna seh.

SALM 119:34

Na phunglam kha fiang tein ka chim law ka zulh lai; ka lungthin a dih umnak in ka zulh lai.

PHUNGTHLÛKBIA 18:5

Miṭhalo sin i duhdanh ngeih cu a ṭha lo, miding mi biading coh lo zong a ṭha lo.

LEVITIKAS 14:42

cun lung dang an lak hna lai i kha lung hna umnak ah khan an chiah hna lai i lung benhnak thung dang zong kha an lak lai i inn cu an benh lai.

LEVITIKAS 19:15

“Biaceihnak ah dinlonak nan tuah lai lo; sifakmi kha na duhdanh hna lai lo, mingan zong kha na hmaizah hlei lai lo, sihmanhsehlaw dinnak in na innpa bia kha na ceih lai.

MALAKHI 2:9

Cuticun nannih nih ka lam cu zeihmanh ah nan rel lo i cawnpiaknak nan tuahmi ah khan duhdanhnak nan ngeih caah kei zong nih midang mithmuh ah serhsat awk le santlailo ah kan ser ve hna.

MATTHAI 16:27

Mi Fapa hi ka Pa sunparnak in tuan ah ka vancungmi hna he ka ra lai i mi vialte kha an rian ṭuan ning cio in laksawng ka pek hna lai.

MATTHAI 25:41

“Cun a kehlei i a ummi hna cu, ‘Nannih, Pathian nih chiat a serhmi hna, kal ko u, Khuachia le a vancungmi hna ca i timh a simi zungzal mit lo mei chungah cun va kal ko u.

MATTHAI 28:20

kan fialmi vialte hna hi an zulh nakhnga va cawnpiak hna u. Cun hihi philh hlah u: nan sinah a zungzal in, caan dongh tiangin ka um lai,” tiah a ti hna.

LUKA 20:21

Cu mingiatu hna nih cun Jesuh cu an thawh i, “Saya, na chimmi le na cawnpiaknak hi ahmaan tiah kan hngalh. Ahohmanh an hmai na zoh hlei fawn hna lo, Pathian nih minung caah a herh a timi biatak kha na cawnpiak ko hna.

LUKA 9:26

Ahohmanh keimah le ka cawnpiaknak kha a kan zahpimi cu, Mi Fapa nih ka sunparnak le ka Pa le a thiangmi vancungmi hna sunparnak he ka rat tikah, ka zahpi ve hna lai.

2 KORIN 5:16

Cucaah ahohmanh hi, minung rel in kan tah ti hna lo. Voi khat cu Khrih kha minung rel in kan rak tah ve, sihmanhsehlaw atu cu cu bantuk cun kan tah ti lo.

DEUTERONOMI 1:7

i mer u law, i thawh u law, Amor mi hna umnak tlangram le an pawngkam ram hna Arabah ah siseh, tlangram ah le ramniam ah siseh, Negeb le rilikam ram ah siseh, Kanaan mi hna ram ah siseh, Lebanon ah siseh, tiva ngan Zufrates tiva tiang va kal u.

DEUTERONOMI 33:9

A nu le a pa hna le An unau hna le A fale hna nakin Nangmah kha an in ṭanh deuh, Zeitintiah na nawlbia kha an ngaih i na biakamnak kha an zulh.

1THESALON 5:27

Bawipa nawl in, hi ca cu kan unau pawl vialte kha rak relpiak hna u tiah kan nawl hna.

1TIMOTE 6:13

Zeizong vialte nunnak a petu Pathian le Pontius Pilat hmaika ah aa phuangmi Khrih Jesuh hmaiah nangmah cu hitihin nawl kan pek.

2TIMOTE 2:14

Biafang i al lengmang kha ngol u, tiah Pathian hmaiah ralrinnak pe hna law, na mi pawl kha, cucu chim ṭhan lengmang hna. Cu nih cun ṭhatnak zeihmanh a chuahpi lo, a ngaitu kha a hrawh lam a hrawh men hna.

2TIMOTE 4:1

Pathian hmai le, mi vialte a nungmi he a thimi he, bia a ceihtu ding Khrih Jesuh hmaiah, fak piin kan nawl; cun a rat lainak le a pennak in kan nawl fawn;

JEIM 3:17

Sihmanhsehlaw cunglei in a rami fimnak cu a hmasa bik ah a thiang i cun daite le nem tein a um i hawikom cungah a ṭha; midang zaangfahnak khan a khat i thil ṭha kha tampi a tlai; thleidannak zeihmanh a ngei lo i a zer zong a zer lo.

2 PETER 2:4

A sualmi vancungmi kha Pathian nih a zuah hna lo i hell ah a thlak hna, khika mui lakah thir cikcin in an hren hna i Biaceih Ni kha an hngak ko.

JUDAS 1:6

Cun Pathian nih, hi vial hi nan nawl ngeihmi a si lai, tiah a ti i cu chung i a um duh lomi vancungmi hna kong kha philh hlah u. Vawlei tang muihnak ah khin thir cikcin in zungzal an hren hna i sualphawt an si lai ni, ni lianngan a phak tiang cuka ah cun Pathian nih a chiah hna lai.

BIAPHUAN 14:10

Pathian zu, a thinhunnak zu, a thinhunnak hrai chung i ti cawh hrimhrim loin thletmi kha an din lai. Cu a dingmi vialte cu vancungmi mithiang hna le Tuufa hmaiah, mei chung le kat chungah, hrem an si lai.