1TIMOTE 4:7 - Lai (Hakha) Common Language Bible 2006

⁷ Pathian kong a si lomi tuanbia menmen kha cu hrial hna, kha hna kha cu nutar ca lawngah an i tlak. Pathian he aa tlakmi nunnak kha ngeih i zuam zungzal.

Laibaibal Thiang (BSI)

⁷ Asinain Pathian-zeirellonâk le pitar hna tuanbia kha hlaw hna law Pathian-ṭihzahtu si dingin cawlcang.

1TIMOTE 4:7 ပူးပေါင်းရင်းမြစ်များ

LAMKALTU 24:16

Cucaah Pathian hmai le minung hmaiah chiaṭha thleidannak thiang ka ngeih khawh nakhnga kaa zuam khawh chungin kaa zuam.

1TIMOTE 1:4

Kha bantuk tuanbia menmen hna le chuahkehnak min sau pipi in an ṭialmi cazin menmen hna kha cu, zeihmanh an si lo caah, hlaw hna u, tiah na rak chimh hna lai; zeicahtiah kha bantuk thil nih khan bia alnak lawnglawng a chuahpi i zumhnak in hngalh khawh a simi Pathian khuakhannak kha zeihmanh a langhter lo.

1TIMOTE 1:9

Sihmanhsehlaw kan hngalh awk cu, nawlbia cu miṭha mi hna caah ser a si lo i nawlbia a buarmi hna le bia ngai duh lomi hna le Pathian zei i a rel lomi hna le misual mi hna le biaknak zei i a rel lomi hna le thlarau lei thil zei i a rel lomi hna le an nu an pa a nawngmi hna le

1TIMOTE 2:10

Biaknak a ṭanhmi nu nih an tuah tawn bantukin ziaza ṭha tu in i thuam hna seh.

1TIMOTE 3:16

Kan biaknak phung chung i aa thupmi biathli hi zeitluk in dah a ngan ti kha ahohmanh nih an al kho lo: Minung pum in a lang i ahmaan tiah Thlarau nih tehte a khaan, Vancungmi zong nih an hmuh. Miphun kip sinah a kong cu chim a si, Vawlei cung khuazakip ah mi nih an zumh i vancung ah a kai.

1TIMOTE 4:8

Pum in thiam lakin cawnmi kha santlaihnak a ngei, asinain cu bantuk santlaihnak cu donghnak a ngei; sihmanhsehlaw biaknak ṭhathnemnak cu donghnak a ngei lo, zeicahtiah cu biaknak chungah cun Pathian nih atu kan nunnak ca he hmailei kan nunnak ca he bia a kan kamh.

1TIMOTE 6:11

Sihmanhsehlaw nang cu Pathian mi na si caah hi thil vialte hi hrial hna. Dinnak le Pathian hmaizahnak le zumhnak le dawtnak le in-khawhnak le lungnemnak kha tuah i zuam hna.

1TIMOTE 6:20

Timote, ken awk an in fialmi thil cu him tein na ken hna lai. Pathian hmaizah loin biachim lengmang le hruhnak bia alnak, mi a cheu nih hmaan lopi in “Fimnak” tiah an timi cu hrial naa zuam hna lai.

1TIMOTE 6:3

Hihi na cawnpiak hna awk le na chimh hna awk a si. Kan Bawi Jesuh Khrih bia le kan biaknak phung nih a kan cawnpiakmi he aa khat lomi cawnpiaknak phun dang a cawnpiaktu hna paoh cu

1TIMOTE 6:5

le dong loin bia i al lengmangnak kha a chuahter: biatak a ngei ti lomi cu hi bantuk hi an si ko. Biaknak hi rumnak lam pakhat ah an ruah.

2TIMOTE 2:16

Pakpalawng a simi le hruhnak men a simi, i al lengmangnak kha hrial i zuam. Cu nih cun Pathian he lam a hlatter chinchin hna.

2TIMOTE 2:23

Bia i al lengmangnak, hruhnak men le zeihmanh hngalh set ṭung loin i al lengmangnak hi hrial i zuam, zeicahtiah hi bantuk bia i al lengmangnak cu i siknak ah a dong ti kha na hngalh.

2TIMOTE 3:12

Khrih Jesuh he i pehtlai i Pathian nunning in nun a duhmi paoh cu hremnak an ing ko lai;

2TIMOTE 3:5

kan biaknak phung hi a lenglei in an i tlaih lai, sihmanhsehlaw a chung i a ummi ṭhawnnak taktak kha cu an duh lai lo, cu hna cu hrial i zuam hna.

2TIMOTE 4:4

Biatak kha an kaltak lai i minung tuanbia tu kha ngaih an duh deuh lai.

TITAS 1:14

Judah mi hna tuanbia ṭukṭak le biatak a hlawmi hna nih an chuahpimi minung nawlbia kha zeihmanh ah an rel ti hna lai lo.

TITAS 2:12

Cu Pathian vel nih cun pathian zeirello in kan nun tawnnak le hi vawlei cung pumsa duhnak hlawt kha a kan cawnpiak i hi vawlei cungah hin mah le mah aa uk khomi si awk le ding tein nun le Pathian ṭihzah in um kha a kan forh.

TITAS 3:9

Asinain bia i al lengmangnak le thawhkehnak min ṭialnak cazin sau pipi le i sik le Phungbia kong i alnak kha cu hrial i zuam ko hna. Cu bantuk cu santlai lomi thil, pakpalawng men an si.

HEBRU 5:14

Sihmanhsehlaw rawl taktak cu upa nih khan an ei khawh; annih cu chia le ṭha thleidan khawhnak a ngei cangmi an si.