1TIMOTE 2:10 - Lai (Hakha) Common Language Bible 2006

¹⁰ Biaknak a ṭanhmi nu nih an tuah tawn bantukin ziaza ṭha tu in i thuam hna seh.

Laibaibal Thiang (BSI)

¹⁰ Pathian a ṭanhtu nu hna nih a za tawkin thilṭha tuah in i ṭamh hna seh.

1TIMOTE 2:10 ပူးပေါင်းရင်းမြစ်များ

PHUNGTHLÛKBIA 31:25

Amah cu a ṭhawngmi a si i hmaizahmi a si i hmailei caan kha a ṭih lo.

PHUNGTHLÛKBIA 31:31

Amah cu a kut theitlai ruangah khan thangṭhat u, Hauka ah khan amah cu a rianṭuannak nih khan upatnak hmuhter seh.

LAMKALTU 9:36

Cun Joppa khua ah hin Jesuh zummi nu pakhat a min Tabitha a simi a um, (amah cu Grik holh cun Dorkas ti a si i a sullam cu sazuk tinak a si.) ṭhatnak tuah le sifak bawmh ah khan a caan vialte cu a hman dih tawn.

LAMKALTU 9:39

Cucaah Peter cu aa tim i an sinah cun a kal. A va phak tikah cungdot ah khan an kaipi. Nuhmei vialte nih khan a zual in an zual i an ṭahpah khan, Dorkas nih a nun lioah a rak serpiakmi hna angki hna le puan hna kha an hmuhsak.

EFESA 2:10

Kannih cu Pathian kutchuak kan si i Pathian nih thil ṭha tuah dingah a rak kan tinh bantukin Khrih he kan i pehtlaihnak thawngin thil ṭha cu kan tuah khawhnak hnga a kan ser ṭhanmi kan si.

1TIMOTE 2:11

Nu cu cawnpiaktu si loin a cawngtu an si awk a si, cun an cawn tikah daite le toidornak lungthin ngei in an cawn awk a si.

1TIMOTE 2:9

Nu zong aa za tawk le aa dawh tawk in i thuam hna seh ti ka duh. An sam kha a hlei a hluat in i tom hna hlah seh, sui hlawn le lungvar hlawn le hnipuan man sang tuktuk in i ṭamh tuk hna hlah seh.

TITAS 2:14

Kannih cu ṭhat lonak chungin chanh awkah le amah ta a simi mithiang si awkah le ṭhatnak tuah a duhmi siter awkah, kan caah a nunnak kha a pek.

TITAS 3:8

Hi bia hi biatak a si. Hi bia hi biapi in na rak lak hna awkah ka duh. Pathian a biami nih cun hmaizah awk tlak a simi rian kha ṭuan hna seh law, cu rian cu anmah caah hmaizah awk tlakmi rian a si ti lawng si loin an minung hawi ca zong i a ṭhahnemmi rian a simi kha si hna seh.

1 PETER 2:12

Nan ziaza kha lawkihmi hmanh nih a ṭha an timi si seh law, atu ah cun miṭhalo tiah an in ti ko hna lai nain, nuncan ṭha in nan nun kha anmah hrimhrim nih an hmuh lai i Pathian cu mi vialte biaceih awk i a rat Ni ah cun an thangṭhat lai.

2 PETER 3:11

Van le vawlei cu hi bantukin hrawh an si lai caah, zei bantuk mi dah kan si awk a si ti cu ruat tuah u. Nan nunning cu a thiangmi le Pathian sin i pekmi an si awk a si.

BIAPHUAN 2:19

Na tuahmi kha ka hngalh. Dawtnak na ngeihmi le zumhawktlak na sinak le na rianṭuanmi le na lungsaunak kha ka hngalh hna. A hramthawk ah na rak tuahmi nakin atu ah tam deuh na tuah ti kha ka hngalh.