1JOHAN 5:14 - Lai (Hakha) Common Language Bible 2006

¹⁴ Amah duhning in kan hal ahcun, kan halmi paoh kha a kan pek hrimhrim lai ti kan zumh caah Pathian cu ṭihnak zeihmanh um loin kan fuh ngam;

Laibaibal Thiang (BSI)

¹⁴ Cubangin hihi Amah cung i kan ralṭhatnâk cu a si, Amah duh ningin kan halmi pauh, a kan ngaihpiakmi hi.

1JOHAN 5:14 ပူးပေါင်းရင်းမြစ်များ

1 SIANGPAHRANG 3:12

zohhmanh, na bia bangin ka tuah lai. Zohhmanh, a fim le thil a thleidang khomi lungthin kan pek, cucaah nangmah bantuk ahohmanh an rak um bal lo i nangmah bantuk hi a chuah zong an chuak bal ti fawn lai lo.

JOB 34:28

Khi tikah sifakmi aunak kha a hna chungah a phan i hremmi hna aunak kha a theih.

SALM 145:19

Amah a ṭihmi paoh cu an herhmi vialte kha a pek hna i an aunak kha a theih i a khamh hna.

SALM 31:22

ka thin a phang i na sinah umter ti loin na ka dawi cang rua tiah ka ruah. Sihmanhsehlaw nangmah sinah bawmhnak hal in ka au tikah ka aunak kha na rak theih.

SALM 34:17

Miding mi nih cun Bawipa kha an auh i an bia kha a ngaihpiak hna, an harnak chungin a chuah hna.

SALM 69:33

Sifahnak le retheihnak a ingmi hna thlacamnak cu Bawipa nih a ngaih i thong chungah a ummi hna kha a philh hna lo.

PHUNGTHLÛKBIA 10:24

Miṭhalo cu a ṭihmi thil kha a cungah a tlung lai, sihmanhsehlaw miding nih cun a saduhthah kha a co lai.

PHUNGTHLÛKBIA 15:29

Miṭha nih thla an cam tikah Bawipa nih a ngaihpiak hna, sihmanhsehlaw miṭhalo cu zei ah a rel hna lo.

JEREMIAH 33:3

“Nan ka auh ahcun kan leh hna lai i a nganmi le a thukmi thil nan hngalh bal lomi hna kha kan chimh hna lai.

MATTHAI 21:22

Nan zumh ahcun thlacamnak in nan halmi paoh kha nan hmuh lai,” a ti.

JOHAN 11:42

Ka bia na ka theihpiak zungzal ti cu ka hngalh ko, sihmanhsehlaw hi ka chimnak cu hika i a ummi hna caah hin a si, annih nih keimah cu nangmah thlahmi ka si kha an ka zumh khawh nakhnga caah a si,” tiah a ti.

JOHAN 14:13

Pa sunparnak cu Fapa thawngin a langh khawh nakhnga, ka min in nan halmi paoh cu kan tuahpiak hna lai.

JOHAN 15:7

Ka chung i nan um i ka bia kha nan chungah a hmunh ahcun, nan duhmi paoh kha nan ka hal lai i nan hmuh ko lai.

JOHAN 16:24

Atu tiangah cun ka min in zeihmanh nan hal rih lo, hal u law nan hmuh lai, cu ti nan tuah ahcun nan i lawmhnak cu a tling lai,” tiah a ti.

JOHAN 9:31

Pathian nih misual cu an bia a ngai hna lo i amah a upatmi le a duhnak a tuahmi kha an bia a ngaihpiak hna ti cu kan hngalh.

EFESA 3:12

Amah he kan i pehtlaih caah le amah kan zumhnak thawngin Pathian umnak chungah ṭih lo tein luh ngamnak luatnak kan ngei.

HEBRU 10:35

Cucaah nan ralṭhatnak kha thlau sual hlah u, nan ralṭhatnak nih cun laksawng nganpi an phorh hna lai.

HEBRU 3:14

Zeicahtiah a hramthawk tein ralṭha ngaiin kan rak zumhmi kha fek tein a dongh tiang kan i tlaih ahcun, kan dihlak in Khrih hawi kan si dih zungzal lai.

HEBRU 3:6

Sihmanhsehlaw Khrih zumh awk tlak a sining cu, Pathian inn a zohkhenhtu Fapa ningin a si. Cu inn cu kanmah hi kan si i cu kan simi cu kan i ruahchanmi kha fek te le ṭih lo tein kan i tlaih peng lawngah kan si zungzal lai.

JEIM 4:3

Cun nan hal tikah nan hmu kho lo, zeicahtiah nan i tinhmi kha a ṭha lo; nanmah nuamhnak ca lawng i hman awkah khan thil cu nan hal.

JEIM 5:16

Cucaah cun nan sualnak kha pakhat le pakhat i chim u law pakhat le pakhat thla i campiak u, cu ti nan tuah ahcun damnak nan hmuh lai. Miṭha mi thlacamnak cu hmual a ngei.

1JOHAN 2:28

Asi, ka fale hna, amah chungah cun um ko u, nan um ahcun amah a hung langh tikah ralṭhatnak in nan khat lai i a rat Ni ah khan ningzak in i thuh nan herh lai lo.